عندي 17 سنه وكنت زمان بنوته مليانه مواهب وعندي هوايات كتير اوي وشاطره ف دراستي وحجات كتير بس بقالي سنتين كدا مش بهتم ب دراستي بسبب ظروف مرينا بيها ف البيت بس كان في امكانيه انزل دروس بس اهلي اهملوني لحد ميخلصو حوارتهم يعني بطلت انزل دروس وواحده واحده بطلت كل هواياتي وبعد مكنت بحب نفسي وشايفه اني جميله وفيا مميزات كتير بقيت بكرهني ومش قادره اتقبلني وبقيت فارغه بجد الفتره الي قعدت فيها دي استسلمت لاكتئابي
اول فتره كنت بدور ع حلول عشان ارجع اشوف نفسي كويسه تاني واعمل اي حاجه م الي كنت بعملها وروحت لاخصائي بس من اول جلستين حسسني اني معنديش مشاكل ف بطلت اروح
مؤخرا بقا بطلت اساعد نفسي او اتقبل مساعده من حد بقيت كرها نفسي بطريقه غريبه وبنتقم من نفسي بأذيهل وبعمل حجات غلط كتير مبقتش عايزه اتعالج زي زمان بقيت متقبله اني وحشه وبعمل حجات غلط عشان اثبت دا لنفسي
المشكله اني المفروض نازله دروس تالته السنادي بقا بس انا مش عايزه بجد اهلي هما السبب اني ابطل كل حاجه بحبها دلوقتي عاوزين ينزلوني بمزاجهم وانا مبقتش عايزه انجح خلاص ولا فارق معايا حاجه
مش عارفه ادي نفسي فرصه ابدأ من جديد ولا اسامح نفسي ع كل الغلطات الي عملتها وقت فراغي وعندي رغبه ف اني اموت نفسي واخلص من كل دا
حياتي متلغبطه مش عارفه اعمل اي
طيب شوفي يا ست البنات انت جميله وعندك 17 سنه يعني انت لسه في مرحله جميله مرحله الزهور يعني. مش محتاجه ترجعي لورا مش محتاجه ترجعي للشخصيه القديمه ما راحتش في حته انت بسبب المشاكل وبسبب الدوشه قررت تاخدي جنب هل المشاكل والدوشه هي حاجه يعني بناء عليها الحياه تخلص الحاجات دي حتى لو ظرف صعب حتى لو كانوا اهلك ما بينهم مشاكل كبيره كان في احتمال للانفصال يعني ايا كان هو ظرف وبانه هو خلص فهون ضرب مؤقت يعني مش حاجه مزمنه ولا مضمره الحمد لله فازمه خلصت. الحاجه اللي انت عملتيها في وقت الانا دي او حصلت معك ان كانت برضو عدت وخلصت كانت مؤقته فكوني تركزي اوي مع فكره انه دي كلها اشياء مؤقته هتقدري عادي جدا تعبي بقى تطلعي خاصيتك من الدرج انت ركنتيها وشوفي كل اجزاء اللي فيها وعيشيها مش قادره تقبلي مش قادره تقبلي هل مش قادره تقبلي عشان انت مش قادره تتقبلي ان اهلك ما وفركيش الظروف اللي تخليكي تملي موهبتك والدراستك وشطارتك هو مش طول الوقت لنا هيكونوا مسؤولين عن كل وبما ان وصلنا لمرحله من السن انه مرحله البلوغ خلاص يعني انت بتتكلمي سنتين فكان عندي 15 سنه فكان عندك 18 سنه خلاص انت بقيتي واعيه وبالغه وموريكه كويس قوي وتقدري تحليمي مسؤوليه نفسك بشركه كافي على الاقل مسؤوليه يعني المهمات بتاعتك في الحياه فكرتك دروسك انت تقدري تديري الكلام ده نفسك بكل بساطه لذلك مش هي اساس ان احنا نحط. كن بقى ان احنا زعلانين قوي ومش قادرين نتقبل بسبب ان احنا مش قادرين نسامحهم ان هم بوظوا لنا فتره من حياتنا احنا محتاجين نقف عند النقطه دي كويس قوي محتاجين نسامحهم لان هم بني ادمين زيهم زينا وبيجي لهم وقت هيحصل لهم في دروب والدنيا مش هتكون احسن حاجه معهم زي ما انت حصل معك دروب والدنيا ما كانتش احسن حاجه معك وطلعت منك اخطاء والاخطاء انت هتحاسبي عليها لوحدك ربنا مسيج يقول لهم انتم وفرلهاش الظروف اللي هي تتصرف فيها صح ما فيش الكلام ده احنا لازم نكون واعيين ولازم نكون بنتكلم بواقعيه وما بنضحكش على نفسنا مش محتاجين نشوف ان الحياه انتهت ولكن محتاجين نشوف انه دي مرحله مؤقته وخلصت ويلا بينا نبدا مرحله جديده نشوف ايه اللي احنا نملكه دلوقتي نتعايش به في المرحله الجديده حتى وان فرضنا ان انا افتقدت شيء. ان انا ما بقتش عندي نفس الحماسه زي الاول الحماسه دي يعني هي بتبقى شعور كده وممكن يترك معليه شويه تراب بيترك عليه شويه صدى لكن لما انا ابدا احرك التروس واقوم اتحرك واتابع واشوف انا هعمل ايه واشوف ورايا ايه وممكن اعمل ايه هتلاقي الدنيا اشتغلت هتلاقي حماستك رجعت تاني لكن وانا قاعده بس بفكر وانا قاعده بس زعلانه ما فيش حاجه هتتغير؟ ابدئي على طول. قومي كده بنت جميله البسي حلو وانت في البيت وابتسمي وحطي ميك اب وخليكي سعيده بان الحياه لسه مكمله وانت لسه تقدري تعملي فيها حاجات كتير. وهاتي ورقه وقلم وقولي انا ورايا ايه ممكن اعمله انا محتاجه اعمل ايه زي ما كنت بعمله قبل كده زمان كانت مواهبي ايه طب يلا استرجعها من جديد طب ايه بقى الجديد في مواهبي دي بعد ما عدى سنتين بقى ايه بقى الجديد دلوقتي اقدر اتابعه واعلمه لنفسي تاني واتحركي ان شاء الله تبقي احسن.
تم النشر الاثنين، ٦ مايو ٢٠٢٤
انا عنيت من الموضوع دا فى فترة مش بعيدة بس لما قعدت مع نفسي و فكرت شوية قلت لنفسي ان مفيش داعى ارجع لنفسي القديمة دى كانت مرحلة من حياتى و خلاص و برضه مش هستسلم ليأسى لازم اطور من نفسي و هتبقى احسن من القديمة كمان لازم تتقبلى ان كلنا بيجى علينا وقت و نقع و بنستسلم للى احنا فيه و نكون فى اسوء حالتنا و لكن مش لازم نفضل كدا كتيرو لازم نفوق و نقوم تانى و نبقى احسن من الاول انت افضل حد فى حياتك متيأسيش من نفسك و لا تكرهيها لا بالعكس حبيها و اعرفى انها ممكن احيانا تضعف و تغلط و لكن دى طبيعة بشرية فى الكل و لازم تقويها و تشجعيها تفوق و تقوم تانى كونى سند لنفسك مش تأذيها و تكونى ضدها اما بالنسبة لاهلك فمفيش مخلوق على زجه الارض يقدر يغيرك و يضعفك انت الوحيدة اللى تقدرى تعملى دا بأنكانت المسؤلة عن حياتك و انت المسؤلة عن شخصيتك سواء هتخليها احسن او اوحش انت جميلة و تستحقى الحياة اللى بتتمنيها و الدليل انك بالرغم من مرور سنتين و لسه عايزة تطورى من نفسك و تحسنيها متفقديش الامل انت قدها بس محتاجة شوية وقت و صبر
تم النشر الثلاثاء، ٧ مايو ٢٠٢٤
لا مفيش حد بيرجع تاني لقديمه ومتحاوليش . لإنك دلوقتي مش غلط ومش وحش ، إنت في مرحلة تانية جديدة غريبة ،في قدامك تيارين موج شديد هادر ، بس إنتي تقدر تختاري أي اتجاه تمشي فيه ، إقعدي مع نفسك شوفي مساوئها وكلميها وردي عليها وإختاري طريقك ، إنتي حاليا إنسان جديد يفتح آفاقه لعالم جديد وينسب الماضي ، زمان مكنتيش أيقونة لكن كانت نفسك مستريحالك ، لكن قدامك كل يوم تبنيها وتكوني الأيقونة .
تم النشر الأحد، ٥ مايو ٢٠٢٤
بصي انا فاهمك الموضوع بيبقى مرهق نفسيا فعلا و بيبقى صعب تخرجي منه بس انا خرجت منه بتغيير وجهة نظري عن الحياة بشكل عام و فكرت فيها لقيت ان دة مش مبرر حتى ان اهلى مدونيش مشاعر معينة وانا صغير و اهملوا فيا ف حاجات معينة كانت مهمة بالنسبالي و بالنسبالهم لا كل دة مش مبرر ان انا اعيش حياة كئيبة و قافل فيها على نفسي و عشان مكذبش ف اوقات كنت ببقى حابب مود الوحدة و الكئابة دة اوي بس بعدها واحد صاحبي من سنة اتوفى و من ساعتها وانا بقيت بفكر فالحياة بشكل مختلف عن الاول وهو إن انا جي الحياة شوية وقت الله اعلم قد ايه و ماشي و مش عايز اموت لوحدي ولا عايز اموت بذكريات وحشة كتير سواء انا عايز اتبسط ب وقتي فالشوية اللي هقعدهم واخلق ذكريات حلوة مع الناس اللي حواليا هو الموضوع معقد و صعب انا عارف بس دة حل من ضمن الحلول اللي عملتها و غيرت شوية
تم النشر الأحد، ٥ مايو ٢٠٢٤
الحاله اللي انت فيها دي حاله من حالات اسمها فقدان الشغف فقدان الشغف ده ناتج للظروف اللي انت مراتي بيها فانت لازم ان انتي ترجعي تخلاقي دوافع جديده وتكملي حياتك وان الحياه متوأفش على حاجه وان شاء الله ان شاء الله بالتدريج ثاني في الحياه هتقدري تلاقي دوافع جديده وتثبيتي فيها نفسك وان شاء الله ان شاء الله حياتك تتحول للافضل
تم النشر الاثنين، ٦ مايو ٢٠٢٤
اقراي جزء فخ الفشل او الحرمان الوجداني من كتاب فخاخ الحياة وابحثي عن معالج معرفي سلوكي وليس تحليلي
تم النشر الأحد، ٥ مايو ٢٠٢٤
بصى كلنا بيجى علينا وقت ونفسيتنا بتبقى تحت الصفر ازعل. وعيطى وانهارى بس ارجعى اقفى تانى ع رجلك واستعيدى ثقتك بنفسك , قربى من ربنا وادعى كتير وارجعى مارس هوايتك وحبى نفسك ساعدى نفسك تبقى احسن اتفرجى ع ڤيديوهات تحفزك وتديكى طاقة إيجابية وإن شاء الله يارب تبقى احسن
تم النشر الأحد، ٥ مايو ٢٠٢٤
قربك من الله صلاتك واذكارك وعدم استسلامك للحزن
تم النشر الأحد، ٥ مايو ٢٠٢٤
غيري مختص نفسي اخر
تم النشر الثلاثاء، ٧ مايو ٢٠٢٤
استهدي بالله وصلى حبيبتي وصلى على نبي كتيرولااذكر والله العظيم انافي اكتر منك بس مش بستسلم الشيطان متستسلميش حبيبتي الله يبعدعنك لوحش يارب وترجعي احسن من اوا وكتر يارب
تم النشر الاثنين، ٦ مايو ٢٠٢٤
اللي هيخرجك من كل ده
تم النشر الأحد، ٥ مايو ٢٠٢٤
لعرض السؤال في فدني اضغط هنا