انا عندي 24 سنه، كنت مريضة كانسر من 10 سنين و اتعالجت لكن المرض سببلي اثار مش هتتعالج زي ضعف في القلب و البصر
انا متعايشه معاهم لكن دايما عندي قلة ثقه و بخاف اتكلم مع اي حد
و عندي دايما ضيق و خنقه و بكون عايزة اعيط و انعزل بدون سبب لدرجة اني بحاول الاقي لنفسي سبب بس مش بلاقي
حاولت كتير اني اقول لماما اني اروح لدكتور نفسي لكنها مش موافقه وانا صعب اني اروح لاي مكان لوحدي بسبب ضعف نظري
في اي حل اعمله من البيت او طريقه اقنعها بيها لاني حرفيا بضيع و خايفه اوي
السلام عليكم ورحمه الله وبركاته. اولا الحمد لله الذي اتم عليك نعمه الشفاء حتى ولو كان لها اثر لكن الحمد لله فانك عديتي الازمه دي تعالي بقى نشوف هي سايبه فينا اثر عشان الحاجات اللي انت لسه بتتعاملي معاها ضعف في القلب والبصر هم دول جزء من المشكله زائد الفتره اللي انت اكيد كنت بتتعالجي فيها كنت بعيده عن تعاملات اجتماعيه وبقى عندك افكار سلبيه وبقى عندك كميه من المشاعر اللي ممكن تكوني لحد دلوقتي ما عبرتيش عنها ومطلعتيهاش وما قلتيش انت في الوقت ده كنت بتحسي بايه كنتي بتحاولي تكوني قويه اكيد عشان تعدي المرض فاحنا محتاجين ان احنا نرجع الفتره دي ونبدا نتعامل معاها ثاني اللي هو كاننا بنكتب القصه دي وعايزين نقفلها بنهايه تكون بالنسبه لنا مقبوله، اكون عارفه احكي حدوته المرض اللي عدى عليا ده وفتره العلاج دي اول حاجه.{skip} بالنسبه لمساله بقى ان انت تقنعي ماما او اي حاجه خلينا نقول ليه ماما ممكن تكون رافضه فكره الطبيب النفسي في احتمال ان هي خايفه عليك انك تدخلي في دوامه علاج بنفسي وادويه وممكن تكون شايفه ان ده هيأثر عليك سلبيا اكثر ما هيفيدك طيب احنا ممكن ندخل الموضوع لماما بشكل ابسط ولان احنا مش محتاجين طبيب نفسي لكن محتاجين دعم نفسي يعرفنا ازاي نبدا بقى نفكر صح ازاي نبدأ نتعامل مع الافكار السلبيه ازاي نطلع مشاعرنا قولي لها الحاجات دي دلوقتي انا ما بعرفش اعملها لوحدي ومحتاجه حد يعلمها لي فأنا هالجأ لمختص نفسي هو مش دكتور ولكن حد هيعلمني شويه حاجات اعرف اعملها شويه تمارين شويه مهارات وممكن المدخل ده يكون الطف واخف لماما وتقبل بيه وحاليا في حاجات كتير جدا تقدري تتعملي فيها اونلاين من غير ما تتحركي من البيت حتى على فكره الاطباء النفسيين في عندك موقع شيزلونج تقدري عن طريقه تلاقيه الدكاتره نفسيين تعملي معاهم جلسه اون لاين هنا تقدري تدخلي على الخبراء في فدني وهتلاقي اخصائي نفسيين ولايف كوتش تقدري تختاري منهم ان انت تحسي انك مرتاحه عليهم. عن طريق بقى انك تشوفي اجابتهم فتشوفي من اللي انت حسيتي انك مرتاحه لطريقته او شايفه انه خبرته هتفيدك وتتواصلي معاه تاخدي جلسه اون لاين تبداي فيها وان شاء الله البدايه تكون كويسه وتقدري تحققي اللي انت عايزاه.
تم النشر الاثنين، ١٠ مارس ٢٠٢٥
انا كمان بعاني من القلق والوسواس ومن الحاجات اللي ساعدتني ودكتوري النفسي قال لي عليها لو ممكن تفيدك لغاية بإذن الله تلاقي حل ، هي كتابة أفكارك ومشاعرك وسلوك وبعدها تعملي تحليل وتشوفي الفكرة االي أخدتيها عن نفسك في المواقف اللي ضايقتك وتشوفي الصورة من برة ده بيسموها خريطة المشاعر، كمان الحضور الواعي تحاولي تركزي في اللحظة الحالية ممكن عن طريق تمارين التنفس او الذكر تذكري بأسماء ربنا بحضور وفهم للأسماء، كمان التلوين الرسم ، كتابة حرة عنك وتفريغ المشاعر وهكذا، وطبعا الدعاء للَّه إنه يعينك وتلاقي حل ، وبجد أنتي شخصية قوية وشجاعة وبتسعي في الحياه وبإذن الله توصلي وتسعدي 🌸
تم النشر الأحد، ٩ مارس ٢٠٢٥
سيبك من الافكار السلبية وحاولى تفتكرى انه دة خلق الله سبحانه وتعالى انتى اجمل واحسن من غيرك كتير بالعكس تقدرى تعملى حاجات او تنفذى فكرة او مشروع انجح من اى حد ماتسلميش للسلبيات مش حلوة هتأثر جامد انتى تقدرى من خلال حاجة انتى حباها ترتفعى بمستواكى وتفرحي حبايبك بنجاحك فى حياتك
تم النشر الأحد، ٩ مارس ٢٠٢٥
عزيزتي، أقدر مشاعرك الصعبة والوضع الذي تمرين به. من الواضح أنك تواجهين تحديات كبيرة في حياتك، وهذه المشاعر التي تشعرين بها ليست نقطة ضعف، بل هي نتيجة للتجارب الصعبة التي مررت بها. في البداية، من المهم أن تعرفي أن الصحة النفسية لا تقل أهمية عن الصحة الجسدية. تحدثي مع والدتك بلطف ووضحي لها كيف أن مشاعرك تؤثر على حياتك اليومية. يمكنك أن تقولي لها إنك بحاجة إلى الدعم من مختص نفسي، الذي يمكن أن يساعدك في التغلب على الضغوطات النفسية وتعزيز ثقتك بنفسك. إذا كانت والدتك غير موافقة، يمكنك محاولة البحث عن موارد عبر الإنترنت أو الوصول إلى استشاري نفسي من خلال الهاتف أو الفيديو. هناك الكثير من المراكز التي تقدم استشارات نفسية عن بُعد، مما يتيح لك الحصول على الدعم دون الحاجة للخروج من المنزل. أيضًا، قد يكون من المفيد الانغماس في الأنشطة التي تحبينها أو تشعرين بشغف تجاهها. قد تساعدك ممارسة هواية تحبينها على تحسين مزاجك وزيادة ثقتك بنفسك. وحاولي كتابة مشاعرك أو ما يزعجك، فهذا قد يكون وسيلة للتعبير عن نفسك وتخفيف شعور الضيق. تذكري أنك لست وحدك، وأن طلب الدعم هو خطوة شجاعة. أرجو أن تسعى للحصول على المساعدة التي تحتاجينها وكوني صبورة مع نفسك. وفقك الله وساندك في رحلتك نحو الشفاء.
تم النشر السبت، ٨ مارس ٢٠٢٥
لعرض السؤال في فدني اضغط هنا