دايما بسمع اننا لازم نحب نفسنا و نتقبلها و نحترم نفسنا و نقدرها بس اذاي الواحد يقدم الحب لنفسه للدرجة الي يكون فيها مكتفي بذاته و مش محتاج حب من حد؟ بسمع كتير ان في ناس قابلت زوجها او صاحبتها في الوقت الي هي مكانتش محتاجاهم فيه و بالصدفه بقوا جزء مهم من حياتها و خلوا حياتها اسعد و ده لان هي كانت مكتفية بذاتها و بتقدم الحب لنفسها بس اذاي؟ اذاي الواحد يحب نفسه؟ سمعت كتير و قرأت كتير في علم النفس و عرفت ان لازم يكون عندنا ثقة بنفسنا و ان الثقة بالنفس مش بتتبني في يوم و ليلة و ان احيانا بنكون في غاية الثقة بالنفس و احيانا مش بنبقي قادرين نبص على نفسنا في المرآة و فعلا مريت بالشيء ده و كمان عرفت ان الاهتمام بالنفس بيزود الثقة بالنفس و حب الذات فبدأت اهتم بنفسي و بكل حاجه تخصني سواء فكريا اجتماعيا نفسينا دراسيا دينيا شخصيا بس مازلت مش عارفة اقدم الحب لنفسي فياريت لو حد عارف يقولي
تم النشر الثلاثاء، ٢٣ أبريل ٢٠٢٤
اولا نحب انفسنا ونتقبلها ونقدرها عن طريق اننا نقبل انفسنا كاملا بقوتها وضعفها ، ندرك اننا لدينا القوه والضعف ، نستطيع ان نمر بمواقف صعبه ونستطيع ان نواجهها ونمر ايضا بمواقف صعبه ونضعف لبعض الوقت ولكن نستطيع قبول انفسنا وضعفنا حتي نتخطاها ، بمعني نتقبل اننا بشر ! فكره اننا لا نحتاج لاحد هي فكره مغلوطه لاننا نحتاج لوجود من يدعمنا ويسندنا في الحياه ، ولكن بدون تعلق شديد او لا نتخيل حياتنا بدونهم هنا تكمن المشكله ، لذا شعورنا بالامتلاء الداخلي هو ما نحتاجه حقا ، عن طريق عدم الاعتماد فقط علي شخص واحد ، ولكن عن طريق تنوع مصادر احتياجاتنا . عن طريق توزيع مصادر احتياجاتنا من الاهل الأصدقاء العمل والموهبه و علاقتنا بربنا ثم الشريك ، نوزع مصادر حصولنا علي احتياجنا للحب والقبول والسند والدعم وانك تكون متشاف من كذا مصدر .وهنا ثقتك بنفسك لن تتغير بتغيير من حوّلك ، ومن يأتي لحياتك سيكون إضافه لانك ممتلئ في الاساس .
تم النشر الأحد، ٢١ أبريل ٢٠٢٤
تقبلى نفسك زى ماهى تدوري على جوانب القوة وتزوديها وتعرفي جوانب الضعف وتدعميها تقبلى انك بشر يعنى خطأء ونقص ونتعلم من أخطأنا ونتعلم منها دورى على دورك وشوفى ايه هى وجباتك فيها وتعمليها بشكل جيد زى مثلا كونك إنسان وقربى من ربنا
تم النشر السبت، ٢٠ أبريل ٢٠٢٤
حطي هدف و اسعي ليه و لما تحققيه هتحسي إنك ابتديتي تثقي ف نفسك و ترجعي تحبيها و لما تثقي ف نفسك مهتسمحيش تلقائيا لأي حد يقلل منك لإنك هتكوني شايفة نفسك ساعتها حاجة كبيرة فتلقائيا مهتقبليش بأقل م الي تستحقيه و ياريت تكافئي نفسك بعد ما تسعي لهدف و تحققيه تجيبي لنفسك لبس انتي كنتي عايزاه اكل نفسك فيه و ياريت تصوري كل حاجة حواليك لما تخرجي حتي لو خرجتي و انتي حزينة صدقيني لما تشوفي الصور و تفتكري الموقف هتلاقي انك بتعملي ذكرايات حلوة اوي و أن الحياة فيها حاجات كتير تستحق الاستكشاف لسه مكتشفتيهاش و أن ف حاجات انتي لسه متعرفيهاش ع نفسك و لما تجبري نفسك تخرج و هي حزينة انتي بتكوني فاكرة أنها هتكون م الذكريات السيئة بس صدقيني اجمل ذكرياتك هتلاقيها ف اصعب المواقف الي عديتي فيها لما تجبري نفسك تخرجي و تعملي ذكرايات و تدلعي نفسك و تتعلمي هوايه جديدة و تخرجي م منطقة الراحة ،المجازفة حلوة هتخليكي تعرفي حاجات متعرفيهاش ع نفسك و استمتعي باللحظة انتي الي بتصنعي اللحظة مش حاجة تانية انتي ف ايدك تخرجي م المنطقة الي انتي فيها و تجازفي لأبعد حاجة لحد ما تلاقي نفسك
تم النشر الأحد، ٢١ أبريل ٢٠٢٤
انك دايما تشوفيها كفايه وتحبيها وان هي اول وأهم حاجه في حياتك وان لو حد فكر بس يجي عليها تقلبيه اهتمي بنفسك وبحياتك ولمستقبلك ومجرد ما تحسي ان فيه حد قرر بس يجي عليكي تختاري نفسك ودي مش انانيه لا دا حب ذات واي حاجه في الدنيا بتبدأ من انك تحبي نفسك الأول وتقدريها
تم النشر الأحد، ٢١ أبريل ٢٠٢٤
السلام عليكم. بشرحلك الموضوع بنظريه الكوبال فاضيه والكوبايه النص مليانه. مش الكوبايه المليانه. احنا جوانا كل حاجه هي عباره عن احتياجات انا محتاجه اتحب انا محتاجه الاحترام انا محتاجه التقدير فكل احتياج من دول بتمثلوا كوبايه فاضيه. لما بيكون البني ادم منتظر دايما ان الكومنت دي تتملي من الاخرين هنا بتكون المعضله. لكن لما يكون الشخص يقدر ان هو يملا نص الكوبايه على الاقل بنفسه ويسيب النص التاني يكون الاخرين هم اللي بيعملوه هو ده الاكتفاء. ازاي طيب يعني هو انا ازاي بقدر نفسي انا لما بلاقي حاجه ما تناسبنيش وبرفضها كده انا بقدر نفسي كده انا صبيت في الكوبايه بتاعتي بتاعه التقدير. انا لما حد بيجي يحاول ان هو يكلمني مثلا بطريقه فيها اي نوع من انواع الاهانه انا بطلع رد فعل يقول انه ده مش مسموح ولا ده ينفع معي ولا ده درجه التقدير اللي تنفعني كده انا اللي عملت لنفسي تقدير وانا كده صبيت في الكوبايه بتاعه الاحتياج لتقدير. هل انا اقدر املى الكوبايه كلها؟ لو هنتكلم في الكلام الحالم فهقول لك لا انت ممكن انك تعمل ده وما تحتاجش لحد. ولكن بيظل حتى لو الشخص يقدر يقدر نفسه جدا جدا جدا وما يبقاش مستني تقدير لحد بس بيفضل في جزء من الكوبايه موجود فاضي الجزء ده اللي هو يقدر يستقبل فيه تقدير من حد ويتبسط يتبسط ان فيه جزء اتمد له من بره من غير ما هو يعمل اي حاجه دي بتبقى حاجه حلوه جدا. طب الحب في نفس الموضوع اه طب بيتعمل ازاي؟ في الحب بقى البني ادم بيحب نفسه بان هو يبقى شايف الصفات اللي في نفسه اللي تستاهل الحب او خديها بابسط حاجه انت لما بتحبي حد قدامك بتحبيه ازاي؟ انت صاحبتك تصرفاتها حلوه او فيها صفه حلوه عشان كده انت بتحبيها؟ انت صاحبتك بتقدر تقدم لك حاجه انت محتاجاها فعشان كده بتحبيها طب هو انا ممكن اكون كده بالنسبه لنفسي اه. انا لما بكون تعبانه بقدر اساعد نفسي لحد ما اخرج من التعب ده طب ما حاجه هنا بقدمها لنفسي ما احبش نفسي ليه يبقى انا اقدر اقول انا بحب نفسي علشان انا بعرف اعمل ده لنفسي. فكده انا هبدا اصب في الكوبايه بتاعتي بتاعه الحب. انا بطور من نفسي انا بشتغل على نفسي عشان اخلي شخصيتي احسن طب ما هو اصلا انا لما بيكون في عندي مدرس او حد بيقدم لي معلومات او حاجات بتفرق معايا وبتخليني احسن انا بحبه طب وانا ما بحبش نفسي ليه لما اكون انا اللي بقوم بالدور ده وبروح ادور على المعلومات او اروح ادور على المصدر اللي اقدر اطور به نفسي يبقى انا احب نفسي هفضل اعمل ده لحد ما اهمله نص الكوبايه بتاعه الحب ويفضل النص التاني. بتاع انا استقبل الحب من الناس اللي حواليا اللي بيعمل حاجه هي تعبير عن الحب انا بستقبلها وبكمل في الكوبايه نص الكوبايه اللي انا حطيته لنفسي هو ده الاكتفاء الذاتي هو ده انه انا عارفه احب نفسي فحتى لما هيجي هيجي حد من اللي حواليا ويقدم لي حب انا هبقى فعلا قادره احدد ان ده حب ومش حاجه تانيه يا رب اكون بالشرح ده بسطت لك الموضوع على
تم النشر السبت، ٢٠ أبريل ٢٠٢٤
اتمنى ادعمك ببعض الارشادات والنصائح بالرابط التالي لزيادة ثقتك بنفسك https://www.facebook.com/share/p/4jqh3Ksnf3wPuwXX/?mibextid=oFDknk
تم النشر الأحد، ٢١ أبريل ٢٠٢٤
لعرض السؤال في فدني اضغط هنا