في بنت كنا مع بعض في شغل و بعد كده قربنا لبعض اكتر لحد ما بقينا زي المرتبطين بس مش قايلين لبعض بنتكلم كل يوم و كده لحد ما في يوم هي قررت تبعد… و من ساعتها و انا مش عارف اتخطى لحد دلوقتي.. و الكلام ده حصل من ٣ سنين و انا لحد دلوقتي مش عارف اتخطى ولا عارف ابطل افكر فيها و دايما حاسس ان حياتي وحشة اوي من غيرها و دايما بقول فترة وجودها كانت احسن فترة في حياتي و ده فعلا… دي البنت الوحيدة اللي حبتها بجد حتى بعدها بسنتين كنت مع بنت تانية بس سبتها عشان انا لسه بفكر في الاولانية و روحت لثيرابيست و برضه مفيش حل انا فعلا مش عارف اعمل ايه و تعبت و قلبي تعب و خايف معرفش اكون مع حد تاني بسيب التفكير في دي و و الله العظيم جربت حاجات كتيرة عشان انساها و اتخطاها معرفتش… تعبت.. الكلمة منها بتأثر على مزاجي و حياتي و في ثانية اكون مبسوط و ثانية لا و هي فاكرة دلوقتي انه خلاص الموضوع مات عشان من ٣ سنين و عايشة حياتها عادي
الحدود اللي ربنا حطها في العلاقة بين الجنسين وضعها لهدف عظيم .. وكل ما نقرأ هنا في فدني عن القصص المشابهة لقصتك من أولاد وبنات بنعرف أكثر الحكمة من الحدود دي الخطوة الأولى للتخطي هي الاستغفار والعزم على أنك مش هتكلم بنت من وراء أهلها زي ما كلمت البنت دي وأكيد أنت ما تحبش تخطب واحدة كانت بتكلم واحد قبل منك كل يوم زي المرتبطين! لو شعرت بالندم فعلا هيكون سهل عليك تتخطى لأنك هتكون بتبص للفترة دي حياتك بشيء من الخجل مهما كانت المشاعر اللي أخدتها منها اعطتك إحساس مؤقت بالسعادة أنت في مرحلة بناء مستقبلك و٣ سنين فترة كبيرة من عمر شاب مازال يبني مستقبله .. وليس من الحكمة أبدا أن تضيع تركيزك وسلامك النفسي من أجل ذكريات لن تقدم ولا تؤخر مع واحدة (عايشة حياتها عادي) زي ما أنت بتقول
تم النشر الأحد، ٢٧ أكتوبر ٢٠٢٤
هو عموماً انت حبيتها بصدق ومفيش خلاف في ذلك لكن من كان لك عابر سبيل كن له عابر سبيل وبعدين الدنيا بايظة عشان انت شاغل نفسك بحاجة مبقتش ليك حاول انك تقرب من ربنا اكتر عشان عوض ربنا اجمل من اللي انت عايزه وخلي بالك لو كانت ليك كان ممكن دنيتك تخرب خالص لكن ربنا بعد عنك ناس عشان هو بيحبك قدر دا وخلي عندك يقين أن ربنا يعوضك خير الخير حاول تدعي أن ربنا ينسيهالك ومتفكرش فيها تاني دا الاصح ليك ولصحتك وافتكر دايما أن ربنا لما يعوض علي حد أنت ذات نفسك هتقول اللهم لك الحمد ف قولها دلوقتي احسن لنفسك تذكر دايما الآية دي ﴿وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ﴾ دائما وابدا قول اللهم اخرجني من حولي وقوتي الي حولك وقوتك وابقا احفظ الكلام دا عشان هتشكرني والله ثق بالله خير حفظك الله ورعاك
تم النشر الأحد، ٢٧ أكتوبر ٢٠٢٤
السلام عليكم و رحمة اللّٰه و بركاته حبيت انبهك أو افكرك ان التواصل بينك و بينها حرام من البدايه ، و يمكن هي ادركت ده و شافت انك بتتسلى ف بعدت و حقها أنا لو مكانها اكيد هفتكر كدا لإنك مأخدتش خطوه جد بتحبها اتقدملها شوف هتوافق بيك ولا لاء وقتها بقا لو رفضتك تبقا فكر ف موضوع "مش عارف انساها" لكن دلوقتي أنت عندك فرصه ، هتنساها ليه و أنت لسه بتحبها و ب إيدك تبقا معاها طول العمر ؟ و حبيت اتكلم ف نقطه معينه و هي إن مش صح أبداً انك ترتبط ب بنات انت بتضيع مشاعر البنت الي قدامك كدا بتستغلها عشان تنسى بيها واحده تانيه ،ف البنات الي بتعمل معاها كدا ممكن يكونوا بيعانوا نفس معاناتك دي طب ليه تعمل كدا و دا أصلا غلط و حرام ،، لازم تتوب عن الغلط ده عشان ربنا يوفقك في حياتك ، انت كدا بتهدر مشاعر البنت الي قدامك و مشاعرك على الفاضي على بدايه غلط و ملهاش أخر و لازم تعرف قبل مترتبط ب اي بنت إن ذي م أنت ك راجل مش هتقبل تكون مع بنت ارتبطت ب كذا واحد ، البنت الي مرتبطتش ف حياتها او حتى تائبه عن الغلط ده عمرها مهتوافق ب واحد ارتبط ب بنات كتير و لسه متابش عن ده ، هتوافق تبقا مع واحد أهدر مشاعرو لبنات كتير غيرها ليه و اغضب ربنا و هي ب ايديها تبقا مع واحد مقدرها و محبش غيرها و مش عايز يغضب ربنا ؟ حاول تتوب عن غلط ذي دا ،و انصحك إنك تتواصل معاها تعرفها انك هتاخد خطوه جد ، لو فعلا قررت كدا ، لكن لو قررت تكمل في الطريق الي أنت فيه و مش حابب تاخد خطوه جد ، ف انت كدا بتحمل نفسك فوق طاقتك هتندم بعدين بسبب كدا لازم تقعد مع نفسك تفكر هتعمل ايه و مستعد لخطوه ذي دي ولا لاء ،و اتمنى لك التوفيق و الهدايه
تم النشر الاثنين، ٢٨ أكتوبر ٢٠٢٤
أخي الكريم، أقدر مشاعرك وأفهم تماماً ما تمر به. من الواضح أن تجربة العلاقة التي خضتها كانت لها تأثير عميق على حياتك وعلى مشاعرك، وهو أمر طبيعي تماماً. الانفصال عن شخص نحبه يمكن أن يكون صعباً، خاصة عندما تكون العلاقة ذات طبيعة لم تُعلَن بشكل رسمي، مما يجعل الأمر أكثر تعقيداً. إليك بعض النصائح التي قد تساعدك في تجاوز هذه المرحلة: الاعتراف بالمشاعر : من المهم أن تعترف بمشاعرك، فلا حرج في أن تشعر بالألم. التعبير عن مشاعرك يمكن أن يكون خطوة أولى مهمة للتعافي. البحث عن الأنشطة التي تملأ وقتك : حاول الانغماس في أنشطة جديدة أو هوايات، حتى لو كانت بسيطة. يمكن أن تساعدك هذه الأنشطة على صرف انتباهك والتحكم في أفكارك. التواصل مع الآخرين : التحدث مع أصدقائك أو أفراد عائلتك عن مشاعرك يمكن أن يكون له تأثير إيجابي. قد تجد الدعم والرؤية الجديدة لموقفك. تحديد الأهداف الشخصية : حاول وضع أهداف جديدة في حياتك المهنية أو الشخصية. يمكن أن يساعدك هذا في إعادة توجيه طاقتك نحو تحقيق طموحات جديدة. استشارة متخصص : إذا استمرت المشاعر القوية ولم تجد حلولاً بفعالية، فقد يكون من الجيد البحث عن معالج نفسي ليستمع إليك ويساعدك بشكل مهني. الصبر على نفسك : عملية التعافي قد تأخذ وقتاً، لذا كن صبوراً مع نفسك. الأمر ليس سهلاً، لكن بالإرادة والتحدي يمكنك أن تتجاوز هذه المرحلة. تذكر أن الحياة مليئة بالفرص والمناسبات الجديدة، وأن هناك أشخاص قد يدخلون حياتك في المستقبل وقد تشعر بتواصل جيد معهم. لا تتسرع، وامنح نفسك الوقت لتتعافى. وفقك الله.
تم النشر الأحد، ٢٧ أكتوبر ٢٠٢٤
لعرض السؤال في فدني اضغط هنا