ازاي اقدر اتخلص من التسويف؟وازاي اتخطى مخاطر الجلوس بالمنزل لفترات طويلة مثلا لمدة شهر بدون الخروج نهائيا.
شهر بدون خروج نهائى ...ده كتير جدا ...وكده محتاج مساعدة نفسية ده مش تسويف ده درجة من الاكتئاب ( ده مش تشخيص منى ) ده عن تجربة . ده لو عدم الخروج بقرار منك لازم علاج واول العلاج هيبقي روتين للنزول وتغيير المكان بشكل روتينى يكسر العزلة المرضية دى
تم النشر الأربعاء، ١٤ ديسمبر ٢٠٢٢
التسويف يحتاج منك تخطيط بليل لليوم التالي .. تحدد هتعمل ايه امتى ولمدة قد ايه.. حدد لنفسك 3 مهام بس تعملهم كل يوم وانتظم عليهم وبعد اسبوع من الانتظام زود مهمه كمان. أي حاجه تيجي في دماغك عايز تعملها اكتبها ف ورقة او نوته وجمع كل اللي وراك فيها وكل يوم بليل تختار اللي هتعمله تاني يوم. تقعد ف البيت لمدة شهر؟ طب ليه؟ مفيش التزام او مشوار يتعمل بره البيت يبقى نعرض نفسنا لشمس الصبح من الشباك او البلكونه .. الشمس مهمه جداً جداً جداً.. ننزل نجيب طلبات البيت ومش لازم نجيبها من اقرب مكان ممكن نبعد شويه بحيث نتمشى ف الشمس ونشوف الناس .. حد من صحابنا أو أخ أو أخت نتفق معاه وننزل نتمشى شويه / نشرب عصير .. أي حاجه المهم ننزل .. اذا كنت شاب ف انزل صلي في المسجد. مينفعش يعدي أسبوع من غير نزول حتى لو لوحدك .. نزول الشارع والتعرض للشمس والتعامل مع الناس هيفرق ف صحتك النفسية والبدنية كمان وهتقدر تركز ف أي حاجه بتعملها لو بدأت اليوم بانك تقعد ف الشمس شويه ..
تم النشر الاثنين، ١٢ ديسمبر ٢٠٢٢
القران الكريم .وحدد يوم لنزهه والشراء
تم النشر الاثنين، ١٢ ديسمبر ٢٠٢٢
صاحب ناس كتير بتحب تخرج وتشجعك
تم النشر الثلاثاء، ٢١ مارس ٢٠٢٣
شاركي حد قريب منك بأنك مش قادره تطلعي برا البيت وانه لازم يساعدك ويشجعك تطلعي حتى لو تتمشي ربع ساعه وترجعي تاني ..او انك تحاولي تقاومي فكره انك مش قادره تنزلي بأنك مش هيعمل الاحتياج ده غيرك زي انك تجيبي دوا تجيبي مستلزمات البيت او انك تحفزي نفسك انك لو نزلتي عشر دقايق حتى هتجيبي حاجه بتحبيها تاكليها او تشربيها او تشوفي فيلم او مسلسل بتحببه لما ترجعي
تم النشر الخميس، ٥ يناير ٢٠٢٣
مشكلة الجلوس بالمنزل ممكن تخلي غيرك يساعدك من اخواتك او اصدقائك انه يشجعك على حاجة تعملوها سوا وملزم تعملها زي الرياضة مثلا
تم النشر الثلاثاء، ١٣ ديسمبر ٢٠٢٢
لعرض السؤال في فدني اضغط هنا