هل الدين كافي لإيقاف أفكار الانتحار ولا هحتاج طبيب نفسي؟
الانتحار مش هيكون من غير سبب لازم فى سبب لو انت شايف أن السبب كبير ومش عارف تتخطاه وديما يجى فى دماغك وعاملك مشكله فى حياتك يبقى( محتاج طبيب نفسي) ولاكن من ناحيه الدين فأنت لازم روحت لدكتور أو مرحتش تكون مؤمن وتقرب اكتر لدينك
تم النشر الأحد، ٢٣ يوليو ٢٠٢٣
الدين هو الدرع الواقي ضد رصاص المشاكل النفسية و الدنيوية ولكن إذا فعلا اتصبت برصاصة؟ يبقي واجب العلاج ربنا قال لكل داء دواء فا لازم وضروري تروح لمتخصص مع الحرص إنك تقوي الدرع الديني حياتك مهمة وتستاهل تعيشها برغم من كل شئ مش كويس ما تترددش روح لمختص نفسي ومتاح تبعتلي اي وقت
تم النشر الأحد، ٢٣ يوليو ٢٠٢٣
الاتنين عون الله ودعم من شخص متخصص ودارس وعارف بحالتك كويس اوي وعدت عليه
تم النشر الأحد، ٢٣ يوليو ٢٠٢٣
اللى بيوصل لمرحله الانتحار بيبقي فاضت بيه الدنيا و هاين عليه نفسه و الموضوع اكبر من اتوضي و صلى ركعتين الواحد فى الوقت دة بيبقي اضعف من كدا بكتير لو هو مش قريب من ربنا و مؤهل انه يفضفض مع رربنا مع العلم ان ربنا عمرة ما هيرد حد واقف على بابه ... لازم طبيب نفسي ( كلامي مش مجرد كلام بقوله و خلاص انا حاولت الانتحار مرتين ) ربنا يفك كربك
تم النشر الأحد، ٢٣ يوليو ٢٠٢٣
السلام عليكم ورحمة الله مبدأيا الدين والتزامك بصلاتك واذكار الصباح والمساء مع قراءة بعض الايات من القرآن والدعاء طبعا لله للخروج من الازمة دي هايحميك بنسبة كبيرة وان شاء الله ثانياً انت محتاج لقيمة وهدف علشان تحس بقيمتك ولأهميتك في الحياة اتعلم مهارة او شيء جديد او مارس رياضة فرغ طاقتك السلبية وهاتغير مودك وصحتك النفسية والعقلية وقتها هاتقدر تتخطى مرحلة الاكتئاب دي وماتحتاج لدكتور نفساني ولكن اذا ظلت المشكلة موجودة اعرض نفسك على لدكتور متخصص ولكن احذر ادوية الاكتئاب احذر احذر احذر شديدة الخطورة على الجسم والجهاز العصبي واي دكتور يقولك غير كدة يبقى انسان معدوم الضمير مهمة الدكتور النفسي انه يسمعك وبتحكيله عاللي مابتقدرش انك تحكيه لحد تاني ومجرد الكلام دة في حد ذاته بيريحك وبيشيل حمل كبير وبيخفف عنك انما المهدئات والمنومات وادوية العلاج النفسي انا رأيي انها لا تستخدم الا في حالات الخطورة ودة رأيي. وربنا يخفف عنك ويهديك ان شاء الله
تم النشر الأحد، ٢٣ يوليو ٢٠٢٣
علي حسب الشخص يعني لو انت شايف ان الدين كفايه انه يمنعك مش هتعملها ومش هتحتاج لدكتور نفسي بس احيانا كتير برغم ايمانك نفسك وشيطانك ممكن يستولوا عليك ويخلوك تعملها انت اللي هتحدد انت عايز دكتور نفسي جنب الدين ولا لا الدين لازم تعرف فيه انه حرام تقتل نفسك ومصير قتل النفس هو النار لانك اذنت بشئ ربنا لسه ليه أجل وكل حاجة صعبه عليك خلتك تفكر في ده هي ابتلاء عشان توصل للاخرة الدنيا كلها ما هي الا مجرد باب وامتحان عشان توصل لاخرة عشان يتعرف إذا كنت تستاهل جنات نعيم وانك تشوف وجه ربنا ولا لا ان الصبر علي الابتلاء نجاه انك تخاف تعمل كده عشان ربنا اللي مالكش غيره وانت لاشئ بدونه استعين بربنا علي الأفكار مش علي نفسك اطلب منه الصبر والاعانه في الدنيا في كل امورك لو بعد كل ده حسيت انك عايزة دكتور نفسي استعين به يبقي احسن دور علي كل فرصه تخليك احسن وتمريش نفسك في التهلكة
تم النشر الأحد، ٢٣ يوليو ٢٠٢٣
الدين في الأصل كافي لكن إذا كنت تعانين من مرض لازم طبيب نفسي
تم النشر الأحد، ٣ سبتمبر ٢٠٢٣
لعرض السؤال في فدني اضغط هنا