عاوزة اذاكر بس مش عارفة كل لما اجي افتح كتاب مش بعرف اذاكر والتلفون ده مشكله بالنسبه ليا مبقدرش استغنى عنه لمده دقيقه واحده والمشكله عليا مواد متراكمه وامتحاناتي كمان شهر بالظبط
حاولي.تحطي في بالك حاجه تحمسك زي اهلك مثلا وانهم قد ايه بيتعبو في مصاريفك ووعلشان تكوني احسن وانجح وتفكري في نفسك انك تكوني احسن وانجح ومش اقل من صحابك ومش اقل من حد وتشوفي فيديوهات تنظيم الوقت وتشجيع وكده واعىفي ان الموبايل كده كده هيكون معاكي طول الاجازه
تم النشر الجمعة، ١٣ ديسمبر ٢٠٢٤
السلام عليكم، هو عامة قليلين اللي بيحبوا المذاكرة وبيستمعوا بها... وأي شيء فيه مجهود وألم النفس مش بتحبه وبتحسه تقيل وخصوصا إن الشعور بالمكافأة بيكون بعيد. على عكس المكافأة المتمثلة في السعادة والدوبامين اللي بتحصلي عليه لما بتفتحي الموبايل وبتضيعي وقتك في حاجات مش وقتها لكنها مسلية وبتعطيكِ شعور المكافأة. فالمطلوب منك، مش إنك تنتظري لحد ما تحسي بحب للمذاكرة أو تكون نفسك مفتوح لأن لو عملتِ كده يبقى مش هتذاكري خالص. أي تفوق ونجاح بيحتاج مجهود وبذل الجهد بيحتاج إنك تتغلبي على نفسك ولا تستسلمي لهواها ورغبتها في الكسل والراحة. المطلوب منك، تحددي هدفك من المذاكرة والدراسة وتخليه أمام عينيك وتشجعي نفسك بالهدف والأسباب دي دايمًا... لازم الهدف والدافع قُدامك على طول عشان كل ما نفسك تضعف وتكسل أنتِ تدفعيها تقوم وتكمل. كل دقيقة مهمة... هتفضلي تقولي باقي شهر... هتلاقي الشهر طار في لحظة لكن لو فكرتِ إن الشهر ده كل دقيقة فيه مهمة وقمتِ ذاكرتِ هتعرفي إن الوقت كافي جدًا عشان تلحقي تذاكري وتنجحي إن شاء الله. النفس بتحب تحس بالمكافأة القريبة فقسمي المواد وفترات المذاكرة واعملي مكافأة لكِ عن كل إنجاز وهدف توصلي له من أهدافك مذاكرتك. استعيني بالله وابدأي وصدقيني إن شاء الله هتلاقي الوقت كافي بس المهم تعرفي تنظمي وقتكِ وتجاهدي هوى نفسك. بالتوفيق إن شاء الله.
تم النشر السبت، ١٤ ديسمبر ٢٠٢٤
أختي العزيزة، أقدر تمامًا ما تشعرين به من ضغط وصعوبة في الدراسة. إليك بعض النصائح العملية التي قد تساعدك في تنظيم وقتك وزيادة إنتاجيتك: تحديد الأهداف : قومي بتحديد أهداف دراسة واضحة. ابدئي بتقسيم المواد الكبيرة إلى وحدات صغيرة وحددي ما تريدين تحقيقه في كل جلسة دراسة. إنشاء جدول زمني : يمكنك تنظيم وقتك من خلال إنشاء جدول زمني، يحدد أوقات محددة للدراسة. حاولي الالتزام به بقدر الإمكان. تقليل المشتتات : حاولي تقليل المشتتات أثناء الدراسة. قد يكون من المفيد ترك الهاتف في غرفة أخرى أو استخدام وضع "عدم الإزعاج" أثناء الدراسة. فترات راحة : تأكدي من أخذ فترات قصيرة للراحة بين جلسات الدراسة. ذلك يمكن أن يساعد في تجديد نشاطك وتحسين التركيز. المشاركة والدراسة مع الآخرين : حاولي الدراسة مع زملائك. ذلك يمكن أن يكون دافعًا إضافيًا لك ويتيح لك فهم المواد بشكل أفضل. المساعدة : إذا كنت تجدين صعوبة في موضوع معين، لا تترددي في طلب المساعدة من معلم أو زملاء. تحديد الأيام للدراسة : خصصي أيام معينة لمراجعة كل مادة، وحاولي الالتزام بخطتك. أنت لست وحدك في هذا، ولديك القدرة على تجاوز هذه المرحلة. تذكري أن الثقة في النفس والتنظيم هما المفتاح لتخطي أي تحدٍ. وفقك الله في امتحاناتك.
تم النشر الجمعة، ١٣ ديسمبر ٢٠٢٤
بصي اعملي جدول ليكي وانتظمي عليه وف الفتره الي انتي هتذاكري فيها ادي الفون لممتك لباباكي شليه مع حد المهم ميكونش قدامك ولما تخلصي تقعدي عليه ساعه بالظبط وتقومي شايله الفون مع نفس الشخص متمسكيهوش غير تاني يوم بعد ما تخلصي مذاكرتك تمسكيه الساعه وخلي حد رقيب عليكي عشان متسرحيش وانتي بتذاكري وكافئي نفسك ب اي حاجه بتحبيها حته لو بسيطه كل م تنتظمي يوم علي جدول وصلي واتقربي م ربنا واقراري قران صدقيني حياتك هتتحسن اكتر وربنا معاكي ويوفقك ويوفقنا جميعا ♥
تم النشر الأحد، ١٥ ديسمبر ٢٠٢٤
بجد حاولت كتير بس مش عارفه
تم النشر الجمعة، ١٣ ديسمبر ٢٠٢٤
حاولي تذاكري مع حد يكون ملتزم
تم النشر الجمعة، ١٣ ديسمبر ٢٠٢٤
اعملي جدول لنفسك من حيث استخدام الفون والمذاكره وحاولي تلتزمي بالجدول
تم النشر الجمعة، ١٣ ديسمبر ٢٠٢٤
لعرض السؤال في فدني اضغط هنا