السلام عليكم
انا مدرس كيمياء للثانوية
بدى دروس فى مجموعات فقط مش فى مدرسة
السنة دى العدد قل شوية عندى
والدنيا تأذمت خاصة بعد ارتفاع الاسعار
و انا بيصعب عليا ومش برضى ازود الاجر على الاهالى
بس اعمل ايه فى ضيق الحال
هل فيه افكار او اقتراحات اقدر اطور بيها شغلى و ازود بيها دخلى بدون ما اجى على حد
وشكرا مقدما
سجل دروسك على اليوتيوب واربح من خلاله إذا حصلت على نسبة مشاهدات عالية اعمل عرض للتدريس على الانترنت (برنامج زووم) في مجموعات عددها كبير وبأجر مخفض (يعني خلي إمكانية دخول عدد كبير من الطلبة في نفس الوقت يغطي التكلفة المنخفضة) اعمل لنفسك صفحة فيس وحط فيها دروس مجانا وأسئلة وأجوبة وخلافه لتكون دعاية لك (وحاسب من الضرائب:)) لو زودت معرفتك بالمنهج وبقيت متمكن من مادتك فدة أفضل تسويق لنفسك!
تم النشر السبت، ١٩ نوفمبر ٢٠٢٢
سوق لنفسك عبر الجروبات وطور مهاراتك في كذا مجال بجانب التدريس علي مواقع الفريلانس
تم النشر السبت، ١٩ نوفمبر ٢٠٢٢
فى مواقع بتطلب مدرسين اون لاين وفى جروب ابنائنا فى الخارج بيحتاجوا ناس للمنهج المصرى يدوا دروس اون لاين والدخل افضل اكيد
تم النشر السبت، ١٩ نوفمبر ٢٠٢٢
ولازم تكون عندك ميزه تشد الطلبه ليك
تم النشر الأحد، ٢٠ نوفمبر ٢٠٢٢
طريقه الشرح غيرها بوسايل مساعده تسهل دخول المعلومه لدماغ الطالب الورق اللى بيذاكرو منه الطلبه هندسه وخليه يفتح النفس على المذاكره بالوان والزخارف الرقيقه روح المكتبات اللى بتطبع المذكرات وشوفها معموله ازاى والطلبه بتقبل عليها ليه
تم النشر الأحد، ٢٠ نوفمبر ٢٠٢٢
فكرت وبحاول ادور على حلول
تم النشر السبت، ١٩ نوفمبر ٢٠٢٢
انت فكر ف تطوير خدمه التدريس
تم النشر السبت، ١٩ نوفمبر ٢٠٢٢
المال الحلال ربنا بيبارك فيه
تم النشر السبت، ١٩ نوفمبر ٢٠٢٢
لعرض السؤال في فدني اضغط هنا