اخوتي مشكلتي اني عمري 43 سنة وما حققتش اي انجاز في حياتي لسه عازب عامل تجارة على قدي يعني مدخول ضعيف وما فيش حاجة تحمسني عشان اكبر التجارة دي، بقيت خايف من كل حاجة حتى الزواج بقيت شايف اني كبرت عليه تايه ومش عارف اعمل ايه من الاخر يأست من الحياة وفقدت ثقتي بنفسي و بقيت بجلد روحي كثير عشان لغايت سن 34 سنة كان عندي شغل كويس وشباب بس معرفتش استغل امكانياتي ياريت نصائح عملية عشان أتجاوز حالتي دي (تايه ،مش عارف ابتدي منين ،مكتئب ...)وكمان فكرة الزواج تنصحوني بايه.
اهم نصيحة لا تنظر كثيرا للوراء ...تعامل بما هو متاح الان اعمل بنفس مبدأ انه حتى ان قامت الساعه وفى يدك نبته عليك ان تزرعها كذلك ما دمت حيا اسعى فى كل الامور حتى وان تهيىء لك ان هذا اقتراب من النهاية
تم النشر السبت، ٣٠ ديسمبر ٢٠٢٣
فيه ناس عادي بتفكر في الزواج وهما عندهم فوق ال 50 .. الزواج ملوش سن، مادمت قادر على الزواج. اما بالنسبة لشغل حضرتك .. انت اكيد عندك خبرة دلوقت كافية لانك شغال بقالك فترة .. فكر واستخير كتير .. وتوكل على الله ف قراراك .. واستشير كمان حد في مجالك. اقف على ارض صلبة الاول في الشغل، وخد خطوة في الزواج.
تم النشر السبت، ٣٠ ديسمبر ٢٠٢٣
خليك حنين بالكلام علي نفسك يعنى حتى لو لقيت أن مفيش امل مع أن مستحيل بس لو هنقول أن مفيش خليك فيك المحاوله وربنا هيرزقك بواحده كويسه تراعيك وتقف جمبك بس الموضوع محتاج صبر وان شاء الله ربنا يكرمك
تم النشر الأحد، ٣١ ديسمبر ٢٠٢٣
ربنا يوفقك ويعنيك ويصلح حياتك خلي عندك يقين ان ربنا شايلك الأحسن نصيب ربنا كاتبهولك بس اصبر وخلي إيمانك برنا قوي
تم النشر الأحد، ٣١ ديسمبر ٢٠٢٣
المشكله مش انك تجاوزات السن المشكلة انى لازم يكون عندك شغف انك تكمل انك عايز تكون احسن لازم يكون عندك هدف توصله وهو انك تكون ناجح انت جواك طاقه كويسه المهم تشوف المكان المناسب و اكيد ناجح فى حاجة دور جوه نفسك و انت هتكون فى افضل حال و على الجواز فى ناس بتتجوز وهى فى ال60المهم تكون مرتاح نفسيه فى الجواز وتكون لقيت نصك التانى
تم النشر السبت، ٣٠ ديسمبر ٢٠٢٣
انت في عز شبابك..اوعي تفتكر انك عجزت..انت كبرت..كبرت في النضج كبرت في الوعي ..كبرت انك تعرف الدنيا صح..مسئوليه حقيقه..ايوه الظروف اختلفت والحياه صعبه..انت قدها لأن بقيت علي كل الناس كده..المهم الاختيار..اختار اللي يناسبك زوحتك..تجارتك..اوعي تقول لو خلفت الفرق بيني وبين ابني كام سنه..اعرف ناس خلفت بعد عشرين سنه من جوزهم..اتكل علي الله..ربك كريم اوووى..قرب من ربنا..ابعد فكره اليأس من حياتك..كفايه انك انسان حر..صاحب قرار ومهما كان القرار تقدر تحققه..بالتوفيق
تم النشر الأحد، ٣١ ديسمبر ٢٠٢٣
السن مش حاجه لكل ده هو بس مجرد رقم...... انت شيل التفكير ده من دماغك خالص وابدأ شوف حياتك وبدل ما تفكر في كده فكر ازاي تطور حياتك وموضوع الجواز ده كده كده هييجي واختار الشخص المناسب اهم حاجه ف متقلقش وربنا يوفقك
تم النشر السبت، ٣٠ ديسمبر ٢٠٢٣
السن مش اهم حاجه حاول تبدا من دلوقتي واكيد ربنا مش بيضيع تعب حد
تم النشر الأحد، ٣١ ديسمبر ٢٠٢٣
النجاح في الحياة والسعادة مفيش ليهم سن ولا عمر محدد حط لنفسك هدف أنك تكبر تجارتك وابدأ اشتغل عشان تحس بقيمة نفسك قبل اى حاجه ودور علي زوجة مناسبة واستقر ساعتها هيبقي عندك سبب تتعب علي عشانه أنت عارف الحل بس محبط لكن السن مش مهم وربنا يجبر بخاطرك وييسرلك امورك
تم النشر السبت، ٣٠ ديسمبر ٢٠٢٣
ربنا يوفقك ويعينك ويحسن حياتك
تم النشر السبت، ٣٠ ديسمبر ٢٠٢٣
لعرض السؤال في فدني اضغط هنا