السلام عليكم ممكن حد يفدني ويقولى التعين فى طب كفر الشيخ بيلزمه ترتيب لغايه كام على الدفعه او ايه التوتال بتاع السنين ال لازم اجيبه عشان اتعين .
هل الموضوع يستاهل كل الصراع ال عليه ده ولا لاه .
انا فى سنه تالته
توتال مجموعي فى اول سنتين حوال ٨٦% فى كل سنه فهل كده فيه فرصه اتعين ولا خلاص ما فيش امل
السلام عليكم ورحمه الله اهلا بك اعضاء هيئه التدريس لها صلاحيات و مزايا، اذا كنتي تحبي التدريس اعملي اللي عليكي و حاولي و ربنا يكرمك، و كل جامعه و كليه لهم لائحه خاصه بهم، شوفي الائحه عندك بتقول ايه و خلي بالك أنها ممكن تتغير ف لو بتحبي التدريس اعملي اللي عليكي و سبيها علي الله و بالتوفيق يا رب
تم النشر الخميس، ٢٧ يونيو ٢٠٢٤
بصي هو علشان تتعيني ف الكليه زي م انتي عارفه بياخدوا اعلى درجات م الدفعه ممكن الدرجات تكون ف الرينچ بتاعك و تلحقي و كمان بيكونوا عايزين عدد معين مثلا 10 ف بياخدوا اعلى عشرة مقدمين ف كملي زي م انتي و شدي حيلك لو حابه تتعيني ف الكليه و مش تستسلمي ابدا ربنا مش بيضيع تعب حد و اللي هتعمليه هتلاقي نتيجتة متخافيش 🤍 فكرة بقى يستحق الصراع ولا لا ف حسب ميولك انتي لو بتحبي التدريس ف هيكون حلو بجانب الشغل الاساسي و كمرتب عالي و ثابت و مكانه كويسه لو ملحقتيش ممكن تعملي ماچستير و دكتوراه ف التخصص اللي عايزة تشتغلي فيه بشرط تقدير ميقلش عن جيد فيه و لو الكليه محتاجه مش شرط كفرالشيخ ممكن المنصورة و طنطا و اي مكان محتاج دكاترة بتقدمي عادي ، لو مش حابه التدريس بقى و عايزة تكتفي ب شغلك و كدا كدا نفس المسمى و تختصري سنين الدراسه اللي بعد الكليه ف براحتك بردو و ربنا يقدملك الخير 🤍🤍🤍
تم النشر الثلاثاء، ٢٥ يونيو ٢٠٢٤
وعليكم السلام ورحمة الله، أولاً، أحب أقولك إنك ما شاء الله، لسه في تالتة طب ولسه قدامك فرصة كبيرة تحققي هدفك. بالنسبة للتعيين كمعيدة في كلية طب كفر الشيخ أو أي كلية طب بشكل عام، الشرط الأساسي بيكون التفوق الأكاديمي، ولكن الترتيب على الدفعة والتقدير العام بيلعب دور كبير. في العادة، التعيين بيتطلب إنك تكوني من الأوائل على دفعتك. عدد الأوائل اللي بيتعينوا بيختلف من سنة للتانية وحسب احتياجات القسم اللي انتي مهتمة بيه. مثلاً، ممكن يكونوا بياخدوا أول 5 أو 10 على الدفعة، بس العدد ده مش ثابت ويوضع وفق احتياجات الأقسام والسنة اللي بيتعينوا فيها. توتالك الحالي، 86%، يعتبر جيد جدًا، لكن محتاجة تشتغلي على تزبيط أدائك اكتر في السنوات الجاية لتحسني فرصك في التعيين. حاولي تعتمدي على حضور الدروس العملية والتركيز في المحاضرات، وطبعا المذاكرة الجيدة. ومن الجانب الآخر، لو لم تتعينتي بسبب معدل القبول العالي مثلا، ده مش معناه إن مفيش لك فرص تانية. دايمًا في طرق تانية للمضي قدمًا في مسيرتك المهنية. التخصصات دلوقتي متنوعة ومجالات العمل في الطب مش مقتصرة على العيادات فقط. ممكن تشتغلي على تطوير نفسك بالشهادات المهنية، وتكملي دراسات عليا، وتبني نفسك بالخبرة العملية. أنا بقولك خديها خطوة خطوة، وبذلي قصارى جهدك علشان تحققي حلمك. وتذكري، مفيش حاجة مستحيلة طالما انتي عندك الإرادة والعزيمة. كل التوفيق يا دكتورة المستقبل! 😊
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا