يواجه الكثير من الاشخاص، مشكلة عدم رؤية نفسهم "كشخصية مركزية" في حياتهم، أي يركزون على حياة اخرين ويرونهم هم المتألقين والمتقدمين في هذه الحياة،
وبالتالي يشعرون بعدم الثقة بالنفس والتقليل منها.
كيف يمكن للانسان ان يغيّر هذا داخله؟
السلام عليكم ورحمه الله وبركاته السؤال جميل جدا جدا ولكن خلينا نشوف كده في فرق ما بين الثقه بالنفس وما بين الشخص يشوف انه مركزه او انه يتخذ شخصيته انها تكون شخصيه مركزيه على نفسه ما يكونش مركز شخصيته عند شخص اخر الثقه بالنفس او تقدير النفس الجيد هو إن الشخص يكون شايف قدراته صح ومديها التقييم الصح وشايف الحاجات المميزات اللي فيه مديها القيمه بتاعتها الكويسه ويكون بيقدر يتكلم عن نفسه في المميزات دي ومديها التقييم المميز او التقييم المظبوط بتاعها، وبرضه يكون شايف عيوبه وعارف ايه الحاجات اللي محتاجه تتغير وإيه الحاجات اللي محتاج يشتغل عليها ويطورها ومش بيتجاهلها أو مش بينكرها هنا بيجي مصطلح الثقه بالنفس أو تقدير الذات. ليه بقى الاشخاص بيواجهوا مشكله إن هم يشوفوا نفسهم جوه نفسهم وما يشوفوش نفسهم دايما بره من خلال اشخاص اخرين هنا الموضوع بيكون متوقف على ان الشخص ما تعودش انه. اييه يتعمل له علامه على افعاله هو الا وهي مربوطه برضا الاخرين الموضوع بيبدأ من اول مراحل التنشئه او التربيه ونفسيه الطفل تبدا انت حلو علشان انا مبسوط منك انت شاطر عشان جبت الدرجات اللي انا عاوزها كل الحاجات دي بتبدا تنطبع على شخصيه الطفل من وقت التنشئه انه علشان يكتسب صفه ضروري جدا يبص على اللي قدامه مبسوط باللي بيحصل ده او اللي هو بيعمله بيساوي اللي مطلوب من الشخص اللي قدامه ولا لا فلذلك بيكون دائما متطلع على رضا الاخرين او على اهداف الاخرين مش اهدافه هو الشخصيه وبيكون صعب عليه جدا او بالنسبه له بتبقى حاجه غريبه انه انت تساله انت عاوز ايه ده بيكون امر صعب جدا بالنسبه له لان كل حاجه عنده لازم تكون مربوطه بالاخرين أو بسعاده الاخرين أو بأهداف الاخرين لانه هو شايف انه ده الطبيعي والعادي بسبب التنشئة دي واحده من المسببات مسبب الثاني هاقوله فويس ثاني. المسبب الثاني هو انه الشخص بيكون بيسعى ورا احتياج معين سعي الانسان وراء احتياج وانه يكون عاوز يملا الاحتياج ده عن طريق الاخرين مثلا انا عاوز اكون محبوب فلما اكون عاوزه اكون محبوب هكون دايما بدور على ناس تحبني لما بيكون عندي الفكره دي إنه الاحتياج اللي عند اللي عندي لا يمكن ملأه الا عن طريق الاخرين هنا العنوان ده والفكره دي هي اللي بتخلي الشخص صعب جدا يحط نفسه هو كأولوية لأنه دائما بيحط لي حواليهم كاولويه ليه لان هم مصدر احتياجه مش هينفع انه ما يبدوهمش اولويه هم اللي هيوفروا الاحتياجي لو هم مش موجودين فانا مش هبقى محبوب لو هم مش موجودين. انا مش هكون ناجح مثلا انه النجاح بالنسبه لي ان هم يسقفولي مفيش حد يسقف خلاص انا كده مش هعرف اكون ناجح أي فكره من الفكرتين دول هم بيكونوا اكثر حاجه تخلي الانسان صعب جدا يتقبل انه ما يشوفش الاخرين هم اللي بيهم الاولويه او هم اللي ليهم المركزية لشخصيته أتمنى ان انا اكون يعني الموضوع او جاوبته واتمنى اكون فهمت السؤال زي ما صاحب السؤال يقصده بالظبط.
تم النشر الأحد، ١٣ أبريل ٢٠٢٥
دة بظبط زي الام الي شايفة نفسھا مش ناجحة في حياتھا المھنية بس لو بصيتي ليھا كويس ھتلاقيھا بتعمل حاجة عظيمة كفاية انھا مفضية نفسھا لولادھا وبتسعد بتھا وربھا كوني واثقة ان دايما الناس الي بنشوفھا ولا غلطة وواو من برة ممكن يكونوا من جواھم تعبانين اوي يفيد بأية لو الناس شيفاكي متقدمة بس من جواكي في جروح من حجات اصعب منھا تبقي فاشلة كوني علي يقين ان ربنا مش بيدي حد كل حاجة والا كلنا بقينا اغنياء حاولي تعملي الي عليكي عشان تبقي متقدمة وتربطيش التقدم دة بحاجة كبيرة اوي ممكن تكون حاجة صغيرة بس تخليكي راضية اھم حاجة وراضية ربك وومكن التقدم دة زي مثلا انا امبارح كنت بسبح ٢٠ مرة اخليھا النھاردة ٤٠ وكدة كل حاجة بسيطة بتفرق واھم حاجة ثقي في ربنا الي قادر يعمل كل حاجة وان بيعمل الخير وبس وكدة ھتشوفي ايامك حلوة وھتزداد ثقتك في نفسك وان شاء الله خير بكرة تبقي اشطر حد 😍❤
تم النشر الأحد، ١٣ أبريل ٢٠٢٥
تحقيق الثقة بالنفس هو رحلة تحتاج إلى الصبر والتفاني. إليك بعض الخطوات العملية التي يمكن أن تساعدك في تعزيز ثقتك بنفسك: تقبلي نفسك كما أنت : ابدئي بتقبل نفسك بعيوبك ومميزاتك. اعلمي أن الكمال غير موجود، ومن الطبيعي أن تكون لديك نقاط قوة وضعف. تحديد الأهداف : ضعي لنفسك أهداف واضحة وقابلة للتحقيق. ابدئي بأهداف صغيرة يمكنك تحقيقها، ثم انتقلي إلى أهداف أكبر. سيساعدك هذا في بناء شعور بالإنجاز. تحديد القيم : تعرفي على قيمك الشخصية وما يهمك في الحياة. عندما تعيشي وفقًا لقيمك، ستشعرين بمزيد من الثقة والاكتمال. التحلي بالإيجابية : ضعي لنفسك عبارات إيجابية وكرريها بانتظام. بدلاً من التفكير في نقاط ضعفك، ركزي على إنجازاتك ونجاحاتك. التعلم والتطوير : استثمري في نفسك من خلال التعلم وتطوير مهارات جديدة. كلما زادت معرفتك ومهاراتك، زادت ثقتك بنفسك. التواصل الاجتماعي : احرصي على بناء علاقات صحية وملهمة مع أشخاص يدعمونك ويشجعونك. الابتعاد عن الأشخاص السلبيين يمكن أن يحسن من نظرتك لذاتك. تقبل الفشل كجزء من الحياة : الفشل ليس نهاية الطريق، بل هو درس يمكن تعلمه. تعلّمي من تجاربك واعتبريها فرصة للنمو. مارسي الرياضة وتناول الطعام الصحي : ممارسة النشاط البدني والتغذية الجيدة تؤثر إيجابًا على المزاج والثقة بالنفس. التفكير الإيجابي : حاولي تحويل الأفكار السلبية إلى إيجابية. اسألي نفسك، ما هو الجانب الإيجابي من كل موقف؟ البحث عن المساعدة إذا لزم الأمر : إذا شعرت بأنك بحاجة إلى دعم، لا تترددي في طلب المساعدة من مختصين أو مستشارين. تذكري أن العمل على الثقة بالنفس يحتاج إلى وقت، لذا كوني صبورة مع نفسك واحتفلي بالتقدم الذي تحرزينه في هذه الرحلة.
تم النشر الجمعة، ١١ أبريل ٢٠٢٥
هذا من فضل الله وكرمه، والحمد لله أن الكلام كان مفيداً
تم النشر الجمعة، ١٨ أبريل ٢٠٢٥
بارك الله فيكم، كلام كلّه افادة والحمد لله❤
تم النشر الثلاثاء، ١٥ أبريل ٢٠٢٥
مواقع التواصل لها كبيير الاثر في هذا... اخص بالذكر الإنستجرام.... لكن كل واحد له حياته التي يستحيل ان تشبة حياة احد
تم النشر الأحد، ١٣ أبريل ٢٠٢٥
أنا شايفة إن أول خطوة لاكتساب الثقة بالنفس هي إن الشخص يبدأ يركّز على نفسه بدل ما يقارن نفسه بغيره. إحنا دايمًا بنشوف الناس وكأنهم ناجحين ومتألقين، لكن غالبًا ما بنشوفش الكواليس اللي ورا الصورة دي، ولا الصراعات اللي مرّوا بيها علشان يوصلوا. الثقة بالنفس بتيجي من خطوات بسيطة زي: 1. إنك تعرف نقاط قوتك، حتى لو بسيطة، وتبدأ تشتغل عليها. 2. تكافئ نفسك على كل خطوة بتنجح فيها، مهما كانت صغيرة. 3. تغيّر طريقة كلامك مع نفسك، وتخليها أكتر تشجيع واحتواء. 4. تحاول تحط نفسك في مواقف تثبت فيها لنفسك إنك تقدر، مش شرط قدام الناس. فكرة "الشخصية المركزية" حقيقية جدًا، وكل إنسان لازم يكون هو بطل حكايته، حتى لو لسه بيبدأ من أول سطر. مش لازم الناس تعترف بده علشان تحس بيه، كفاية إنك تؤمن بنفسك، وتشوف إنك تستحق، وتحب نفسك زي ما هي، وتطوّرها على مهلك، خطوة بخطوة.
تم النشر الأحد، ١٣ أبريل ٢٠٢٥
اولا اعرفي ذاتك نقاط القوة والضعف بصدق واقبلي نفسك كيف ما كانت بدون جلد للذات وخلي كلامك عن نفسك ايجابي واجهي الاشياء اللي تخافي منها اهتمي بنفسك ومظهرك احرصي على اكتساب مهارات ومعارف جديدة دئما ، تعلمي الانجازات الصغيرة فهي تحفز الثقة بالنفس .
تم النشر الأحد، ١٣ أبريل ٢٠٢٥
لعرض السؤال في فدني اضغط هنا