انا بقيت انسانه مشتته فكريا بطريقة لا توصف بجد انا خريجة تربية فنية كنت حقيقي بحب كليتي جدا و لما خلصت كنت متصورة ان الحياه سهلة و هشتغل على طول صدماتى الاولى لما كنت بروح اعمل انترفيو و واترفض بسبب الخبرة و قعدت 3 شهور ف البيت بجد كنت هموت لان دا وضع انا مش متعودة عليه انى اقعد مش عليا التزام او مبعملش حاجة نزلت اشتغلت ف مكتبة سنه و شهرين و حقيقي اتربيت ف السنه دى من الدنيا لان شوفت مواقف و اتعاملت مع ناس الحلوة و الوحشة بس كنت طول الوقت مش سعيدة لان كنت حاسة ان دا مش مكانى و كان اى حد يشوفنى من اساتذتى ف الكلية هناك كان اللى يقولى معلش او انا اتضايقت لما شفتك هناك انت مستواكى الدراسى كان عالى و تستحقى حاجة احسن دا غير ان كان اكتر اللى حوليا من زمايلى ف الحلو و الوحش بس كانت بيئة و تربية و عادات مختلفة فمكنش فى تأقلم بينا خالص و مشاكل لحد ما سبت الشغل و الحمدلله ربنا رزقنى بشغل مناسب و ف مجالى مرتاحة اكتر من الاول ب شوية بس عارفين ان برضة فى فراغ انا لما جيت اشتغلت ف المكتبة الاول كنت بشتغل و احوش جزء عشان كان عندى هدف انى اعمل ماجيستير و شغف عالى جدا و روحت حتى كمان اخد كورس انجليزى ف الفترة دى عشان احس بس انى بعمل حاجة بستفيد منها لما جت الفرصة انى اقدم ف الماجيستير قابلنى ان للاسف المفروض انى اعدى اختبار لغة و انا كنت سايبة الكورس الانجليزى بقالى سنه لانه مكنش احسن حاجة المهم قعدت اذاكر مع نفسى و دخلت الامتحان بس للاسف متوفقتش و حسيت ان بجد شغفى ف الموصوع قل و قبلها كنت بقول طيب المبلغ اللى انا حوشته من الاول كان بهدف كدا بعد كدا حسبيت اشتغل wedding planner و درست الموضوع جدا بس ملقتش حد بيشدنى للموضوع ف شغفى قل شوية يقل لشئ و شوية يزيد مش عارفة بس انا حسة انى محتاجة اشغل وقتى بشئ انا حاسة انى حباه و بستفيد منه تشتت العقل و التفكير الزايد بجد انا بعانى منه بطريقة لا توصف بقالى سنتين و فكرة انى مش عارفة احدد هدفى ولا انا عايزة اى و يعنى اى هتحمل نتيجة قرار دى بجد بعانى منها بطريقة لا توصف انا مش عارفة اى الحل و المفروض اعمل اى
السلام عليكم هو انت مش مشدده قد ما انت بتحبي الدوافع الكبيره وبتحبي الاهداف الصعبه فممكن دلوقتي حسيتي انك عديتي مرحله صعبه فمش قادره تقبلي بانك تستقري شويه او تكوني مش في حاله تنافس كبيره او في حاله حد كبير كان بالنسبه لك انك تخلصي من شغل المكتبه ده وتعملي الماجستير فتبقي قفزتي قفزه كده محترمه وعديتي وقت صعب وانجزتي انجاز كبير انك تلاقي شغل في المجال اللي انت بتحبيه كان برده نفس الموضوع تحدي كبير فكان كده زي ما بنقول حياه فيها صصصتين سعالي فانت كنت حاسه ان كل يوم الصبح بتقومي عشان تعافري في حاجه كبيره في حين ان دلوقتي الموضوع ممكن. يكون بالنسبه لك اكثر رفاهيه وانت مش متعوده على ده او مش بتحبي ده قوي او مش ده احسن شكل بالنسبه لك تبقي متعايشه فيه. علشان تحسي بنفس الاحساس حاولي تشوفي حاجه تكون صعبه شويه زي تعلم لغه جديده وصعبه وخديها تحدي وخديها اشتغلي عليها فهتحسي انك واخده الجزء ده في حياتك وفي نفس الوقت كملي في طريقك اللي انت مكملاه تقبلي ان في جزء يكون مستقر وجزء ثاني يكون فيه التحدي مش لازم طول الوقت تكون الشكل كله.
تم النشر الجمعة، ٢٣ أغسطس ٢٠٢٤
ع فكرة إنتى جميلة جدا وقوية وطموحة يمكن بس مش بتلاقي حد يشجعك بس هى فترة إحباط عادية خالص اى حد بيمر بيها وهتعدى يمكن بس عشمك لما بيزيد فى حاجة ومتحصلش بتحسي إنك مش قدها بس دا طبيعى ياما ناس فشلوا كتير بس حاولو أكتر وميأسوش انتى كمان حاولى تانى وخدى الموضوع إنه عادى وإنى لو ما نجحتش المرة دي هنجح المرة الجاية وإنى مش هستسلم أبدا كمان ممكن تقوى مهاراتك وتشتغل حاجة تانية جنب شغلك ممكن تعملى لنفسك مشروع خاص بيكى
تم النشر الجمعة، ٢٣ أغسطس ٢٠٢٤
من تسجيلاتك ووصف المشكلة أعتقد أنك حتى الآن لم تعثري على ما يناسبك ويكون قادر على استخراج طاقتك. لو أخذنا مثالًا للشرح موضوع الماجستير، صحيح لم تتوفقي لكن لو كان هذا شغفك لما كنتِ استسلمتِ، بل كنتِ حاولتِ مجددًا حتى تصلي لهدفك. في الطبيعي بالنسبة للعمل أنا لا أفضل استخدام مصطلح شغف، بل أميل وأرجح كلمة مسؤولية، رجل مسؤول عليه أن يعمل ويكد ولا ينتظر قصة الشغف. لا نقول يرمي بنفسه للتهلكة لكن لن يكون لديه رفاهية الاختيارات الكثيرة. أنا بالنسبة لكِ ولأنكِ تعملين بشكل حر، ضعي في البداية سببًا أصلًا يدعوكِ للخروج من البيت، هل هو التعود على الخروج وليس العائد المادي؟ لو كان الأمر كذلك أنصحك بالانضمام لجمعيات خيرية مثل رسالة وصناع الحياة ومرسال وغيرها. لو كان العائد المادي ذو قيمة بالنسبة لك، فأنصحك بوضع معايير للعمل الذي تودين الالتحاق به، مثلًا: عمل بدون اختلاط عمل معتمد على الإبداع والفن عمل بعيد عن المجهود البدني عمل قريب من البيت عمل تكونين فيه قادرة على أداء صلواتك. إلخ وبعد ذلك انتقلي لخطوة البحث عن أعمال تتوافر فيها هذه المعايير، وحتى لو نقص معيار منهم انظري مدى قدرتك على التأقلم في هذا العمل.
تم النشر الجمعة، ٢٣ أغسطس ٢٠٢٤
أول حاجة، شجاعتك في إنك تعترفي بمشاعرك وتفتحى قلبك ده بجد خطوة مهمة جدًا. مش سهلة حد يحس بالتشتيت الفكري وخصوصًا بعد مرحلة كليه كان عندك شغف وحماس فيها. أنا بشوف إنك قمت بمجهود كبير وواجهت مصاعب كتير، بس جاي أقولك إن ده طبيعي. كلنا بنمر بمرحلة عدم اليقين والتشتت بعد التخرج، والضغط للبحث عن شغل أو تحديد هدف. رجعي لذاتي في شغفك: حاولي تفتكري إيه الحاجات اللي كنتِ بتحبيها في الكلية وإيه الحاجات اللي كنتِ بتحسي إنها تنور حياتك. هل في مواضيع معينة تثير اهتمامك لدرجة إنك تقضي وقت طويل في التفكير فيها أو البحث عنها؟ تجربة حاجات جديدة: جربي تتعاملي مع مواضيع جديدة أو مجالات مختلفة، حتى لو مش مرتبطة مباشرة بشهادتك. يمكن تكتشفي شغف جديد، أو تعرفي حاجات كانت بعيدة عن تفكيرك. خطوات صغيرة: حاولي تعملي خطوات بسيطة نحو أهداف جديدة. مثلاً، لو مهتمة تخدي كورسات في مجالي الفنون أو التخطيط للأفراح، سجلي فيها، أو جربي تنظيم حدث صغير كنوع من التدريب. الخطوات الصغيرة بس هي اللي هتساعدك. التواصل والتوجيه: حاولي تتواصلي مع محترفين في المجالات اللي بتفكري فيها. يمكن ينصحوكي، ويوجهوك عن أفضل طرق للتقدم في المجال اللي تحبيه. الراحة وتأمل: خدي وقت لنفسك. التأمل أو ممارسة الرياضة ممكن يساعدوك في تصفية ذهنك وتحسين مزاجك. أخيرًا، تذكري إن الحياة مش دايمًا بتكون خطية. ممكن يكون في لفات ومنحنيات، لكن المهم إنك تعبري عن نفسك وتبحثي عن ما يسعدك. وأنتي قويّة تقدر تلاقي طريقك.
تم النشر الخميس، ٢٢ أغسطس ٢٠٢٤
ربنا يفك كربك ويحل كل مشاكلك اتمنى انك تواظبي على الصلاة وتدعي ربنا تستغفري كتير بجد دي أجمل حاجة وربنا ييسرلك امورك❤️❤️❤️
تم النشر الجمعة، ٢٣ أغسطس ٢٠٢٤
لعرض السؤال في فدني اضغط هنا