انا على طول قاعده لوحدي وما فيش حد يقعد معايا ما حدش بيرن عليا ولا بيكلمني وعلى طول شايفه اللي حواليا بيعملوا انجازات وانا ما بعملش اي حاجه بزهق جدا واليوم بيضيع عليا كأي يوم عادي
زي اي يوم بصحى افطر اقعد على التلفزيون اصلي اقرا قران اسبح بس فانا عايزه اعمل حاجه اشغل بها وقتي عايزه بجد حاجه تخليني أرجع ثقتي بنفسي ان انا بقدر اعمل اي حاجه واللي انا ممكن ابقى حاجه كبيره انا ما عنديش شغف في اي حاجه
ما حدش بيساعدني مش بلاقي حد أقضي معاه وقتي ما عنديش صحاب بعيد عن اهلي عشان متجوزه واهل جوزي مش بيكلموني وهم معايا في نفس البيت بس هم مش بيكلموني ولو كلمتهم او نزلت اقعد تحت معاهم ما حدش كاني قاعده فوق بس حوالي دوشه وخلاص
بجد انا تعبت نفسيا ومش لاقية حاجه اعملها وجوزي ما بيكلمنيش طول النهار ولسه ربنا ما اكرمنيش فيا ريت تفيدوني باي حاجه اعملها اي افكار اي حاجه اعملها اعمل اللي انا اسلي بيها وقتي وان اكون بعمل حاجه بجد انا بحبها وعايزه دعمكم ليه وتقولوا لي افكار كده اعمل ايه في الوقت الفارغ
السلام عليكم اختي، اولا اسأل الله ان يرزقك بذرية صالحة وان لا يذرك فردا❤ ربما عدم ولادتك حتى الان سبب لشعورك بقلة الثقة بالنفس وقلة الانجاز... على الرغم بأن من يلدون هم بالحقيقة يُرزقون ولا ينجزون، لا اقلل من اهمية الذرية على العكس واظبي على الدعاء والحّي ان يرزقك الله ذرية صالحة في القريب العاجل، لكنني اشدد على عدم لوم نفسك بشيء ليس بيدك... الآن نأتي لقسم اهمية تعبئة وقتك... حياتنا يا عزيزتي مركبة من عدة جهات، ومنها الاجتماعية والنفسية وكل الجوانب مرتبطة ببعضها البعض. ابدئي بينك وبينك نفسك بالتخطيط لما سوف تحسنيه وتصلحيه... حاولي تصليح علاقتك مع حماتك، تقربي منها بهدية او بزيارة او بتحضير صنف من الحلويات... اذا كنت لا تشعرين بالاهتمام وبالاشخاص في الجمعة العاىلية ابدئي فقط تدريجيا وهذا امر ضروري لانه سيحسن علاقتك ايضا مع زوجك. اعلم جدا ان قسم من الحموات صعب التعامل معه ولكن حاولي وقبل ذلك استعيني بالله... انزلي عندها ساعديها اشربي معها القهوة.. وبالمقابل حسني علاقتك مع زوجك بادري انت تقربي منه، وبالمقابل كذلك واظبي على الدعاء والاستغفار وكثفي من النوافل. ان سألك زوجك قولي له بصراحة اشعر انني علي التقرب من العائلة اكثر... هذه الامور ستحسن من شعورك بالانجاز بشدة... فالانجازات يمكن ان تكون بسيطة ليس بالضرورة ان تكون جائزة او تخرج وما الى ذلك... وبعد ذلك يمكن تنظيم يومك من زراعة تعلم دروس على الاونلاين ترتيب البيت، جلسة مع العائلة وهكذا
تم النشر السبت، ١٩ أكتوبر ٢٠٢٤
السلام عليكم ورحمة الله، مهم جدًا تعرفي إن معنى الإنجاز بيفرق من شخص للتاني وإن الإنجاز مش شرط زي ما إحنا متخيلين. بلاش تحطي في دماغك إن الناس الباقية بتعمل إنجازات لأن أولا أهدافهم مش هي أهدافك... قصتهم مش هي قصتك... كل واحد له حياته. اعتقادك إن لازم الإنجاز يبقى بصورة معينة وإلا ميبقاش إنجاز ده غلط... الإنجاز ممكن يكون في إنك حافظتِ على صلاتك في مواعدها وواظبتِ عليها... إنك تقرأي ورد للقرآن كل يوم... إنك تحافظي على أذكارك. لأن في النهاية لازم علاقتنا بربنا وعبادتنا تكون لها الأولوية في حياتنا وبعدها تيجي باقي الحاجات. الإنجاز ممكن يبقى إنك كتبتِ نعم ربنا عليكِ وأديتِ شكر يومك. الإنجاز ممكن يكون في إنك تقعدي مع نفسك شوية في هدوء وتراجعي أفكارك وتناقشي نفسك فين المشكلة في حياتي وإيه سببها وإزاي أخرج منها. الإنجاز ممكن إنك نضفتِ البيت وعملتِ لك مشروب حلو وقعدتِ مع نفسك بانسجام. الإنجاز ممكن يكون إنك مفكرتيش بطريقة سلبية ولا اغتبتِ حد ولا فكرتِ في حد بطريقة وحشة. أي حاجة كويسة مهما كانت صغيرة هي إنجاز. فحاولي الأول، تصلحي طريقة تفكيرك ونظرتك لنفسك وإنك مش فاشلة أو متأخرة عن غيرك وإن الوقت مفاتش عشان تبدأي تغيري. هاتي ورقة واكتبي كل الأفكار اللي في دماغك واكتبي كل الحاجات اللي انتي شايفة إنك بتحبيها أو بتميلي لها أو بتعرفي تعمليها... أي حاجة كنتِ بتحبيها أيام المدرسة أو في طفولتك أو عامة قبل زواجك... رتبي كل الحاجات دي حسب أهميتها بالنسبة لك ومدى اهتمامك بتعلمها لو حصلتِ على الفرصة وابدأي امشي بالتدريج.. النت بقى عليه كل حاجة، ممكن تبحثي عن المهارة اللي عاوزة تتعلميها وتبدأي فيها وتملي وقت فراغك بها. القراءة مهمة جدًا، وحتى لو مش بتحبيها هي زي أي عادة ممكن تنميها بس اعرفي ازاي تختاري الكتب المناسبة وخاصة لو انتِ مبتدئة في القراءة عشان متختاريش كتب صعبة تكرهك فيها وحددي وقت معين ولو عشر دقائق تقرأي فيه كل يوم. أهم حاجة ترتبي أولويات يومك وتضعي الصلوات والقرآن في مواعيدها وتعتبري دي خطوط حمراء وباقي الحاجات في حياتك وزعيها ما بين أوقات الصلاة... ركزي على تحسين علاقتك بربنا واقرأي سورة البقرة كل يوم وإن شاء الله حياتك هتتظبط وربنا هينور لك طريقك باللي يملأ وقت فراغك وينفعك في الدنيا والآخرة. بالتوفيق إن شاء الله.
تم النشر الأحد، ٢٠ أكتوبر ٢٠٢٤
انا شايفة أنه لو بمقدرتك تجيبي حيوان أليف زي قط كده ممكن ينفعك جدآ فبعض النظر عن كونه مجرد حيوان إلا أن القطط تبعث طاقة إيجابية وبتمتص الطاقة السلبية، كمان ممكن ترسمي مع نفسك كده حتى لو ما كنتيش بتعرفي شوفي فيديوهات تعليم رسم و هاتيلك كراسة وألوان كده، ممكن تكتشفي موهبه من تجربة حاجة جديدة، ممكن تشتري لك كام كتاب كده تشوفي انتي بتحبي محتويات اي سواء تنمية بشرية أو دينية أو معلومات عامة و تبدإي بالقرأءة، و تجيبيلك نوتة و أقلام و تكتبي يومياتك ممكن تكتشفي أن عندك موهبة الكتابة أصلا و ممكن بردو تلعبي رياضة حتى لو كنتي مبتدئة تشوفي تبحثي عن أنواع التمارين سواء بيلاتيس أو تمارين تقليدية و تنزلي تطبيق من ع المتجر و تنتظمي عليه و لو في إمكانية تتمرني ف الجيم حلو بردو، بس الأبليكيشن ما قصرت بردو😁 و اقعدي مع نفسك وشوفي اي الحاجات اللي بتحبها سواء مأكولات او مشروبات أو حتى دباديب أو ألعاب، ممكن تعملي لك مشروب بتحبيه، أو تكتشفي حاجة نتي بتحبها و متعرفيش حدش فينا كبير ع الحاجات دي، و بداخل كل شخص يكمن طفل صغير لازم مايتحبسش، ممكن الأفكار أو الأيام تنسينا أن الطفل لل جوانا دا لازم ليه رعاية وعناية خاصة زي ما بنهتم ب مصالح البيت، كمان نتي ممكن تسمعي بودكاست عن تربية الأولاد عشن تكوني مستعدة لما ربنا يكرمك ويرزقك بأطفال بردو التزمي بالصلاة الإبراهيمية للي بنقولوها ف نهاية التشهد بس كرريها بيقين تام بنية ربنا يرزقك بأطفال صالحين، و في قناة مفيدة جدا اسمها يوميات ام خالد محتواها قصص واقعية لناس أدمنوا ذكر معين وحصلتلهم معجزات، قصصها حلوة اوي ممكن تشغيلها ونتي لتقضي مصالح البيت أو مع نفسك هتفيدك جدا أكرر لازم تسمعي اكتر من بودكاست عن تنشأة الأطفال و فيديوهات، عشن العيال حرام تبقا تتمناه لما تكبر تعمل دانتي شوفي كام وحدة م الحاجات لل قلتلك عليها هتفيدك إن شاء الله وتكسر الروتين لحد ما إن شاء الله ربنا يرزقك بالذرية الصالحة كده و تجي المرة الجاية وتفرحينا وتصيري أحلى أم♥️
تم النشر السبت، ١٩ أكتوبر ٢٠٢٤
عزيزتي، أشعر بمشاعرك وما تمرين به من شعور بالوحدة والصعوبة في استثمار وقتك بشكل إيجابي. أولاً، يجب أن تعرفي أن عدم وجود شغف واضح أو هدف محدد لا يعني أنك لا تستطيعين تحقيق إنجازات، فكل إنسان يمر بفترات يحتاج فيها إلى إعادة تقييم أولوياته واكتشاف نفسه من جديد. إليك بعض الأفكار التي قد تساعدك في استثمار وقتك بشكل مفيد: تعليم مهارة جديدة: يمكنك البحث عن مهارات جديدة تودين تعلمها، مثل الطهي، الحرف اليدوية، أو حتى تعلم لغة جديدة. هناك الكثير من الدورات المجانية على الإنترنت التي يمكنك الاستفادة منها. القراءة: استثمار وقتك في قراءة الكتب سواء كانت روايات، كتب تطوير الذات، أو أي موضوع يثير اهتمامك. هذا سيوسع آفاقك ويعزز تفكيرك. المشاركة في الأنشطة الاجتماعية: تأملي في المشاركة في أنشطة مجتمعية أو تطوعية. هذا يمنحك فرصة للقاء أشخاص أُناس جدد ويزيد من شعورك بالانتماء. تحقيق أهداف صغيرة: يمكنك وضع أهداف صغيرة (مثل إكمال كتاب، أو البدء بمشروع فني) والعمل على تحقيقها. إنجاز هذه الأهداف الصغيرة يمكن أن يبني ثقتك بنفسك بشكل تدريجي. تدوين الأفكار والمشاعر: الكتابة في مذكرة يومية قد تكون وسيلة رائعة للتعامل مع مشاعرك، ويمكن أن تساعدك في فهم نفسك بشكل أوضح وتحليل أفكارك. التواصل مع أهل زوجك: إذا كان ممكنًا، حاولي التواصل مع أهل زوجك بلطف وابدئي بمحادثتهم حول أمور بسيطة. العلاقات تحتاج إلى جهد للبناء، وقد تكون البداية من عندك. ممارسة الرياضة: حتى إذا كنت تحبين ممارسة النشاط الجسدي، يمكنك القيام ببعض التمارين البسيطة في المنزل. الرياضة تساعد على تحسين الحالة النفسية والشعور بالحيوية. تذكري أن الوقت الذي تقضينه مع نفسك هو فرصة لاكتشاف مواهبك وقدراتك. لا تيأسي من السعي لتحسين ظروفك، فالأمر يتطلب الوقت والصبر، ولكن خطوات صغيرة يمكن أن تحدث فرقًا كبيرًا في حياتك. وأنتِ قادرة على تحقيق ذلك.
تم النشر السبت، ١٩ أكتوبر ٢٠٢٤
اتعلمى كروشيه بجد فى الاول ممكن تحسي الموضوع صعب بس اول ما تعرفى تشتغليه هتلاقيه ممتع اوى وهتلاقى كتير مهتمين بالمجال دا فاحساس حلو ان تلاقى ناس عندهم نفس اهتماماتك حتى لو متكلمنيش معاهم (او اتعلمى حاجة جديدة زى التطريز او الطبخ ) ربنا يوفقك ويشرح صدرك
تم النشر السبت، ١٩ أكتوبر ٢٠٢٤
اقرأ كتب و العب رياضة و شارك الل بتحبة مع أهلك و اصحابك
تم النشر السبت، ١٩ أكتوبر ٢٠٢٤
تفتحى ع ناس انتى تعرفيهم من زمان وتبدائى تتواصلى معاهم وانتى اللى تبدائى وتكلميعم من غير عتاب
تم النشر الأحد، ٢٠ أكتوبر ٢٠٢٤
اسمها اكتفاء زاتى أو اكتفاء بالنفس ممكن نحلها
تم النشر الأحد، ٢٠ أكتوبر ٢٠٢٤
دى مشكلة كبيرة ع فكرة
تم النشر الأحد، ٢٠ أكتوبر ٢٠٢٤
وانا زيك
تم النشر الأحد، ٢٠ أكتوبر ٢٠٢٤
لعرض السؤال في فدني اضغط هنا