السلام عليكم
بدايه أنا. بنت عندي ١٦ سنه في ثانوي ذكيه جدا عبقريه جدا بس للاسف مش دايما بذاكر درجاتي مرتفعه بس مش بذاكر أخري اركز في الحصه وبس بس لما دخلت الثانوي لا بقيت ولا بذاكر ولا اي حاجه ودرجات زفت ...بقيت بخد كورسات ملهاش دعوه بالدراسه بتاعتي يعني خدت كرس في العلاقات و في التواصل خدت دا عشان عاوزة اقنع نفسي أن مشكله أن معنديش صحاب واني مش بعرف اقرب من الحواليا مش من عندي المهم يعني حصلت معايا نوبه هلع مرتين ومتكررتش تاني انا واثقه في نفسي بحكم أن محدش بيحبني ويساعد نفسي دائما ودا بفصل ربنا المهم انا مسلمه وبحب ديني جدا جدا جدا و بسمع دروس وأولياتي ماشيه علي الأساس ده بس بشتت كتير اوي أنا مش ملتزمه في حياتي عموما ولا اعرف حاجه عن الالتزام وكمان عندي ADHD فدا بيخلي كل ال حواليا يقولوا عليا مستهترة وهبله و هنا مع اني والله مثقفه جدا وقريا في كل المجالات وفاهمه وعارفه كل حاجه ... الموضوع ال عوزكوا تساعدوني فيه هو اني كنت بتعنف وانا صغير جامد ولحد دلوقت بس مش زي الاول بس كنت مفكرة الموضوع عدي المهم أن تأثير التعنيف دا بيبان عليا دلوقتي يعني مثلا أنا مش بعرف اشارك مشاعري ولما طفل بيتعب بيبقي عادي عندي بخلاف صحبيتي ال عندها حنيه عشان اتربت علي كدا وبتعصب علي كل حاجه وبحس في مشاعر سلبيه عاوزة تطلع ولما بعمل تصرف بيكون شبه امي وابويا بتعصب اوي وببقا عاوزة اضرب نفسي وعندي مشكله مع احلام اليقظه بقالها بتاع ٤ سنين ومش عارفه اءاكر ولا ابدأ اي حاجه وبقطع كتير اوي في الصلاه
معلش ممكن تساعدوني
احيانا الشخص الذكى بيكون عنده ازمه وهيا أن عقله دائما شغال مش بيفصل خالص .تفكير كتير وتخيلاتكتير واحلام يقظه . اشغلى عقلك بحاجه كبيرة مهارة تنميها أو هواية تشتغلى عليها أو انك تكتبى تكتبى افكارك احلامك تفاصيل يومك .. الحنية دى حاجه غريزه فينا لكن بتتفاوت فى الدرجة من حد للتانى .بلاش تخلى اللى حصل من عيلتك يأثر على حياتك . انتى ليكى شخصية وليكى إرادة
تم النشر الأربعاء، ٢٠ ديسمبر ٢٠٢٣
بالنسبة للدراسة وعدم تنظيم الوقت فأنصحكِ وعن تجربة أن تصلي الصلاة في وقتها فمثلا لو سمعت أذان الظهر توجهي فورًا للوضوء، ونصيحة أخرى أنقلها عن ابن تيمية فإن الخشوع في الصلاة يبدأ من سماع الأذان والتركيز معه، الصلاة في وقتها تنظم الوقت بلا شعور. وأمرٌ آخر في تنظيم الوقت هو أن تحاولي أن تبدأي يومك من صلاة الفجر، صلي الفجر وابدأي يومك ولا تعودي للنوم مرة أخرى ، فإن الرسول صلى الله عليه وسلم قال بورك لأمتي في بكورها.
تم النشر الخميس، ٢١ ديسمبر ٢٠٢٣
ثم أخيرًا أمر تعنيفك في الصغر أنصحك بقراءة كتاب أبي الذي أكره أؤكد لك أنك ستجدي ضالتك هناك. فتلخيص هذا الكتاب في تعليق ظلم له بصراحة
تم النشر الخميس، ٢١ ديسمبر ٢٠٢٣
بالنسبة إلي عدم وجود أصدقاء فأراك حسب كلامك أنك مؤهلة لتكوني صديقة جيدة فابحثي عن صديقة صالحة في أماكن كالكُتَّاب أو مجالس العلم ستجدين هناك من الصالحات الكثير وبخبرتك أنتِ في العلاقات والتواصل أثق أنك ستحصلين على صديقة سريعًا. ثم عزيزتي وجود الصديق شيء مهم لكن عدم وجوده لا يضر، فنحن المسلمون ليس في قاموسنا الوقوف لأي سبب كان فالله سبحانه وتعالى يقول:"انفروا خفافًا وثقالًا" أي انفروا سواء كان الجهاد يسيرًا عليكم أو حتى لو كان ثقيلًا وصعبًا عليكم، إذن عزيزتي الثبات ليس في قاموسنا فأصلا الله يقول :"لمن شاء منكم أن يتقدم أو يتأخر" أي أننا لا نثبت نحن إما أن نتقدم ونعلو ونزداد ونتطور أو نتأخر ونتخلف ونسوء
تم النشر الخميس، ٢١ ديسمبر ٢٠٢٣
شكرا لكي
تم النشر الخميس، ٢١ ديسمبر ٢٠٢٣
وبالنسبة لأنك لست بخير ولست على ما يرام وتشعرين بالضغط وتأنيب الضمير بسبب تقصيرك فأبشرك، بمجرد أن تصلي الصلاة في وقتها وتبدأي يومك من الفجر ستلاحظين تحسن واضح في نفسيتك وهذا عن تجربة أؤكد لك.
تم النشر الخميس، ٢١ ديسمبر ٢٠٢٣
بصى انا برده عندى 16 فى ثانوى تقريبا نفس مشاكلك هى مشاكلى بس انا حاولت انى متعرضش لاى موقف اتعصب فيه بقيت ابعد شوية عن المواقف الى بتعصبنى واسمعى قران من الشيخ اللى بتحبيه وافهمى معنى الكلام اوى هتلاقى نفسك بتعيطى ده بينمى المشاعر وحاولى تشوفى الحاجه اللى بتحبيها وجيبى كورسات يعنى انا بحب البرامج والكمبيوتر وكده والفضاء فشوف معلومات عن الفضاء اتعلم برامج من كورسات على اليوتيوب ومن ناحية المذاكرة حطى حلمك امامك وجيبى فيديوهات تحفيز وذاكرى وحلمك قدامك انا نفسى ابقى رائد فضاء ممكن اتفرج على فيلم كان واحد فى دوولة نامية وبقى عالم كبير وهكذا هتلاقى نفسك بتذاكرى انا فى اولى ثانوى لسه بادئ مذاكرة من حوالى 20 يوم وسعيد جدا بالمذاكرة اللى بقيت اذاكرها وانى قربت اخلص المنهج اتمنى تتوكلى على الله وتبداى من دلوثتى عشان تلحقى الامتحانات كمان اتمنى اكون افدت حضرتك
تم النشر الخميس، ٢١ ديسمبر ٢٠٢٣
نسبة للغضب او الانفعال لازم منك انت تحاولي وتتعودي تتحكمي فيه وده جهاد ف النفس ربنا يعينك ويوفقك ف طريق العلم ، كل واحد بيمر بعقبات شكل، بتتكيفي معاها وتفهمي مسارها وتعديها او بتغيري الظروف وده الاصعب والابعد .. ف خليكي تمام بالوضع، وممكن تنصحي الجماعة او تعاتبيهم كذا مرة انهم أثروا فيك سلبا، ويهتموا بوجودك ووجود غيرك ازرعوا الحب ياجماعة واتكلموا بهداوة وتفاهم .. ممكن بعض البيوت مشاكلها بسبب قلة الماديات، بيسبب توتر بين الاتنين وشحناء شغلوا قرآن ع الصبح واتدخلي بينهم يازينة .. الله يصلح حالنا جميعا
تم النشر الأربعاء، ٢٠ ديسمبر ٢٠٢٣
• أُفضل أن تتواصلي معي ، إما بصفتِي أخصائية دعم نفسي لكِ أو صديقة أو أُخت اختارِي شكل العلاقة التي تستريحِي لها ، لأنكِ تحتاجِي إلى دعم مُستمر ، ونصائح من شخصية مُتواجدة معكِ ، وليس كلمتين فقط ، لذلك أتمنى أن تتواصلِي معِي ضروري من خلال الضغط على زر طلب استشارة في صفحتي ، وإن شاء اللَّه يُقدرنِي ربِي وأتمكن من مُساعدتكِ ، وللعِلم هذا الأمر بدون مُقابل مادي ، حتى لا تحسبِي أننِي أُتاجر بعملِي مثلًا ، تحياتي.
تم النشر الثلاثاء، ٢٣ يناير ٢٠٢٤
لعرض السؤال في فدني اضغط هنا