السلام عليكم..
ربما اغلب الناس يهووُن في (منطقة الراحة) بعد مرورهم بفترات من التراجع والفشل أو الانكسار، أو الصدمة.. يعتقد الأغلب منهم في تلك المرحله (منطقة الراحة) الملاذ للهدوء والسلام الداخلي أحياناً .. لكنها في الحقيقة أشبه بشباك الصيد التي ما إن تحركت لتتحرر منها ستضطر لقبول واقعك الجديد..
فكيف السبيل للخروج من تلك المنطقة التي طالت معي لعامين متتاليين بعد انكسار وخزي، ورغم كثير المحاولات للخروج إلا أن جميعها باءت بالفشل والانتكاس؟
حاول أن تبحث عن العلة الداخلية التي تشجعك على البقاء في منطقة الراحة وتغلب عليها - حينها ستعرف الطريق الذي عليك أن تسلكه للخروج من هذه المنطقة لمنطقة التعلم والنمو
تم النشر الثلاثاء، ٢٣ يوليو ٢٠٢٤
الحل هو انضباط يعني تعمل لنفسك جدول انك هتعمل كذا حاجه نهاردة يعني نهاردة هتعلم حاجه جديدة واحاول اعملها ،هلعب رياضة نهاردة وتكون كل حاجة بتدريج يعني نهاردة هلتزم بتمرين ربع ساعة بعد اسبوع نص ساعه كدا او كدا الوقت هيعدي وخليك فاكر ان هروب من واقع براحة مش هيحل حاجه ولا هيغير من واقع في حاجة بس تقبلك ليه وتحاول تعمل خطوات بسيطه عشان تحسنه هيكون احسن
تم النشر الثلاثاء، ٢٣ يوليو ٢٠٢٤
فى البداية كده.من الواضح أن حضرتك مريت بمواقف صعبه أثرت عليك جدا وده خلاك تكون فى منطقه الراحه. جميل جدا انك تعرف ايه الحاجات اللى ممكن تعملها علشان تستخدمها كوسيلة للخروج من الازمه أو المشكله لكن صعب جدا انك تكمل حياتك فيها لمجرد انك بتحبها أو بترتاح فيها. علشان تبدأ تخرج من الوضع ده لازم يكون عندك إرادة قويه وصبر علشان التغير مش بيكون بين الليل وضحاه لأن كل حاجه بتاخد وقتها. حاول انك تغير روتين يومك وتركز على اكتر حاجات بتحس فيها بإنجاز وانك متحمس تشتغل فيها وتبدأ تعملها. حاول لو فى تجمعات مع اصدقائك او أقاربك انضم ليها هتفرق معاك. اكتب كل اللى جواك دايما هيفرق معاك كتير لو ليك صديق مقرب أو لايف كوتش اتكلم معاهم باستمرار وشاركهم افكارك لأن الدعم النفسي مهم جدا وافتكر دايما أن ربنا معاك في كل خطواتك وبيساعدك وانك قوي وهتقدر 🌷
تم النشر الثلاثاء، ٢٣ يوليو ٢٠٢٤
في الواقع منطقة الراحة أو الثبات على قدر ضئيل من الإنتاجية أفضل بكثير من الانتكاسة والتراجع للخلف. لكن عن كيفية الخروج من هذه الدائرة يمكنك متابعة بعض الملهمين الذين يتحدثون عن التقدم والإنتاجية وخلافه، وهنا أرشح لك أحمد أبو زيد من قناة دروس أونلاين. كما يمكنك اعتماد مبدأ التحايل على النفس، بمعنى، برمجي دماغك على التقدم ولو ربع درجة، أعطي وعد لنفسك أنك لن تضغطي نفسك. مثال، لو أنك خلال منطقة الراحة لا تخصصي وقتًا للقراءة نهائيًا إذًا خصصي لنفسك صفحة واحدة وكوني صادقة مع نفسك، إذا أتممتِ الصفحة ووجدت رغبة في استكمال القراءة فأكملي، إذا وجدتِ أنك اكتفيت فتوقفي فورًا. واستمري على الصفحة الواحدة لفترة طويلة حتى تصبح عادة مقبولة سهلة الأداء بالنسبة لك.
تم النشر الثلاثاء، ٢٣ يوليو ٢٠٢٤
وعليكم السلام ورحمه الله وبركاته. عرض لك مخطط كده جميل جدا علشان يفهمك الانتقال من مرحله فيكم تكملتي انا لنفس النصيحه او لنفس الحاجات اللي ممكن تعملها عشان تخرج من المرحله او. النقطه اللي انت مش عارف تخرج منها؟ زي ما انت وصفتها كده وهي عباره عن شبكه او كانه خيط ملفوف وفي كذا عقده فانا لو اتعاملت مع الخيط ده بعنف او حاولت ان انا افكه بسرعه او يعني بطاقه كبيره في الغالب هيتقطع فانا خوفا على ان الخيط ده يتقطع واحنا عايزين نحافظ عليه لازم نتعامل معاه واحده واحده ف واحده واحده دي معناها ان انا مش هقوم كده فجاه واقول لا خلاص انا عايزه اغير حياتي فانا من الصبح هاقوم وانزل اروح اعمل رياضه وهاكل اكل صحي وهتصل باصحابي واقابلهم. الكلام ده بيبقى غلط جدا لانه بتلاقي نفسك متقيد متكتف في كذا عقده وهما هيمنعوك انك تعمل ده مره واحده. فاحنا مش عايزين نقطع حاجه وعايزين نحافظ على كل حاجه فهناخدهم واحده واحده. هتبدا هتشتغل على حاجه حاجه هتبدا مثلا باجتماعياتك وهتحدد لنفسك حاجه واحده تعملها في الاجتماعيات كمثال انا هشتغل الاسبوع ده على ان انا كل يوم اعمل مكالمه على الاقل لحد من عيلتي اسلم عليك اوكي كده احنا بنعمل ايه احنا بنفك واحده واحده طيب كشكل مثلا خاص بالنقطه الصحيه انا هقوم كل يوم مثلا او ثلاث مرات في الاسبوع ومش لازم كل يوم هعمل تمرين معين تمرين واحد بس هعمل مثلا 10 ضغط اوكي واحده واحده علشان نبدا نخرج نفسنا من الشبكه من غير ما نقطع حاجه من غير ما يحصل عندنا انتكاسه مره ثانيه ولا نحس ان احنا مش عارفين نخرج منها. نصيحه المفيده لك وربنا يقويك.
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا