انا شاب ف تانيه ثانوي وخلاص يعني تانيه هتعدي بسرعه وتالته جايه ومن اني شايف اللي بيحصل ف النتايج بتاعت الثانويه السنين اللي فاتت خايف من اللي جاي وخايف اضيع تعب اهلي ومش عارف اتخطي الخوف دا...
ثانيا انا بقيت عايش لوحدي ف حلم اني احقق اللي بتمناه .. اه زي اي شاب بخرج مع صحابي بهزر وكدا بس ف نفس الوقت برضو بعاني اني حاسس بوحده وان اتحولت من شخص بيحب يحكي ويتكلم ل شخص كتوم ... انا ببقي عاوز حد مشاركني واقوله احلامي ويشجعني ويشاركني طريقي بس بقيت اخاف من اني ادمر حياة حد لان اتقالي كدا ف باجي عل نفسي ومش عارف اعمل ايه...!
اولا اي نتائج بتظهر فيه منها الحلو وفيه منها الوحش؟ ف انت ليه رابط نفسك بالسئ !! مع انك قادر تشوف الجانب الكويس من الموضوع. أي نتيجة احنا ملناش يد فيها، احنا فقط علينا الاجتهاد والسعي، وثق في ربنا انه مش هيضيع تعبك مهما كانت الظروف. بالنسبة لوحدتك وصحابك .. هل انت حاسس بالوحده علشان علشان مبتقش تحكي زي الاول لحد؟ وبسبب اللي اتقالك ؟ وانت ازاي هدمر حياة حد علشان عايز تتكلم؟ ممكن توضحلي الجزء ده؟ وتذكر الموقف اللي حصل بالظبط؟
تم النشر الأحد، ١٧ سبتمبر ٢٠٢٣
لو عملت اللي عليك مش هتخاف أنت مش موضح سبب الخوف إيه لو أنت مقصر فاجتهد لو مجتهد وملتزم وبرده خايف فده وهم لا معنى له .. لا تضع عوائق لنفسك ولا تضع احتمالات للفشل ولا تتوقعه فكل ما هو متوقع آت .. تفائلوا بالخير تجدوه ثانيا النجاح في الحياة لا يتعلق بدرجة الثانوية العامة .. ده وهم موجود في مصر فقط النجاح يعتمد على السواء النفسي والاجتهاد في العمل مهما كانت شهادتك ستشق طريقك إذا كانت عندك الإرادة
تم النشر الأحد، ١٧ سبتمبر ٢٠٢٣
لو شخص عمل اللّي عليه وربنا قدرلو إنه يدخل حاجةة تانِيةة غير اللّي بيتمناها ده بيكون اختيار ربنا لِيه ولازم نفهم ان ده بيكون أحسن لينا بس إنت إعمل اللي علِيك والنتيجة عند ربنـا واللّي عنده مِش بيضيع أبدا.
تم النشر السبت، ١٦ سبتمبر ٢٠٢٣
اديك جاوبت بنفسك على نفسك ... الي انت كاتبه ده سببه الفراغ عشان دي أفكار وهميه لسببين الأول انك لسه في تانيه مش تالته والسبب التاني الي مركز في حاجه هو عايزها مش هيبقا فاضي يقول أنا وحداني والثانويه هتضيع حلمي الي هو أساسا لسه مجاش وقته ... بعيدا عن كل ده هرجع اقولك تفاءل وركز وسيبك من أفكار بعد منتصف الليل دي ... بالتوفيق يا صديقي
تم النشر السبت، ١٦ سبتمبر ٢٠٢٣
لا يعم عادي ولا يهمك ... انا حاليا مستني اذان الفجر يأذن وقاعد بشوف المشكلات اللي ع التطبيق
تم النشر السبت، ١٦ سبتمبر ٢٠٢٣
باشا ألووو فين المشكله ... خايف ليه وليه مفكرتش انك بالفعل قدها وحققت الي انت عايزه ..تفاءل يا صديقي واعمل الي عليك بس ... بالنسبه لموضوع الوحده دا شعور بتحس بيه لمجرد فتره وكلنا بيجيلنا نفس الإحساس .. الوحده وانك تبقى شخص كتوم دا شيء كويس مش وحش ومش هتكون حاجه وحشه الا لو حولتها لحاجة تأذيك سواء نفسيا او اجتماعيا ... عزيزي الدنيا ايزي ..فكر في نفسك مصلحتك مستقبلك وادي كل حاجه حقها .. وبالتوفيق
تم النشر السبت، ١٦ سبتمبر ٢٠٢٣
الحمد لله بأدي كل الفرائض وان شاءالله ربنا يتقبل
تم النشر السبت، ١٦ سبتمبر ٢٠٢٣
مهو المشكله عندي اني لسه ف تانيه وخايف منا قصدي دا .. غير كدا ي صديقي بس اي مشكله ف فكري هنا لمجرد اني اشوف اجابات الأكبر مني وتفكيرهم عشان اتعلم من دا واتعلم من افكار الأكبر مني لأنها دايما افيد وافيد من اي حد قدي او اصغر بس دا اللي انا عاوزه يكون لدي أصحاب دكاتره وناس كويسه كبار عشان اتشجع ابقا زيهم وينصحوني لان اللي من سنك مش هيتمنالك الخير ... بس وشكرا ي باشا عل نصايحك ♥️
تم النشر السبت، ١٦ سبتمبر ٢٠٢٣
اولا شكرا ي غالي وتسلم .. بس انا بتكلم ف ان نتايج الثانويه بتروح ف داهيه بس فيه ناس مستواها عالي جدا وف الآخر نتايجهم ف السبعينات تمنينات بس دا اللي بتكلم فيه ودا مش مخوفني انا بس دا مخوف تقريبا الناس كلها
تم النشر السبت، ١٦ سبتمبر ٢٠٢٣
نصيحه اخي كن دائما قريب من الله
تم النشر السبت، ١٦ سبتمبر ٢٠٢٣
لا عادي مش مهمه تسليه وقت فراغ لحد ما الاذان يأذن وبعديها ان شاءالله اشوف ورايا ايه
تم النشر السبت، ١٦ سبتمبر ٢٠٢٣
يعني مش بتعمل حاجه مهمه
تم النشر السبت، ١٦ سبتمبر ٢٠٢٣
انت دلوقتي حالا سهران بتعمل ايه؟ ..معلش ع السؤال
تم النشر السبت، ١٦ سبتمبر ٢٠٢٣
اتفضل ي باشا
تم النشر السبت، ١٦ سبتمبر ٢٠٢٣
طب أسالك سؤال وتجاوبني بس بحق ربنا
تم النشر السبت، ١٦ سبتمبر ٢٠٢٣
لعرض السؤال في فدني اضغط هنا