السلام عليكم
عايزة احكي باختصار مشكلتي مع بابا
هو انسان قاسي بس بيحبنا وبيصرف علينا وكل حاجة بس مشكلتي انه قسي عليا جدا وحاجات كتير كنت ببقى عايزة أخرج رحلات ومكنش بيرضى ومرة ضربني ضرب جامد جدا
الفكرة اني مسامحة علي كل ده بس مش قادرة اتكلم معاه ابدا
لساني كأني خرسة يا دوب لو طلب حاجة بنفذها.
انا بحبه بصراحة ومسامحة ونفسي أتكلم معاه أو اعرف ايه سبب المشكلة، انا بطبيعتي اجتماعية جدا ولكن بقالي أكثر من ست سنين مبتكلمش معاه خالص ومش قادرة نهائي ونفسي اروح عند دكتور نفسي وأتعالج بس بصراحة مش هقدر ادفع ده كله من معايا لأني مش هقدر اقولهم اني رايحة اتعالج وكدا
وأخواتي نفس الكلام بالظبط مبيكلموهوش لكن لو طلب حاجة بنفذها على طول انا خايفة من ربنا اوي ونفسي اكلمه فيدوني
وعليكم السلام تقدرى تختارى طريقة الكتابه او الفويس وتقولى كل اللى جواكى وتبعتيه لبابا عشان يعرف اللى جواكى ويمكن يساعدك هو ويقرب منك
تم النشر السبت، ٢٨ ديسمبر ٢٠٢٤
طب ما تجربي تتكلمي معاه انتي واخواتك مع بعض مثلا تختاروا وقت مناسب و تجمعوا بعض وتقولوله احنا جايين نقعد معاك شوية يا بابا ونفضفض لبعض ونقرب من بعض أكتر ، أوحتى تحاولوا تعملوا ده بشكل غير مباشر بإنكم تخططوا لتجمع أسري ووقت ممتع مثلا تعملوله أكله حلوة وأجواء لطيفة وتقعدوا كلكم تتفرجوا ع حاجة مسلية أو تلعبوا لعبة وبعدها تبدأوا تتكلموا مع بعض شوية وتدردشوا وتقولوه فاكر يا بابا اليوم الفلاني والموقف الفلاني لما حصل كذا يومها احنا زعلنا منك اوي مع اننا عارفين انك بتحبنا وبتخاف علينا وتبتدوا تكسروا الحاجز و تعبروا عن مشاعركم ويسمعلكم وتسمعوله وتوصلوا لحل واتفاق مشترك انكم هتسعوا الفترة الجاية تخلوا علاقتكم ببعض أحسن وتحاولوا إن ماحدش يزعل التاني قدر الامكان وقد ايه ده هيفرق معاكم .. الدعم اللي هتاخديه من اخواتك هيشجعك ويخليكي تقدري تتكلمي وسطهم لما تحسي ان مافيش حاجة تخافي منها وكلهم حواليكي وياسلام لو تقعدي القاعدة دي معاهم ف الأول وتتفقوا مع بعض انكم تفتحوا قلوبكم لباباكم وتحاولوا تقربوا منه وتقربوه منكم وتتعاونوا ع كده وكل واحد يشجع التاني.. وصدقيني أهلك هما أهم ناس ف حياتك واخواتك أكتر حد ممكن يدعمك ويكون جنبك فالأوقات الصعبة تتسندي عليه و هيقفوا جنبك لما يكون عندك مشكلة مع أي فرد تاني من الأُسرة وهيساهموا ف الصُلح ده غير ان الموضوع هيكون بينكم ومش هيخرج برة البيت بالشكل ودي أهم حاجة ولمصلحتكم
تم النشر السبت، ٢٨ ديسمبر ٢٠٢٤
وعليكم السلام ورحمة الله وبركاته، أختي العزيزة، أشعر بعمق مشاعرك وأعاني جراء ما تمرين به. العلاقات الأسرية قد تكون معقدة وصعبة في بعض الأحيان، خاصة عندما يتم التعامل مع القسوة والعنف. من الجيد أنك تعبرين عن مشاعرك وتفكرين في الحلول. إذا كان والدك إنسانًا يحبكم ويود لكم الخير، قد يكون هناك أسباب متعددة تجعل سلوكه قاسيًا. لذا، من المهم أن تحاولي فهم تلك الأسباب قبل اتخاذ أي إجراء. لكن تذكري، لا يجب أن تقبلي بأي نوع من سوء المعاملة، فكل إنسان يستحق الاحترام والأمان. للحديث مع والدك، يمكنك البدء بخطوات بسيطة. قد تحاولين أن تجدي لحظة مناسبة حيث يكون هادئًا، وعبري عن مشاعرك بشكل هادئ ومؤدب. يمكنك أن تقولي له إنك تشعرين بالألم بسبب بعض تصرفاته وكيف يؤثر ذلك على علاقتكما. قد يفهم ذلك ويدفعه للتفكير. إذا كان الأمر يسبب لك توترًا كبيرًا، فإنه من الجيد أن تفكري في زيارة مختص نفسي. أحيانًا قد يبدو الأمر مكلفًا، لكن هناك خدمات مجانية أو رخيصة من خلال المؤسسات الاجتماعية في كثير من الدول. فأنت تستحقين الدعم من أجل صحتك النفسية. أخيرًا، تذكري أن الله دائمًا معنا، فتوجهي إليه بالدعاء فسيعينك على تخطي هذه الصعوبات. لا تترددي في التواصل مع الآخرين ممن يمكنهم مساعدتك. أنا هنا من أجلك إذا أردت دعمًا إضافيًا.
تم النشر الجمعة، ٢٧ ديسمبر ٢٠٢٤
حبيبتي بصي مهما باباكى او مامتك كانوا قاسين بس عمرهم ما هيكرهوكى طيب انتى خليكى لو حصلتلك حاجه هتلاقيهم هيموتوا معاكى صدقينى مفيش حد بيكره أولاده هما بس دايما بيحاولوا يعبروا بخوفهم بقساوة شويه بس هما في الأول والآخر خايفين علينا عادى صارحيه واتكلمى معاه حتى لو متقبلش كلامك وفضل يزعق صدقينى بعد ما هتسبيه وتمشي هو هيقعد مع نفسه ويفكر ويراجع نفسه ويحاول يتغير اكيد ده ابوكى ربنا في القرآن بيقول طعهم لو كانوا كافرين ربنا يهديهم يارب جميعا
تم النشر الجمعة، ٢٧ ديسمبر ٢٠٢٤
بيضربك ليه اصلا سببه ايه الضرب، لانه تصرف غير انساني، وسنك قد ايه
تم النشر السبت، ٢٨ ديسمبر ٢٠٢٤
حبيبتي اللي المفروض تتأكدي منه انك اهلك عمرهم ما يكرهوكي هو بس مش عارف يتعامل معاكي بالطريقه الصح أو اللي انتي حباها، حاولي تتكلمي انتي معاه بهدوء وتكسبي محبته اكتر واكيد هيتغير للاحسن أو تقولي لمامتك تتكلم معاه طالما أنتي مش عارفه تتكلمي معاه مباشره
تم النشر السبت، ٢٨ ديسمبر ٢٠٢٤
اتكلمت مع حد قريب منه وفهمه الموضوع وبعدين انا اتكلمت بس انا مكنش في ايه حاجه معايا هو كان بيزعقلى بس
تم النشر السبت، ٢٨ ديسمبر ٢٠٢٤
معلش ممكن تقوليلي اتصالحتو ازاي
تم النشر الجمعة، ٢٧ ديسمبر ٢٠٢٤
حاولى اول مره هتكون صعبه انا كنت كده بس دى الحياة ولازم نتصارح عشان منندمش بعد كده خليكى قويه واتكلمى
تم النشر الجمعة، ٢٧ ديسمبر ٢٠٢٤
وهو هيفرح اوي اصلا لو اتكلمت وكذا مرة يقعد يكلم فيا بس انا مش قادرة اتكلم ببقي نفسي اتكلم واضحك بس كأن لسني بيتشل مش عارفة اعمل ايه بجد تعبت والله
تم النشر الجمعة، ٢٧ ديسمبر ٢٠٢٤
الفكرة اني عايزة اعمل كدا وهو فعلا بيخاف عليا جدا انا كنت عاملة عملية وكل شوية يدخل يطمن عليا ويغطيني وواقف جنبي بصراحة بس انا مش قادرة اكلمه انا عايزة جدا بس مش قادرة 😭
تم النشر الجمعة، ٢٧ ديسمبر ٢٠٢٤
لعرض السؤال في فدني اضغط هنا