اصبح عندى خلل فى الميول الجنسى بسبب تحرش احد اقاربى بى ولا استطيع تحمل تكلفة العلاج النفسى

Question

السلام عليكم ورحمه الله وبركاته انا مش عايز حد يهاجمني لان الموضوع مش بايدي وانا ما اخترتش اكون كده بكل وضوح انا ربنا ابتلاني بيني اكون شخص شاذ جنسيا الموضوع ده حصل غصب عني بسبب حد من قرايبي يتحرش بيا فتره طويله لسنين وانا صغير والاسف ما قدرتش اقول لحد اللي بيحصل لي ده فضل يبتزني بالافعال والامور دي كلها انه يفضحني اصحابي وانا مش قادر اقول لحد واقول لهم ايه انا لو كنت قلت لهم في الفتره دي كان ممكن يضربوني ويتعدوا عليا بالضرب وكان الموضوع هيزداد سوء عن كده انا حاليا عايز ان انتحر لكن خايف من ربنا وعايز اعيش انا مش حابب كده وعايز اتعالج لكن الحاله الماديه ما تسمحش الناس يقول لي اعمل ايه انا بجد الحمد لله متدين وببعد عن الامور دي كلها وعمري ما عملت حاجه تغضب ربنا الحمد لله لكن موضوع التحرش ده مش قادر انساه انا كرهت نفسي

Accepted Answer

لو عاوز حل من الاخر انت عندك صدمه تحرش من الطفوله دا اللي مأثر علي حياتك بشكل كبير عندك حلين الحل و بشكل مجاني بدون اي فلوس كل اللي مطلوب منك انك تفهم و تنفذ المعلمومات علشان تقدر تتحرر من الصدمه دي الحل الاول ادخلي ع اليوت يوب اكتب صدمه التحرش مع الدكتوره سميه الناصر هتلاقي فديوهات كتير اسمعها كويس و حاول تسمع التمترين و تطبقها و الحل التاني في دوره كامله للعلاج بالطاقه اسمها دوره الرايك للعلاج النفسي مع محمد كيلاني الدوره تقريبا خمس فديوهات كل فديو زمنه اكتر من 3 ساعات دزره كامله فيها بيعالج اشخاص عندهم صدمات متعدده وفي منهم عنده صدمه تحرش هيعالجه قدامك اكتب كل اللي فهمته من الدوره و ابتدي طبقه و متسبش نفسك كدا المهم انك تحط نيه التحرر من الصدمات و باءذن الله هتلاقي الطرق بتتفتح ف وشك و بتتعالج بكل سهوله ويسر علي فكرا انا كمان حاطه النيه دي و شغاله علي نفسي لو حبيت تكون شجاع و تستحمل مسؤليه حياتك ف صدقني هتكون فخور بنفسك

Answer

الحمدلله الذي عافانا مما أبتلي به غيرنا حضرتك كده علشان تعافي وتعالج نفسك، فيه خطوتين مهمين مفيش غيرهم أولهم علاقتك بربنا تكون كويسة أسمع للشيخ علي اليوتيوب وزود نفسك بأعمال صالحة أكثر، ومعاها ضروري جدا جدا دكتور أو معالج نفسي تحكيله ويقدر يساعدك تتخطي وتتغلب علي نفسك وعلي وساوسها أنا أصلا فالمجال النفسي لكن للأسف لسه مش مؤهلة أني أقدر أساعدك، لكن فيه أبلكيشنز كتير تقدر تكلم أخصائي نفسي أو دكتور نفسي منها طبيب نفسي وهبحث وهزودك بمعلومات أبلكيشنز أكثر إن شاء الله ولو قدرت تنزل لدكتور عيادة هتبقي خطوة كويسة لكن رشحتلك الأبلكيشنز الاون لاين عشان حضرتك ذكرت أن الحالة المادية مش كويسة ربنا ييسرلك أمورك بخصوص أن حضرتك متدين ومبتلي بهذا أقدر أقول نفسك ضعيفة لدرجة أنها هي المتحكمة فيك وده هتتعب فيه لحد م تقدر تكون متوازن تاني لكن مقدمكش غير أنك تتحدي نفسك وتحاول تتخلص من ذنوبك وبالأخص ذنبك هذا، ومتيأسش مفيش حد بينجح أنه يتغير بسهولة أو أول مرة لازم بتتعب ولازم تكون صادق ونيتك سليمة علشان ربنا يكرمك ويوفقك ف ترك الذنب هذا(وألزم ذكر الله طول الوقت وبالأخص الأستغفار ويكون من قلبك وذنب اللذي تستغفر من فعلهحاضر في ذهنك) ي رب تدخل شهر رمضان وأنت تارك وكاره هذا الذنب، وبادئ مع ربنا من جديد، نادم علي فعلك وعلي غفلتك، ربنا يتوب عليك ويجعلك من التوابين، ربنا يجمع بين ظاهرك وباطنك بالخير والعمل الصالح، ويهذب أخلاقك وطباعك ويجعلك له أقرب

Answer

فاهمك وفاهمك كويس جدا بس لو قدرت تروح لدكتور اعمل كدا عارف انه صعب بسبب الظروف المادية وبسبب كمان المجتمع الي عايشين فيه بس لو دورت اكيد هتلاقي جلسات مخفضة او في المستشفي النفسية بيكون فيها تقريبا جلسات وبسعر كويس.. كمل زي منتا حافظ علي صلاتك واستغفارك ومتخليش الشيطان يلعب بيك ويقولك انت كذا وكذا اعرف ان مهما حصل ربك الغفور الغفار

اصبح عندى خلل فى الميول الجنسى بسبب تحرش احد اقاربى بى ولا استطيع تحمل تكلفة العلاج النفسى

نفسية

اكتئاب

العادة السرية

إدمان

دينية

سؤال من احد أعضاء فدني

تم النشر الثلاثاء، ٣٠ يناير ٢٠٢٤

3 إجابة

34 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك