السلام عليكم
شغلى خلانى أغضب وبقيت مش عايز أشتغل ولا أشوف حد وده مأثر على نفسيتى جدا إحساس إنهم يستغلوك وعدم تقدير ليك وأوقات بتيجى على كرامتك إنك تسمع من مديرك كلام يهينك هو مش بيشتم بس إستغلال وإستفزاز الواحد طاقته نفذت
ما تاخديش قرار وانت غضبانه اهدي واستخيري ربك وشوفي انت واجبك ايه في الشغل واعمليه عليك حاجات زياده ابعديها عنك واحده واحده وارفضيها واحده واحده وكلمي مديرك ان ده استغلال بكل وضوح عجب الشغل وطريقتك كويس مش عجبه فاستخير ربك انك تسيبيه ولا لا ومش تسيبي الشغل لما تلاقي غيره
تم النشر الأربعاء، ٣١ يناير ٢٠٢٤
وعليكم السلام ورحمة الله وبركاته .. دور ع شغل تاني ومتسبش الشغل ده غير لما تلاقي الشغل اللي ينفع معاك .. وحاول انك تعمل حدود لنفسك، ومتخليش حد يتعدى الحدود ديه مهما كان مين!
تم النشر الاثنين، ٢٩ يناير ٢٠٢٤
غير شغلك ، ارض الله واسعة ، ورزقك مش في شغلك خالص ، رزقك عند ربنا كما قال الله تعالى ( وفي السماء رزقكم وما توعدون ) فرزقك مش في الارض خالص ، فانت تشتغل الشغل دا تشتغل الشغل دا ، رزقك هيوصلك يعني هيوصلك ، فريح نفسك كده وخلي همك الآخرة واشتغل الشغل اللي يريحك مش اللي يتعبلك نفسيتك ، بس انت تعمل اللي عليك وتكور من نفسك عشان تشتغل شغل يريحك ، فانت خذ بالاسباب وادعي ربنا انه يرزقك الشغل اللي يريحك واللي انت ترتاح فيه .
تم النشر الاثنين، ٢٩ يناير ٢٠٢٤
بص اى شغل ف الدنيا كده ف انت حاول تطنش وتكبر دماغك واعمل حاجات جنب شغلك بتحبها لحد ما ربك يكرمك وتعمل حاجه خاصه ليك
تم النشر الاثنين، ٢٩ يناير ٢٠٢٤
على الله يارب
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا