انا مش مبسوطه شايله هموم كتير اوي اكبر منى وانا لوحدى مليش صحاب كان نفسي في صاحبه واحده بس تبقي جنبي كل اما بصاحب حد مع الوقت بنكون قريبين جدا وبنبعد بعد كام سنه معرفش ليه لكن انا كان نفسي يكون عندى صحاب كان نفسي اهلى يحسسونى انهم بيحبونى
مش عارفه اعبر عن حبى اتحبيت كتير بس مشبعتش حب من بيتى كان نفسي يكون ابويا صديقي لكن هو اكتر واحد عاملى مشاكل حتى شريك حياتي كل اللى بيجوا مش مناسبين وانا كمان خايفه من ان اختار غلط واتبهدل طول حياتى انا حياتى ملخبطه اوي
شايله هم كل الناس وعايزه كل حاجه تمشي كويس انا مش بعرف انام من كتر التفكير مش بعرف انام من كتر ما نفسي اعيط ومش عارفه اعيط على ايه ولا ايه انا حاسه بالفشل منجحتش اكون اخت تتحب ولا صديقه ولا ابنه ولا شريكه ولا في شغل عارفه أنجح
عايزه اعمل حاجات كتير بوصل في الاخر للصفر ولا حاجه بعملها بجد مش عارفه اتبسطت بيجيلى خنقه كدا رهيبه مره واحده أحس إني كويسه ومره واحده تحت الصفر أو لما ابقي لوحدى الخنقه دى بتجيلى
🎤 إجابة صوتية
تم النشر الثلاثاء، ٨ أبريل ٢٠٢٥
صباح الخير ويارب تكونى بخير.. اعتقد ان مشكلتك في نظرتك لنفسك.. أكبر غلط بتقعي فيه إنك بتقارني نفسك بغيرك أو بتحسي إنك مش كفاية.. الحقيقة إن كل حد عنده مشاكله وتحدياته واولوياته حتى اللي باينين إن حياتهم مثالية.. ركزي على نفسك وعلى رحلتك..مش على اللي ناقصك.. ووقت متعملى كدا هتدركى الى ناقصك.. ولازم تبدأى تغيرى تفكيرك فى نظرتك لحياتك ونص الكباية المليان.. فكرى فى النعم الى فى حياتك.. انتى ينقصك شعور الرضا فى حياتك.. وطول ماهو مش موجود مش هتعرفى تحسى بطعم السعادة.. الوحدة مش معناها إنك فاشلة أو مش محبوبة.. بالعكس ممكن تكون فرصة تكتشفي نفسك أكتر وتبني شخصيتك من غير تأثير من حد.. استغلي الوقت ده في تطوير ذاتك بدل ما تكرهيه.. حبى نفسك والظروف الى حوليكى تعايشي معاها وتعاملى وحسنيها ..نقمك عليها مش هيوصلك لحاجة غير تعب نفسك.. مش لازم كل حاجة تبقى واضحة دلوقتي.. الحياة مش جدول زمني صارم.. ولو دلوقتي حاسة إن كل حاجة متلخبطة ده مش معناه إن ده وضع دائم.. الصبر والتدرج في الحلول هو السر.. خطوة صغيرة النهارده ممكن تغير حياتك بعد سنة.. مافيش عصاية سحرية هتغير حياتك.. ما تستنيش حد ينقذك...انقذي نفسك بنفسك محدش هييجي فجأة يغير حياتك أو يحل مشاكلك التغيير لازم يبدأ منك..اربطى تغيرك بنفسك وبأنك تكونى احسن.. محتاجة اوى تزودى ثقتك ف نفسك. الحياة مش كلها علاقات، لكن علاقتك بنفسك أهم علاقة.. لو كل تركيزك على إنك محتاجة صديق أو شريك.. هتفضلي حاسة بالنقص.. بس لما تبني نفسك الأول..العلاقات هتبدأ تيجي لوحدها من غير ما تدوري عليها.. وعاوز اقلك ان الخوف طبيعي كلنا كدا حرفيا.. لكن ما تسيبيهوش يتحكم فيكي.. كل الناس خايفة بس الفرق إن اللي بينجحوا بيتحركوا رغم خوفهم.. حتى لو مش عارفة الصح من الغلط.. جربي وخدي خطوات.. لأن الوقوف في مكانك مش هيحل أي حاجة.. مافيش عيب في إنك تلجئي لكلام مع حد تثقي فيه أو حتى مختص نفسي لو حسيتي إن القلق والاكتئاب سيطروا عليكي ومش عارفة تتعاملى. . أوقات كتير مجرد الكلام بيريح وبيفتح لك زوايا وافكار جديدة.. واهم حاجة مش شرط كل حاجة تبقى مثالية عشان تبقي سعيدة.. السعادة بتبدأ من الرضا بالحاجات الصغيرة... قال صلى الله عليه وسلم " وارض بما قسم الله لك تكن اغنى الناس"
تم النشر الخميس، ٣ أبريل ٢٠٢٥
عزيزتي، أشعر بمعاناتك العميقة وبالأحاسيس التي تحملينها في قلبك. من الطبيعي أن تواجه الإنسان لحظات شعور بالوحدة والاحباط، خاصة عند البحث عن الصداقات الحقيقية ودعم الأهل. أود أن أوضح لك بعض النقاط التي قد تساعدك في هذا الوضع: الاعتراف بالمشاعر : من المهم جدًا أن تعترفي بمشاعرك. لا تحاولي إخفاء ما تشعرين به، بل اقبليها كما هي. من خلال الكتابة أو التحدث مع شخص تثقين به، يمكنك التعبير عن مشاعر الخوف والفشل. بناء صداقة جديدة : قد تكون هناك فرص للعثور على صديقة جديدة. يمكنك الانضمام إلى نشاطات أو مجموعات تتناسب مع اهتماماتك، فقد تتواجد هناك أشخاص يشبهونك ويبحثون عن صداقة حقيقية. تحديد الأولويات : جربي أن تضعي خطة صغيرة لكل ما تريدين تحقيقه. التركيز على أهداف صغيرة قد يساعدك على الشعور بالإنجاز. لا تظني أن نجاحك يعتمد على الأمور الكبيرة فقط. التواصل مع عائلتك : إذا كان هناك شخص من عائلتك يمكنك التحدث إليه عن مشاعرك، فقد يكون ذلك مفيدًا. التواصل يساعد على بناء روابط أعمق. طلب المساعدة : لا تترددي في طلب المساعدة من متخصصين إذا شعرت أن مشاعرك تؤثر بشكل كبير على حياتك اليومية. العلاج النفسي قد يكون مفيدًا في مثل هذه الحالات. الصبر مع النفس : تذكري أن الحياة ليست دائمًا سهلة، لكن كل مرحلة تمرين بها قد تكون فرصة للتعلم والنمو. تأكدي أن هناك دائمًا طرق لتحسين حالتك النفسية، وكوني على ثقة أن بالتفكير الإيجابي وبالاجتهاد، ستنجحين في تحقيق ما تبحثين عنه. إذا كنت بحاجة لمشاركة أكثر عمقًا أو لاستكشاف أفكارك، فلا تترددي في التواصل معي مرة أخرى.
تم النشر الأربعاء، ٢ أبريل ٢٠٢٥
تم النشر الخميس، ٣ أبريل ٢٠٢٥
تم النشر الخميس، ٣ أبريل ٢٠٢٥
تم النشر الخميس، ٣ أبريل ٢٠٢٥
كل إنسان ليه مجموعة أدوار عليه ومحدش بياخد امتياز فى الأدوار ديما فى دور جاي على حسب دور تاني . لو انتي دلوقتي ابنة حاولي تكوني متميزة فى الدور دة علشان ده اللي هيظبط باقي الأدوار شوفي مواصفات الابن البار وقومي بيها وانت مبسوطة وفرحانة انك بتعملي دة لله
تم النشر الخميس، ٣ أبريل ٢٠٢٥
أنا هرد و هجيب الخلاصة بس ممكن استفيض شوية بس
تم النشر الخميس، ٣ أبريل ٢٠٢٥
رتبيكي.ارخي ايدك رفقا
تم النشر السبت، ٥ أبريل ٢٠٢٥
تو دو ليست وموفي
تم النشر السبت، ٥ أبريل ٢٠٢٥
حبيكي.القيام اثابكم الله دعواتكم للكل
تم النشر السبت، ٥ أبريل ٢٠٢٥
عالجي الطفلة
تم النشر السبت، ٥ أبريل ٢٠٢٥
شكرا جدا ليك كلامك صح اوي فعلا
تم النشر السبت، ٥ أبريل ٢٠٢٥
املي يومك صح
تم النشر الخميس، ٣ أبريل ٢٠٢٥
لعرض السؤال في فدني اضغط هنا