انا آنسه عندي 37 سنه ومتقدملي واحد 57 هوه ارمل وعنده 3اولاد متزوجين وكل واحد في عيشه لوحده وهكون انا وهو بس في شقه لوحدنا وهو مرتاح ماديا وانا متقبلاه شكليا والي حد ما طباعه عجباني بس فرق العشرين سنه عامل ليا قلق وحاسه أنه عائق بالرغم أنه شاريني اوي وهو شكله مش كبير ده طبيعى دلوقتي ولا بعد كدا ممكن اندم أو احس اني اتسرعت ،افدوني من وجه نظركم وناس حوليكم
التجارب مش مقياس خالص في بنات تزوجت بفارق سن كبير ونجحت وبنات تزوجت بفارق صغير ولم تنجح المقياس في الزواج بيكون الطباع والقبول والراحه النفسيه وكل ده لازم يقترن بالاستخاره وياريت لو تستخيري كل يوم وحاولي تدرسي كل الجوانب في حياته يعني علاقته باولاده تعاملك معاهم فيما بعد تقبلهم لوجودك في حياته كده يعني حاولي انك تكوني مرتاحه لكل الجوانب ال تهمك ربنا يرضيك ويلهمك الصواب ويوفقك للخير
تم النشر الاثنين، ١٣ مارس ٢٠٢٣
المهم اسألى نفسك السؤال ده. هل جوازك منه هيوفرلك احتياجاتك النفسية قبل المادية ولا لا؟ هل هتكونى فخورة وانتى بتتكلمى عن جوزك ده ولا فى خاجة جواكى بتقول هتبقي مكسوفه مثلا؟
تم النشر الأحد، ١٢ مارس ٢٠٢٣
آرائنا ونصايحنا حاجه وانك تصلي استخاره حاجه تانيه وبجد ده المهم.. السن مش عائق خالص طول ما الحمدلله صحته كويسه وملامحه مش كبيره آوي.. الاهم فعلا طباعه واخلاقة ومعامله ولاده ليكي فإنتي ممكن تقعدي مع نفسك تعملي مقارنه عيوب ومميزات وتبقي أخذتي بالاسباب و المنطق وفنفس الوقت تصلي كتير استخاره ويبقي نورتي قلبك صح وارتحتي نفسيا واستقريتي
تم النشر السبت، ١١ مارس ٢٠٢٣
صلي صلاة استخارة
تم النشر السبت، ١١ مارس ٢٠٢٣
فيه ناس شكلهم وهيئتهم أصغر من سنهم - يعني السن مش باين عليهم فحاولي تركزي على عوامل تانية غير السن ممكن تفرق معاكي في اتخاذ القرار وتعادل موضوع السن كالتدين وجمال الأخلاق مثلا
تم النشر السبت، ١١ مارس ٢٠٢٣
لعرض السؤال في فدني اضغط هنا