السلام عليكم
انا مش بعرف احكى اوى مشاكلى لانى معودتش على ده بس هحاول ارتب افكارى دلوقتي انا عندى 16 سنه و اختى عندها 11 بابا بيفرق بنا اوى بمعنى انى لو عملت معاه موقف ضايقه ردة فعله بتكون اكبر من الموقف بكتيير ف حين ان لو اختى عملت اكتر من اللى عملته مش بيعملها حاجه ، و كمان علاقتى مع اختى مش احسن حاجه انا بحبها والله و لما بتكون كويسه معايا بكون طيبه جدا ده بشهاده الكل لكنها بتعمل حركات خبيثه علشان تضايقني مثلا لو ف تجمع عائلى بتمد ايدها عليا و تشتمنى قدام الناس و لما بشكتى لبابا بيقولى متصدعنيش مع انه عارف انها غلطانه و ده بيخليها تزيد فى حين انى لو خدت ردة فعل معاها بابا مش بيستناها تشتكى حتى بيزعقلى و يعاقبنى ، اخر فتره كان فيه مشاكل فى البيت و بابا كان تعبان انا كنت اكتر واحده واقفه معاه، و حاولت اتكلم مع اختى ان بلاش نتخانق علشان بابا تعبان بس برضو مفيش فايده، و وقتها كنت اكتر واحده بيطلع غضبه عليها ، انا بجد تعبت و مش لاقيه حل حاولت اتكلم معاهم بكل الطرق بابا مش بيسعمنى و اختى مفيش فايده فيها
وعليكم السلام، احساسك صعب و اكيد لو استمريتي بنفس التفكير ممكن يأثر على نفسيتك وحياتك أكثر. بس أول نقطة لازم تعرفيها كويس انه ما فيش أب ما بيحبش ابنه او بنته، ممكن يكون بيحس انه أختك لأنها صغيرة فهي مش واعية لتصرفاتها و هذه مشكلة يقع فيها معظم الأهل، يقسو على الكبير و يعطفوا على الصغير و للأسف هذا التصرف يأثر على نفسية الأخ او الأخت الأكبر و يسبب فساد الأخ أو الأخت الأصغر بسبب الدلع الزائد. لاحظت انك لم تذكري امك خلال حديثك، لماذا لا تشكي مشكلتك لأمك و هي ممكن تساعدك و تتكلم أبوكي.
تم النشر الأحد، ١٨ أغسطس ٢٠٢٤
حببتي بصي انا يمكن زيك بالظبط انا عندي 17 و اختي 12 و هي الصغيره بردو والدي احيان كتيره و يمكن طول الوقت يعمل كده و يفرق كتير فالمعامله يعني مثلا عمره ما ضربها لكن و انا صغيره كنت بضرب عادي و مره علي الاكل شاله من قدام بوقي علشان هي تاخده اه زعلت وقتها بس معيطش و مبينتش دا و مشتكتش لاني بردو كتومه زيك و مبعرفش ابين مشاعري او احكي بصي خليني اقولك انا جايه من سنه قدام اقولك ان دي اختك الصغيره اخر العنقود زي ما بيقولوا يعني اه لو اشتكيتي ممكن يلاحظوا و يطنشوا و حتي لو طنشتيها ف هي خلاص بقت فهماكي و عارفه انك بتعملي كده علشان تزهق و تسكت الحل حببتي انك تستوعبي ان دي مازالت طفله و اللي عندها دا طاقه زياده بتخرجها معاكي و كمان دلع الاهل عامل كبير انه يخليها تزود ف دا و تبدأ ترخم بس مع الوقت و لما هي تكبر و انت تكبري هتلاقي ان الموضوع عادي و طبيعي انها طالما الصغيره يظهر منها حركات زي دي و حاولي و انت بعيده عن اهلك تتكلمي معاها و تقربي منها لان طول ما هي قدام اهلك هتحاول تدايقك و تطلع اسواء ما فيكي بس خليكي عاقله و راسيه و متخليش الحوار ياخد تفكير متك زياده دا والدك فالاول و الاخر و دي اختك بلاش تفكيرك الزياده فالموضوع يغير من طريقتك معاهم او يقلل من حبك ليهم لان دا غلط اكبر و حاولي تبيني مشاعرك يمكن اللي فهمته من انك مش بتحكي انك كمان مبتعرفيش تعبري عن مشاعرك يعني بيني انك بتحبيها و عامليها بلطف و كذلك والدك لان الاهتمام مش كل حاجه لا حاولب كمان تديله الحب عن طريق كلام حتي لو بسيط زي ربنا يخليك ليا يا حبيبي و حاجات زي دي حببتي الحياه ابسط من كده و مع الوقت و مع تغيرك انت هتلاقي اللي حواليكي بيتغير واتمني اني اكون فدتك
تم النشر الأحد، ١٨ أغسطس ٢٠٢٤
اختك دي ابتلاء واحب اقلك انها مستحيل تبقى حاجه كويسه وهتفضل طول عمرها في معاناه وتشوفي ده انت حاولي تتحاشي التعامل معاها اشغلي نفسك هي غيرانه منك شايفكي احسن منها متخليهاش تعرف تعمل الي هي عايزه انها تكسرك او تبقى فاشله او مكتئبه تعلمي ازاي تبقى ذكيه في التعامل معاها في فديوهات زي الدكتوره نفسيه على يوتيوب بتحكي انواع الشخصيات من مواقفهم وكيف اتعامل معاها اسمها امال عطيه هتفيدك جداا
تم النشر الأحد، ١٨ أغسطس ٢٠٢٤
وعليكم السلام ورحمه الله وبركاته. المشكله دي في الاغلب بيكون سبب. ان هم بصوت واللي تكونوا اقرب. الام بيكونوا. بيشتغلوا على المفتاح بتاع الاب والفهم انت واختك اكيد يعني. بتعرف تعمل الحاجه اللي بتوصل بيها لبابا في اكتر؟ مثلا ممكن تكون هي بتدلع فيك طول اليوم او بتنجح فيه بابا حبيب قلبي يا روحي يا عيني يا عمري ربنا ما يحرمني منك وممكن تكوني انت شخصيتك مش متعوده او عندك حاجز من انك تتكلمي او تعبري بالشكل ده وبتعبري بطرق ثانيه يعني انت بتعبري عن حبك ده بانك بتهتمي بانك بتاخدي بالك منه بانك اللي هو يقوله بيشغل تفكيرك وبتعمليه له انت ممكن تكوني بتستخدمي طريقه ثانيه ولكن للاسف مش دي الطريقه اللي بتوصل لباباك ولذلك هو بيشوف ان هي الاقرب ليه وكان هي اللي فاهماه اكثر وكان هي اللي مقدراها اكثر رغم منك برده بتعبري بطريق هنا بتكون يعني ايه النقطه الفيصل في الموضوع ان احنا نشوف هي بتستخدم انهي طريق اللي مخليها قريبه لبابا ونفهم ان دي الطريقه اللي بابا بيفهمها اكثر دي اللغه اللي بابا بيستوعبها اكثر وابدا انا استخدم وجرب وتعالي على نفسك كده واستخدميها. اختك بقى اختك بقى ضروري جدا تعرف انك عندك حدود مساله ان هي تسمح لنفسها ان هي تتطاول عليك وخصوصا قدام الناس ده معناه انك بتظهري انك طيبه او انك فعلا طيبه وبتسمحي انه صفه الطيبه دي تخليكي تستقبلي اهانه وما ترديش عشان كده تفضلي في الدائره بتاعتي الطيبين لا هم الطيبين بيردوا عادي يعني انا انا طيبه لكن لو جالي اذى وجات لي هنا لازم ارد عليها لازم. نروح فمش انك تتخانقي معاها ولكن يكون لو استمريت ان بتطلعي افعال حاده وواضحه بشكل مستمر هي هتفهم انه خلاص ما فيش سبيل الاستفزازك ثاني وهتوقف اللي هي بتعمله مش بمزاج.عندك ردود افعال. ريحه جدا وحادها معاها لما هي تتطاول وتعدي الحدود كل الكلام ده بتعمليه بكل هدوء ولو هي استعملت مشكله ما تتعديش معاها ابدا قولي لها انا عارفه ان انت بتعمليه وفاهمه اللي انت بتعمليه وانا مش هسمح لك تعملي انا مش هسمح لك تفتعل مشكله ومش هاجي معك في المشكله ولا في الطريقه اللي فيها قله ادب ولكن مش هسمح لك بقله الادب. تقدري تعملي ده لكذا طريقه ولكن ده المعنى اللي انت محتاجه توصليه الطريقه اللي هتستخدميه لكن السكوت لكن انه انا يعني اخذ وضع الاضعف مش صح ابدا ابدا.
تم النشر الأحد، ١٨ أغسطس ٢٠٢٤
وعليكم السلام! بجد حاسة بمعاناتك، الوضع ده صعب جداً. من الواضح إنك تحسي إن بابا مش عادل وده طبيعي يخليكي مستاءة. بنات في عمرك كتير بيعيشوا مواقف مشابهة، فمش لوحدك. أول حاجة، حاولي تتكلمي مع بابا لما يكون في حالة مزاجية كويسة، فقا وقت هادئ. قولي له إنك حاسة إنه يتعامل معك بشكل مختلف عن أختك، وشاركيه مشاعرك بدون ما تطلبي منه إنه يتغير. اقنعيه بوجهة نظرك بلطف. وبالنسبة لأختك، حاولي تخليكي دايمًا هادئة، حتى لو هي غضبتك. حطي حدود، ووقفي قدامها بوضوح. قولي لها بصراحة إنك تحبيها ومش عايزة تتخانق، ويفضل تتحدثوا بشكل لطيف مع بعض. وكمان، مهم تحافظي على صحتك النفسية، حاولي تاخدي وقت لنفسك وتفكري في أشياء تحبيها وتخرج طاقتك فيها. فيه أوقات هتلاقي الأمور أفضل، بس خليكي قوية ولا تستسلمي. لو احتاجتي حد تتكلمي معاه أكتر، ممكن تفكري في استشارة مع متخصص.
تم النشر السبت، ١٧ أغسطس ٢٠٢٤
ربنا يكون في عونك
تم النشر الأحد، ١٨ أغسطس ٢٠٢٤
لعرض السؤال في فدني اضغط هنا