حاسه انى تايهة متلغبطة جامد اوى لدرجه انى بقيت اكلم نفسى كأنى شخصيتين فبعض بعد اكلم ورد وافكر انا وشخصيه إلى فدماغى مش عارفة اعمل اى وبقيت بنسى حجات بسرعه ممكن اكون لسه عملها وانسى ومش باكل حجات كتير ملغبطة
اول حاجه لازم تعرفي أن دا طبيعي يحصل معاكي كل فترة لأننا بشر وبنتعرض لحجات كتير مشاكل حجات يتضايق مواقف فرح حزن كل دا بيخلي ف الآخر يحصلك تشتت تحسي انك تايه بس الفكرة بقي انك تطلعي نفسك من كل دا ازاي لازم طبعا يبقي عندك هدف ف حياتك سواء شغل أو بتدرسي أو قاعدة ف البيت كل دول عندهم هدف بس كل هدف مختلف عن التاني ف لازم تعرفي هدفك بعد كدة تيجي ليومك عامل ازاي اول حاجة تبتديها الانتظام ف الصلاة بمواعيدها يعني اول ما يأذن تتوضي وتصلي يجي بعد كدة تهتمي باكلك وتهتمي بلبسك ونظافتك الشخصية كل دول حجات أساسية لابد منها ويتحسن كتير اوي ف المود تيجي بعد كدة للورد اليومي تخصصيلك وقت تقرأي فيه قرآن مش لازم كمية معينة كبيرة أو صغيرة بس ابدأي واحده واحده متكتريش اوي علشان متتعببش وتلاقي نفسك كسلتي المهم تيجي بعد كدة لهدفك تشوفي هتحققيه ازاي بس والموضوع كلوا انك تحبي نفسك وتفهميها وتبقي حنينه عليها علشان كتر جلد الذات وحش وبيهد وربنا يريح بالك ويكرمك
تم النشر الاثنين، ١ يوليو ٢٠٢٤
شكرا لحضرتك علي المشاركة هل من الطبيعي اني اتكلم مع نفسي اه جدا مع اختلاف المسميات بقي الضمير او العقل الباطن او أنا ونفسي ممكن تكون افكار باخد وادي مع نفسي فيها وهكذا امتي اقلق ان تكون معطلاني عن ممارسة حياتي والأدوار اللي بأديها علاقتي بربنا وبنفسي وبأسرتي والدوائر الأبعد او تكون كلها سلبية وهدامة لنفسي او تكون مؤذية لنفسي او لغيري طيب لو كانت حاجة من دول خلاص كده اكيد لأ كده المفروض استشير معالج اوأخصائي واتابع ولو لزم الامر يوجّهك لطبيب نفسي اما النسيان فله اسباب كثيرة جدا منها الضغوطات التغذية الغير صحية عدم انتظام النوم مواقف مؤلمة مرت عرض لأمور اخري عدم تركيز كثرة مشتتات فممكن نعمل استبعاد للامور دي ونشوف مع نفسنا ايه اقدر اعمله مع نفسي
تم النشر الاثنين، ١ يوليو ٢٠٢٤
السلام عليكم ورحمه الله اسأل الله لكي العافيه الإنسان ليتحدث مع نفسه معظم الوقت. ✴️هنا محتاجه تمارسين مهاره التأمل و المهاره دي عباره عن التركيز في اللحظه الحاليه علي مخلوقات الله او اي شئ امامك و تشوفي لو الحاجه دي مش موجوده كنتي بتعملي ايه ؟ و لو موجوده بتستفادي منها ازاي و هكذا حتي يتوقف التفكير المفرط لديكي. ✴️ بتنسي اللي لسه عملاه حالا بسبب تركيزك في الفيلم اللي شغال في رأسك، دماغك شغاله بشكل كبير و مبتخديش بالك باللي بتحطيه او بتشليه، بتمارسي الشئ و انتي دماغك مشغوله ف الدماغ مبتلحقش تسجل الفعل بتاعك في الذاكره علشان تسترجعه تاني عند اللزوم. 🔹 و علشان كدا محتاجه مهاره التأمل و لما تحطي حاجه ركزي كويس و انتي بتحطيها علشان تعرفي تسترجعيها تاني. تحياتي💐💐
تم النشر الجمعة، ٢٨ يونيو ٢٠٢٤
عادي عادي كلنا كدا م تخليش بس الموضوع ياخد جزء من حياتك وتفكيرك ويتأثر عليكي ممكن بتعملي كدا تسليه او بسبب إنك ساعات بتحسي انك مش لايقه لحد تتكلمي معاه ولوحدك وكل متيجي تتكلمي مع نفسك اعملي أي حاجه تانيه اشغلي نفسك بيها مثلا اتفرجي علي حاجه روحي كلي وقفي الي بتعمليه علي طول معلي متتعودي وممكن افكار كتير متلغبطه حاولي تفضفضي لحد ومتسيبيش نفسك لمامتك مثلا او صحابك ولو معندكيش اكتبي اكتبي كتير اتكلمي مع نفسك بس فالكتابه او حاولي تلاقي صحاب من مدرسه دروس شغل نادي
تم النشر الجمعة، ٢٨ يونيو ٢٠٢٤
أولا لازم نحدد أهدافنا في جدول زمني قصير المدى وطويل المدى ،، ثانيا ممكن يكون في مشكله صحية نعمل تحاليل صورة دم ممكن يكون نقص هيموجلوبين أو دي ونشرب ميه كافيه ،، ثالثاً ممكن نكتب روايات أدبية والحوار الداخلي ده يكون قصص قصيرة ،، وفي حالة إحساسك بتعطيل أدوار حياتك اطلبي مساعدة متخصص تحياتي لكي
تم النشر الجمعة، ٢٨ يونيو ٢٠٢٤
افهمك والله، الموضوع ده بجد مش سهل، بس خليني اقولك إنه عادي نحس بالحيرة والتشتت في أوقات معينة من حياتنا. ممكن يكون عندك ضغط كبير أو حاجة معينة مضغوطاك ومش قادرة تلاقي حل. في البداية، جربي الخطوات دي: حاولي تنظمي وقتك وتعملي جدول يومي. الجانب الروتيني ممكن يساعدك تلاقي نوع من الاستقرار. خدي وقتك للاسترخاء واستمري في ممارسة النشاطات اللي بتحبيها. ما تترددي تشاركي مشاعرك مع حد قريب منك، سواء كان صديق، فرد من العيلة، أو حتى شخص محترف زي معالج نفسي. موضوع الأكل والنسيان ممكن يكون بسبب الإجهاض والتوتر. أكدي إنك تاكلى أكل صحي وتتأكدي إنك بتنامي كويس. لو ملاحظات إن الموضوع بيزيد سوء أو مش قادره تلاقي تحسن، فكرة كويسة جدًا تكون إنك تستشيري متخصص نفسي يساعدك تنظمي أفكارك وتلاقي طريقة أفضل للتعامل مع الضغط. أنا هنا لو محتاجة أي دعم أو نصيحة تانية، اعتبري نفسك بين أهلك وصحابك. 🌸
تم النشر الخميس، ٢٧ يونيو ٢٠٢٤
لعرض السؤال في فدني اضغط هنا