فى محكمة الله تُؤخذ الحقوق بإذن الله وعليها أن تصبر على أمر الله وأن تُطيع والديها مهما كانت المعاملة من الوالدين حتى تؤدي حقها اتجاه والديها
تم النشر الجمعة، ٤ أغسطس ٢٠٢٣
في محكمة الله يوم القيامة تُؤخذ الحقوق ولا يوجد ظُلم {يَوۡمَ يَفِرُّ ٱلۡمَرۡءُ مِنۡ أَخِيهِ} عَبَسَ : 34 التفسير: يوم يفرُّ المرء لهول ذلك اليوم من أخيه
تم النشر الجمعة، ٤ أغسطس ٢٠٢٣
طبعا من الواضح انك شخصية جميلة جدا، وربنا يجزيكي خير ع وجودك وحنيتك على اخواتك. طيب .. هل بامكانك انك تتكلمي مع والدتك وتعرفي منها هي ليه بتعامل اختك بالشكل ده، وكمان تتكلمي مع والدك وتعرفي منه سبب تعامل والدتك معاها ليه كده. بس تتكلمي معاهم بهدوء جدا .. وفي وقت رايق .. بس ميكونش مع بعض .. تتكلمي مع كل واحد فيهم بشكل منفرد. لو عرفتي الاسباب او عرفتي تصلحي ما بينهم عن طريق كلامك مع والديكي، يبقى خير. لو معرفتيش .. يبقى حاولي تقدمي الدعم طبعا زي ما انتي بتعملي مع اختك وتفهميها ان حتى لو هما مش بيعاملوها كويس .. ف هي تكون كويسة علشانها مش علشان حد .. وان هي فيها مميزات كتير حلوة وابرزي المميزات ديه ليها في كل وقت.
تم النشر الخميس، ٣ أغسطس ٢٠٢٣
بما إنك شخص جميل كدا، خليكي قريبه من اختك متكلميهاش خالص عن مامتك خليكي كل حاجه بالنسبالها واثبتلها إنها اهم حاجه عندك وقربوا سوا من ربنا واطلبوا منه العون واتعاونوا مع بعض ف شغل البيت من غير اهتمام لمجاملة مامتكم و هي مع الوقت هتعرف انها غلطت ف حقكم وصلحوا علاقتكم بباكم وقربوا منه
تم النشر الخميس، ٣ أغسطس ٢٠٢٣
حاجه جميله انك مقدره اختك و بتعملي و بتحاولي عشانها و يا رب يهدي ماما عليكوا انصحيها انها تحاول تفهم دماغ ماما اكتر و نحسبها و هاخدها ف فيها و دايما انتي احتوي اختك و اعملها لحد ما ماما تبقى تمام
تم النشر الخميس، ٣ أغسطس ٢٠٢٣
هقولك علي حاجه اقعدي مع امك لوحديكم وتقوليلها علي الي هي بتعمله مع اختك وان ده مأثر عليها انتي بتقولي أنها بتحبك عن اختك او بتفضلك عنها شوفي هي الطبيعه أن الأم بتحب البنت الكبيره أكثر عشان بتبقي اول فرحتها وكده وهقولك امك هي مش عارفه تبين كده وكثير من الأمهات كده مش امك بس هي الام بتبقي عايزه بنتها شاطره فكل حاجه يعني غسيل تنضيف البيت اي شغل ف البيت علي شان أما تتجوز تكون عارفه تعمل كل حاجه بدون ما حد يتريق عليها أو يقولها كلمه تزعلها هي بتشد عشان كده لانك بتقولي هي عايزه اختي تعمل عشان ف المقابل تخدها تفسحها معاكم هي عشان الكبيره وهي المفروض هتتجوز الاول هي شاده عليها عشان كده انك مش قصدها تكون قاسيه عليكم هي مش عارفه توريكم هي قد ايه بتحبكم يعني لو اختك تعبت لاقدر الله هتشوفيها قلقانه ازاي المهم روحي اقعدي مع امك وقوليها أن اختي أما بتتعامل كده عشان انتي كنتي بتشدي عليها قوليها أنها خايفه تتجوز عشان الي بيحصل حاسه أنه كله ليتحول بس يكون كلامك هادي وحاولي تتكلمي بطريقه حلوه متبينلهاش أن اختك بتكرها عشان امك متتقلبش عليها اقوي وتكوني بدل مصلحتي بوظتي انتي رتبي كلامك وشوفي هتقوليها ازاي قوليها اختي علي وش جواز محتاجه تكوني معاها محتاجه تكوني هاديه معاها عشان هي قلقانه وانتي خليكي مع اختك وأخواتك التنيين وحاولي معاهم كذا مره انك تقعدي معاهم تكلمي معاهم بحب علي طول اعملي ده كثير وأخواتك هيتعودوا عليكي هتكوني معاهم علي طول انصحيهم فهميهم أن مامتك مش قصدها كده بس هي مش عارفه تبين قد ايه هي بتحبكم قوليلهم انها بتحبنا كلنا زي بعض وبينلهم قد ايه امك بتحبهم بس هي مش عارفه تبين كده وخليكي مع اختك الكبيره طمنيها قوليها هو لو مكنش بيحبك مكنش خطبك قوليها قلقك الكثير وحش وهيسببلك مشكله كبيره ولازم اختك تكون هاديه ومعلش كل حاجه بتعدي ادعي ربنا كثير أن يحنن قلب امك عليكم وصلي قربي من ربنا واختك كمان وأخواتك كلهم اقرأي ورد من القرآن هيسعاعدك كثير ادعي الدعاء بيغير القدر متخليش اختك تحكي لخطيبها عن المشاكل بينها هي وامها حتي لو حكت خلاص متخلهاش تحكي لان ده هيكون وحش ممكن أما يزعلوا لاقدر الله يبقي عارف ان انك مش هتعمل حاجه وهتقولها عيشي قوليها أنها تقوله انها بقت حلوه وحاولي تكلمي امك الي حضرتك بتكلمي فيه ده ملهوش اي علاقة بسؤالي تقريبا بتجاوبي علي سؤال حد تاني شوفي أنا عارفه انتي بتمري بايه كويس أنا امي ماتت وكنت أنا الكبيره واخويا اكبر مني كنا متعودين علي ماما جامد لان بابا كان بيبقي مسافر بره مصر فكنا متعودين وامي كانت تعبانه بسبب عمليه فتعبت من بعديها يعني عملت ياجي 13عمليه فما فوق كنت انا الي يشيل البيت مع اني صغيره يعني رابعه ابتدائي اختي الصغيره انا الي ربيتها عشان ماما كان عندها مرض انتشر كانت بتروح المنصوره عشان تروح تتعالج والمنصوره بعيده عننا خالص انا الي ربيت اختي كانت بتسيب معايا اخواتي احنا خمسه اختي الصغيره كانت بتقولي يا ماما تعبت كثير بس كان عادي عمري ما توقعت أن امي تموت مع انها كانت كل أما بتدخل عمليه توصيني بخواتي بس بجد عمري ما توقعت انها تموت ماتت ومريت باأيام ما يعل
تم النشر الخميس، ٣ أغسطس ٢٠٢٣
يارب وانتي واختك تكون ف احسن حاجه ..أنتي كويسه من جوا وربنا هيفرحكو قريب إن شاء الله 🤍
تم النشر الخميس، ٣ أغسطس ٢٠٢٣
هحاول اعمل كدا واتمنى ارجعلك بنتيجه كويسه ، واتمنى تكوني انتي كمان كويسه
تم النشر الخميس، ٣ أغسطس ٢٠٢٣
خليكي جمب اختك هي محتاجه حد اوي قريبه منها جدااا لأنها زمانها ف حاله نفسيه محدش عالم بيها غير ربنا ..وانتي حاولي تقعدي مع أهلك وتقوليلهم اي اللي بيضايقو من اختي وصلحي بينهم اعملو قاعدات عائليه بليل واتكلمو مع بعض اللعبو لعبه مع بعض ...اخرجي أنتي واختك كتير انزلو اشتروا هدوم مع بعض ..أنا كنت كدا بعد نتيجه الثانويه عامه بس حاولت اصلح الدنيا بطريقه دي .. وربنا يهديكم يارب لبعض🤍
تم النشر الخميس، ٣ أغسطس ٢٠٢٣
لعرض السؤال في فدني اضغط هنا