فالتعارف و فترة الخطوبة شايفين أننا ملناش دعوة بماضي الشخص ال قدامنا ولا نسأله ؟
يعني لو هتجوز شخص خاطب قبل كده عادي اسأله عنها و ايه سبب الانفصال ولا لا ؟
و هل ينفع اروح اسألها لا يكون بيكدب؟
نسأل طبعا بس مش بطريقة تحرج الشخص وكاننا بنستجوبه ولا كأننا بنخونه ولو شكينا بس ممكن نسأل من بعيد ...بس مش لدرجة اننا نروح نسألها هى وعموما لو حاسين ان الشخص كذاب وتبيننا الكذب منه باى شكل فيبقى الارتباط بيه ملوش لازمه اصلا
تم النشر الخميس، ٢٧ يوليو ٢٠٢٣
من وجهة نظري، التعرف على الشخص قبل الزواج أمر مهم جداً. لكن في نفس الوقت ماضي الشخص مش مفروض يحكمنا. الماضي ذكريات وتجارب مرّ بيها الشخص وأثّرت عليه. لكنها ماضي وانتهت. لو كان فيه شيء مهم في ماضية هايأثر على علاقتكم، من حقك تسأل بطريقة كويسة وباحترام. مش علشان تحاسبه بس علشان تفهم. وفي نفس الوقت احترم خصوصياته. الأهم إنك تركز على شخصيته وتعامله معاكي في الوقت الحالي.
تم النشر الخميس، ٢٧ يوليو ٢٠٢٣
ممكن تروحِي تسأليها وتعرفي سبب الانفصال عشان هتسمعي منها ومنه فاهمةة وركزي فِ صفات الشخص اللّي معاكِ بجد لانك بعدين هتعرفي هيا بتقول الحقيقة ولا لاء ربّ ييسرلِك الحال ويقدم ليكِ اللّي فيه الخير
تم النشر الخميس، ٢٧ يوليو ٢٠٢٣
لا الماضي يخص صاحبه فقط، وليس لكِ أن تسألي عن شيء تمامًا، ما يخصك هو بداية من وقت ارتباطكما. وكذلك نفس الشيء معه
تم النشر الجمعة، ١١ أغسطس ٢٠٢٣
طبعا لازم كل شيء يكون في النور .... ماينفعش ببقى ليها ماضي سيء وانت تلبس فيها
تم النشر الخميس، ٢٧ يوليو ٢٠٢٣
طبعا لازم تعرف لان كل حاجة في النور حلوة ....
تم النشر الخميس، ٢٧ يوليو ٢٠٢٣
عادي السؤال محرمش واكيد الطرف التاني مش هيقول كل حاجة وهيطلع نفسه هو الافضل في كل حاجة
تم النشر الخميس، ٢٧ يوليو ٢٠٢٣
بصي هو من وجهه نظري أن ليه اسأل عن حاجه في وقت انا مكنتش فيه ولا هو كان يعرفنيفيه اصلا، فيه فترات بتمر علينا بنعمل حاجات غبيه وبنندم عليها وبتقول حالا ازاي انا مكنتش بفكر كده وعملت كذا... اه لو كنت معملتش كذا ده كان زماني مرتاح ومكنتش هحس اني مخبي سر عن الجميع لكن الحقيقه انك مكنتش هتتعلم الدرس أو هتوصل للي انت فيه حالا لولا أن ربنا شاف انك مش هتتعلم غير بالطريقه دي ، كلنا بلا استثناء عندنا غلطات وعملنا حاجات كتيره وعارفينها لولا ستر ربنا علينا الحمد لله ف متدوريش علي حاجه ممكن تزعلك أو تنهي علاقتك بحد كان ممكن تكملوا مع بعض لانه لو شايف أن الحاجه دي عقبه أو هتأثر في علاقتكوا قدام اكيد هيقولهالك غير كده انا شايفه أن ماضيه ليه هو مدام هو أتعلم منه ومش هيأثر عليكوا بعدين بأي شكل من الأشكال.
تم النشر الخميس، ٢٧ يوليو ٢٠٢٣
السروال مش هيفيد لان الكدب سهل لكن ممكن تختبر المعاك بالمواقف مش بالكلام و ركز ف طريق تعامله مع أهله الربوه لأنها انعكاس للشخصية و الاخلاق
تم النشر الخميس، ٢٧ يوليو ٢٠٢٣
لعرض السؤال في فدني اضغط هنا