بصو ي جماعة الخير الله يرضي عليكو يارب وتخشو الجنه
انا واحد ف تالتة ثانوي .. فاضلي ٤ شهور .. شيطاني ضاحك عليا ..
اواجهة ازاي معرفش .. اواجهة النفس السوء مقدرش .. كيف أكون رجلاً في دراستي 😂🤦
هو اول حاجة افتكر تعب اهلك جة الوقت إلى ترضلهم جزء من تعبهم وقت مايلقوك جايب نتيجة حلوة وحققت حلمهم وحلمك هاينسو تعبهم فى اللحظة دى لاكن لو خزلتهم لقدر الله سعتها هايحسو بتعبهم طول السنين دى وكمان انت دى اخر مشوار دراسة كبير ودى فرصة حاول تستغلها وتبقى حاجة وتحقق حلمك علشان مجيش تندم بعدها وربنا معاك اسفة على الاطالة
تم النشر الأربعاء، ٢٨ فبراير ٢٠٢٤
افتكر كده خذلان الصحاب والكلام اللى بتسمعوه من بعض طول الوقت وحش ازاى . وبلاش انت تخذل اهلك وتجيب نتيجة مترضيهمش فى تعبهم فى السنين اللى فاتت كلها لو مش حاسس بمسئولية تجاه نفسك ..تحمل مسئولية زعل اهلك وتعبهم ع الاقل عشان الخذلان بيوجع
تم النشر الاثنين، ٢٦ فبراير ٢٠٢٤
فكر في انك ضيعتلا وقت كفاية وهما 4 شهور وترتاح حط في بالك الندم اللي هتحس بيه لو ظهرت نتيجة تقصيرك وشجع نفسك بانك تحط اهدافك قدامك حاول ترافق الناس اللي مش مستهترة واللي هتساعدك على عدم تضييع الوقت
تم النشر الاثنين، ٢٦ فبراير ٢٠٢٤
لو مش مقرر هتدخل كلية إيه لحد الوقتي ممكن يكون دا السبب .. إتخيل كدا إنك جبت مجموع كبير ومتاح ليك كل الإختيارات وبتكتب رغباتك .. هتكتب إيه في الرغبات ؟ ولو العكس والمجموع مش أحسن حاجة .. هتكتب إيه في الرغبات؟ إعمل نوته في موبايلك كدا و إكتب الحاجات اللي هعملها بعد الامتحانات كل ما تيجي تعمل حاجه هتضيع وقتك .. مثلا هتشوف مسلسل إكتبه في النوته .. مكان عايز تروح .. إكتبه وهكذا وكمل مذاكره .. وخلي ف بالك انهم 4 شهور هيعدوا بسرعه جدا و بعدهم يإما هتقعد تحقق كل اللي كتبته في النوته وإنت مبسوط يإما هتقعد ندمان مش بعيد بقيت عمرك كله وإنت بتقدم في وظيفه مش حاببها عشان مقدرتش تدخل الكلية اللي نفسك فيها بسبب مسلسل او خروجة او شويه تقليب فالموبايل وربنا معاك
تم النشر الاثنين، ٢٦ فبراير ٢٠٢٤
تخطي فكره الضغط ويا تجيب مجموع كليات القمه والا الناس هتاكل وشك ومستقبلك هيضيع دا هيساعدك جدا جدا الجانب النفسي مهم عايزة افولك ان 4شهور دول حلوبن لو شديت فيهم الامتحان مش هيبقي بالصعوبه اللى متخيلها خالص القلق والخوف مصعبينهم بس خلي نيتك لله فى الاول وف الاخر واستودع الله مستقبلك واعمل اللى عليك
تم النشر الثلاثاء، ٢٧ فبراير ٢٠٢٤
لعرض السؤال في فدني اضغط هنا