إجابة علي السؤال: اصبح عندى خلل فى الميول الجنسى بسبب تحرش احد اقاربى بى ولا استطيع تحمل تكلفة العلاج النفسى

الحمدلله الذي عافانا مما أبتلي به غيرنا حضرتك كده علشان تعافي وتعالج نفسك، فيه خطوتين مهمين مفيش غيرهم أولهم علاقتك بربنا تكون كويسة أسمع للشيخ علي اليوتيوب وزود نفسك بأعمال صالحة أكثر، ومعاها ضروري جدا جدا دكتور أو معالج نفسي تحكيله ويقدر يساعدك تتخطي وتتغلب علي نفسك وعلي وساوسها أنا أصلا فالمجال النفسي لكن للأسف لسه مش مؤهلة أني أقدر أساعدك، لكن فيه أبلكيشنز كتير تقدر تكلم أخصائي نفسي أو دكتور نفسي منها طبيب نفسي وهبحث وهزودك بمعلومات أبلكيشنز أكثر إن شاء الله ولو قدرت تنزل لدكتور عيادة هتبقي خطوة كويسة لكن رشحتلك الأبلكيشنز الاون لاين عشان حضرتك ذكرت أن الحالة المادية مش كويسة ربنا ييسرلك أمورك بخصوص أن حضرتك متدين ومبتلي بهذا أقدر أقول نفسك ضعيفة لدرجة أنها هي المتحكمة فيك وده هتتعب فيه لحد م تقدر تكون متوازن تاني لكن مقدمكش غير أنك تتحدي نفسك وتحاول تتخلص من ذنوبك وبالأخص ذنبك هذا، ومتيأسش مفيش حد بينجح أنه يتغير بسهولة أو أول مرة لازم بتتعب ولازم تكون صادق ونيتك سليمة علشان ربنا يكرمك ويوفقك ف ترك الذنب هذا(وألزم ذكر الله طول الوقت وبالأخص الأستغفار ويكون من قلبك وذنب اللذي تستغفر من فعلهحاضر في ذهنك) ي رب تدخل شهر رمضان وأنت تارك وكاره هذا الذنب، وبادئ مع ربنا من جديد، نادم علي فعلك وعلي غفلتك، ربنا يتوب عليك ويجعلك من التوابين، ربنا يجمع بين ظاهرك وباطنك بالخير والعمل الصالح، ويهذب أخلاقك وطباعك ويجعلك له أقرب

إجابة من Shimaa Elsawy

تم النشر الثلاثاء، ٣٠ يناير ٢٠٢٤

9 تعليق

بص باين ان عندك خلل ف طاقتك الذكوريه و الانثويه اكتب علي اليوت يوب توازنطاقه الانوثه و الذكوره هتلاقي فديوهات هتساعدك باءذن الله

تم النشر الأربعاء، ٣١ يناير ٢٠٢٤


بحاول والله انا ملتزم ومش بعمل فواحش الحمدلله لكن لما الشهوه والعاطفة تكون غلط بيكون الحزن حزنين والهم همين

تم النشر الأربعاء، ٣١ يناير ٢٠٢٤


خليك فاكر دايما ان احنا وجودنا في الدنيا دي ماهي الا فتره وهنخرج منها حاول تعيشها صح برضاء الله سبحانه ومش هينفعنا غير اعمالنا الصالحه طلع صدقه كتير ..واقراء قران كتير خليه ملازم ليك وماتسيبش فرض وخليك على وضوء دايما

تم النشر الأربعاء، ٣١ يناير ٢٠٢٤


طب استهدي بالله كدا بص هات فديوهات للشيخ حازم شومان واسمعها كلامه هيطبطب عليك اووي واسمع للدكتور حسام موافي برضو كلامه جميل وممكن تجيب ايميله عالفيس وتبعتله مشكلتك وهوا هيلاقي حل بجد والله زي مابقولك كدا. وبعدين ربنا علي كل شئ قدير. بلاش تقعد في مكان لوحدك عشان الشيطان ميدخلكش من باب الوحده دا كل اما تلاقي نفسك بتجرك لانك تعمل كدا استغفر ربنا وقوم صلي ركعتين وادعي ربنا كتير صلي القيام وصلي الفجر حافظ علي فروضك وصلي الضحي صلاة الاوبين وربنا يهديك وتقدر تتحكم في نفسك. بص ممكن تقعد 21 يوم متفكرش في الحاجه دي وتحافظ علي قرآن واذكارك وصلاتك والنوافل لمدة بس 21يوم صدقني هتتعود وهتلاقي في تغير في الموضوع. وحاول تبحث عن دكتور نفساني لو حتي مثلا هتكلم الدكتور مخصوص وتقولوا علي حالتك المادية قبل النفسية وقولوا انك مش حمل دفع الكشف وكدا وهوا اكيد هيتفهم كلامك ووضعك. رينا يكون معاك يارب

تم النشر الأربعاء، ٣١ يناير ٢٠٢٤


طيب انا عااااايز اتعاااالج يناااااس انا مش زى مانتوا متخيلين بتشبه بالنساء وبحب لبسهم لا خااالص هو تغير فى اتجاه الشهوه والعاطفه مش اكتر يناس انا والله فى صراااااااااع داخلى

تم النشر الأربعاء، ٣١ يناير ٢٠٢٤


عندك حقك في كلامك وانتي دارسه وعارفه اكتر مني ربنا يحعلك سبب لناس كتيرة تغير من نفسها ويزيدك من علمه وبالتوفيف في مجالك ان شاء الله

تم النشر الثلاثاء، ٣٠ يناير ٢٠٢٤


معتقدش قولت حاجة تخليه يحبط حبيبتي ، مش عارفة ليه حاسة أن كلامي وصلك بطريقة معاكسة لهدفي منه ، وآه طبعا كلنا عندنا ذنوب ولولا ستر ربنا مكنش حد بص ف وش التاني، والدعاء ال أنا كتباه فأول الكومنت ليه ده عشان ال يقرء غيري وغيرك ميبصش أو يحتقر الشخص ويفتكر لما يقرءه أنه أبتلاء ربنا أبتلى بيه غيرنا وعفانا منه🤍 طبعا بداية أزمته مكنش هو السبب فيها لكن بأيده أنه يكمل أو يعالج نفسه ف مش الصح أن أحنا كل م نتكلم نحطه ف دور الضحية لأن كده للأسف مش هتكون فيه نتيجة لصالحه أبدا، لازم نعرفه هو ف إيه وبيمر بإيه وإيه الآثار ال هتترتب علي ده لو أستمر فيه سواء علي المستوى النفسي أو الديني، ولو هتكلم علي المستوي النفسي فأن أنا أفضل أذوق الكلام للعميل أو للحالة ال عندي وأحاول أخليه يفضل حاطط نفسه فدور الضحية حتي لو هو فعلا ضحية ده مش هيحصل حاجة أبدا وهكون بضره كمعالج ليه أنا ال تربطني بالعميل علاقة مهنية مس عاطفية فالتعامل بحزم مرة آخري مواجهة وصراحة وفي بعض الأوقات أظهرله مدي تعاطفي وتقديري لل مر بيه ده هيجيب نتيجة أني أخرجه من أزمته النفسية أولا ثم بعد كده أبدء أّهله أنه يتخلص منه وإزاي فأوقات حاسس أنه عاوز يرجع تاني يتعامل إزاي وغيره حبيبتي من خطوات ضرورية للتعافي

تم النشر الثلاثاء، ٣٠ يناير ٢٠٢٤


بس حضرتك دا مش ذنبه هوا مش بايده يكون كدا في حد هوا السبب فبلاش نقولوا ذنبه عشان ميتعبش اكتر من كدة ممكن نحفذه ونشجعه بطريقة تانية مش سهل عليه اللي هوا فيه دا وربنا يتوب عليه كلنا عندنا ذنوب بس اللي يقدر يتخطاها ويتوب عنها ربنا يتوب عليك ويكون معاك في محنتك ويهديك

تم النشر الثلاثاء، ٣٠ يناير ٢٠٢٤


اللهم امين يارب العالمين شكرا لحضرتك جدا جدا

تم النشر الثلاثاء، ٣٠ يناير ٢٠٢٤

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك