السلام عليكم ورحمه الله وبركاته طبعا دي كلها حاجات بتقول انه احنا ما عندناش سيطره ولا تحكم في نفسنا نهائي ما بنعرفش نجاهد نفسنا كده ولا احنا اللي نمشيها يعني في ابسط الحاجات والحاجات دي بتحتاج طول الوقت جهد من البني ادم علشان ما ينفعش نفسنا هي اللي تبقى ممشيانة ان ربنا عز وجل قال لنا انه النفس بتكون اماره بالسوء يعني ايه هتيجي اصلا تقول لك اعمل الحاجات الوحشه وربنا علمنا علم كل بني ادم من ساعه ما اتولد ففترته الطبيعيه ان هو اعلمه نفسه دي جواها ايه حلو وجواها ايه وحش فأنت بقى اللي عليك عهدة الاختيار انت هتقرر انك تبدا تغذي الجزء الحلو علشان تخليه هو اللي يبقى اللي بيحركك في حياتك ولا هتسيب الجزء الوحش اي حاجه تغذيه ومفيش مشكله اي حاجه جايه فيبقى الجزء الوحش هو اللي مشيك هنا اللي انت بتقوله كله انا ما عنديش اي اراده ذاتيه ما عنديش اي تحكم في نفسي وهي بتطلب ايه خلاص هي اللي بتغلب وبديه لها هي عايزه ايه باديه لها في سبيل ايه في سبيل ان هي نفسك بتقنعك انه انا هديلك احساس حلو هتاكل حاجه مسكره هتتبسط هتعمل للاسف العاده فهيجي لك شعور حلو ويبسط رغم ان هو شعور لحظي. وهكذا. ا فالكلام ده بيحتاج انه البني ادم يبدا يغذي الجزء السليم من النفس يغذيه ازاي بقى بحط نفسي في الاماكن اللي بتدي الكلام الصح بروح أقعد في المسجد انا مش بصلي اروح اقعد في المسجد حتى لو مش بصلي أقعد ابقى جوه الاجواء اللي هتغذي الجزء الصحيح من النفس لكن اسيب نفسي أقعد واسمع الكلام الغلط او امسك الموبايل واشوف كل الحاجات اللي غلط وتعدي عليا كل الحاجات الغلط فيبقى ده العادي وتبقى دي النفس العاديه لا محتاج يعني تغير من الحاجات اللي بتغذي نفسك بيها يعني الله المستعان اتمنى اكون افدتك.
اصلي و اذهب للمسجد و لكن لم يتغير شئ
تم النشر الخميس، ٢٠ مارس ٢٠٢٥
لعرض الإجابة في فدني اضغط هنا