انا بنت عندي 17سنه اتعلقت اووي ب السوشيال ميديا من وانا عندي 13 سنه وبقي معنديش شغف لاي حاجه وف الاخر دخل شخص ف حياتي بس بعد فتره سابني ومش عارفه اعمل موف اون رغم ان هو شخص نرجسي جدا وللعلم هو معايا لحد الان وبيكلمني ببرود مش وبردو دايما بيحسسني انو اكبر مني ب 10 سنين طبيعي
انتى بنوته وفى مرحلة مش سهلة والسوشيال ميديا هتأثر عليكى بشكل هيخليكى مش مبسوطة للى هتوصليلة فى فترة العشرين ...انتى حاليا فى مرحلة بلوغ يعنى بقيتى شخص يتحاسب على افعاله الفعل ده غير مناسب وعواقبه فى الدنيا انك بتخسرى وقت وبتخسرى من نفسيتك ومشاعرك حاجات مش هتلاقيها بطعمها الحلو لو استمريتى كده... حافظى على طعم مشاعرك انها تكون سليمة ونضيفه ونقيه .. التعامل مع ولد بدون اى داعى بالشكل اللى بيتسمى ارتباط وبتشوفيه على السوشيال ميديا انه حاجة عاديه ...هو حاجة سيئة جدا وبتدمر بس. مفيش هنا موف اون ...انتى لسه بتبدأى حياتك ...ارميه ورا ضهرك او حطى الموضوع كله تحت رجلك وكملى طريقك ..هو حاجة بلا قيمه اصلا ...وشخص بيتلاعب بيكى فى مرحلتك الاولى من البلوغ ومشاعرك المبتدأه. وقفى الغلط ...كملى طريقك بصحبه صالحة وبحاجة تتعلميها حتى لو بفيديوهات مفيدة من السوشيال ميديا.
تم النشر الجمعة، ٢٣ ديسمبر ٢٠٢٢
عظيم، انتي ليه لسه معاه؟ يعني بعد كل اللي انتي قولتيه ليه لسه معاه، يعني شخص نرجسي، وسابك، وبيعاملك وحش، وهو بيستغلك كمان غض النظر أنه مش سن ابدا الدخول في علاقات ..؟ ليه لسه معاه؟ ليه لسه بتأذي نفسك وانتي لسه بتقولي بسم الله ف اول حياتك؟ ليه بتعملي كده في نفسك؟ هل انتي شايفة أنك تستحقي كل ده؟ شايفة نفسك وحشة لدرجة أنك تسيبي حد يعمل فيكي كل ده؟ حابه نفسك وانتي كده؟ اعملي بلوك من كل حتة .. كل وسائل السوشيال ميديا وكل وسائل الاتصالات. كأنه مجاش ... حبيبتي انتي تستاهلي احسن من كده، ليه تخلي شخص يلعب بيكي وبمشاعرك، وانتي لسه بنوته في أول حياتك. ليه تعملي كده في نفسك. حاولي تقللي كمان قعادك على السوشيال ميديا. هتعملي ازاي كل الحاجات ديه هقولك. دخلي في حياتك رياضة .. العبيها .. روحي الجيم العبي رياضة .. مش عايزة تروحي الجيم .. انزلي كل يوم أول ما تصحي ويستحسن الصبح أو حتى بعد العصر امشي أو اجري. لمدة ساعة أو نص ساعة. في هواية في حياتك معينة نمي المهارة ديه .. شوفي بتحبي تعملي ايه واعمليه رسم، كتابة، اي حاجه بتحبيها. اتعلمي لغة جديدة .. نسميها هتفيدك جدا قدام. انزلي تطوع .. احتكي بالناس .. اطلعي بره زون السوشيال ميديا .. اعرفي ناس جديدة .. كوني صداقات. اتعلمي مهارة جديدة وجيبي منها فلوس .. انتي عارفه انك لو اتعلمت مهارة لمدة ٦ شهور او اكتر واحترفتيها تقدري تشتغلي وتجيبي منها دخل وانتي قاعدة من بيتك. اعرفي قيمة نفسك .. انتي اهم من اي حد يعاملك معامله وحشة، أو يستغلك، أو يلعب بيكي، اعرفي قيمة نفسك كويس. ربنا معاكي ويوفقك
تم النشر الجمعة، ٢٣ ديسمبر ٢٠٢٢
اعملي له بلوك في كل حتة وشوفي الراحة النفسية اللي هتحسي بها بعد كدة! مش بس علشان تقدري تعملي موف أون ولكن علشان ما تخليش ربنا يغضب عليكي!
تم النشر الجمعة، ٢٣ ديسمبر ٢٠٢٢
صلى
تم النشر الأحد، ٢٥ ديسمبر ٢٠٢٢
لعرض السؤال في فدني اضغط هنا