إجابة علي السؤال: لدي وسواس في كل شئ حولي، وهذا يدمرني نفسيا!

كتبتى مشكلة طويلة عريضة ومحاولات للخروج منها بدراسة عقيدة وفقة وما إلى ذلك وولا مرة فكرتي إنك مريضة ؟! وفعلا معاناتك دي مش هينهيها تعلمك عن علم معين ولا قراءة الأدلة ولا أى حاجة من دي وحتى لو كانت مقنعة لكل الناس هتيجى عندك وعقلك هيرفض يصدقها ليه؟ لإنه للاسف فى مشكلة حقيقية محتاجة لعلاج من طبيب نفسي هي دي الحالة الوحيدة اللى هتخلي حياتك تتغير وتتحسن شوية وع فكرة انا حاسة انه مش مجرد وسواس قهرى لا ده احتمال معاه حاجة تانية جايز تبقى بارانويا .. متتردديش إنك تزوري طبيب نفسي واهلك اكيد لاحظوا عليكي ده والمفروض يكون فى دافع من اهل البيت بردو لانك ممكن متصدقيش إنك محتاجة علاج ولا تصدقى الدكتور لو روحتي وقالك عندك مشكلة بس الحاجة اللى هتحسي فيها بتحسن ولو بسيط مع الاستمرار هو العلاج ..اعتبريني بكدب عليكى عادي بس التجربة مش هتخسرك حاجة بالعكس مش يمكن تكسبك؟ مش يمكن كدبي عليكي ده يريح عقلك شوية ؟ .. ربنا يعينك ويقويكى وتبقى كويسة وزى الفل يارب .

إجابة من رنا ..

تم النشر الثلاثاء، ٢٣ أبريل ٢٠٢٤

6 تعليق

موجود عنده فى العيادة دكاتره تحت اشرافه بنات لو ده افضل ليكى وضحى ده وانتى بتحجزى ع الواتس اب ...واه هو شخص ثقه ومعروف