احساسك بالذنب ده مؤشر كويس انت من جواك رافض العلاقه الحرام دي بس ده مش كفايه انت بتدور علي مبررات وتعلق ده علي شماعه ان في حاجات ناقصاك في طرق كتير لحل المشكله دي غير انك تدخل في علاقه محرمه استعين بالله وربنا هيساعدك ويفك تعلقك بيها كل انسان ليه رصيد من الستر لو استنفذه خلاص كل شئ هيتعرف وساعتها خسارتك هتكون كبيره والندم مش هيفيد تخيل الخساير اللي ممكن تحصل وقتها اكتبها وشوفها قدامك هتقدر تتجاوزها وتتحملها لاي درجه الموضوع محتاج منك حسم وقرار توب لربنا وادعي يساعدك ويعينك ويثبتك وارجع لمراتك واتكلم معاها بصراحه قولها احتياجاتك وان عدم استجابتها ممكن يوصلك لحلول تانيه زي انك تتجوز هي في النهايه مشغوله ببنتكوا ويهمها بيتها واستقراره اتكلم معاها وشوفوا طريقه للحل وابعد عن مداخل الشيطان اللي في النهايه هتوصلك لخساره بيتك ربنا يعينك ويصرفك عن الحرام ويباركلك في زوجتك وبيتك
تم النشر الأحد، ١٥ أكتوبر ٢٠٢٣
اقطع العلاقةة المُحرمةة نتَ بنِي آدم وعادي اننا نغلط بس نرجع تانِي صدقني مش هتتعب لو سبتها قد التعب اللي هيلازمَك طول حياتَك ونتَ مع مراتَك فكر فيها حضرتك ولا ترضاها على البنوتةة الصُغيرة ولا ترضها على زوجتَك كلمها تانِي وعرفها احتيجاتَك الله يصلح الحال وكمل ستر ربنـا عليك كل حد فينا لِية رصِيد من الستر إرجع تانِي ونتَ ضميرك مرتاح انك مبتعملش ذنب ومش ظالِم حد، صدقني هيكون احساس مؤذي لمراتَك لو عرفِت هه وعادي ممكن انتَ تعمل الحجات اللي هتبسطك تشجعها فاهم اقعد معاها وافصلو عن البنوتةة واتكلم معاها تانِي بس كده ربنـا يصلحلكُم الحـال 🤲🏻
تم النشر السبت، ١٤ أكتوبر ٢٠٢٣
بص قبل ما تاخد قرار تندم عليه باقي عمرك ...شوف انت عايز انهي حياة وانهي واحدة .. ومش بقولك تقارن بينهم لان ماينفعش اقولك الفيل اكبر ولا النخلة اطول.... مفيش مجال للمقارنة.... انت شايف نفسك مع مين... هتحقق ذاتك مع مين... تشعر بالرضا مع مين.... ولو مراتك خلاص هتبقي مقتنع وهتحبها زي ماهي مش هتبقي عايز تغير فيها حاجة... هتروحوا بس لاستشاري علاقات زواجية وهو هيخلي اهتمامتكم تتقابل .... ويعدل في اولويات كل واحد فيكم.... اما لو شايف انها التانية... يبقي متظلمش مراتك وبنتك ونفسك ...مهما حاولت مش هتعرف تسعدهم لانك بتظلم نفسك قبلهم.... وربنا معاك ويهديك للصالح
تم النشر الاثنين، ١٦ أكتوبر ٢٠٢٣
العلاقة ديه مش هتكون نهايتها في الاخر كويسة ولا ليك ولا حتى لبيتك .. وافتكر ان عندك بنت. لو زوجتك مش قادرة تتفاهم احتياجاتك .. حاول تكلمها مرة واتنين وتلاته، ولو خلاص الموضوع مش قادر تفتحه معاها تاني، الزواج الثاني هيكون افضل لك من أنك تكون في علاقة محرمة. ف حاول حتى بعد ما تقولها وتكلمها بالهدوء، قولها انك محتاج كده انك تتزوج للمرة التانيه لانها مش قادرة تقدر احتياجاتك. وممكن في الحالة ديه تخاف وممكن لا. القرار في ايدك. ولكن القرار اللي عليك تعمله مهما كانت اي حاجه في حياتك مش كويسة انك تبتعد عن اي علاقة محرمة وربنا مش راضي عنها.
تم النشر الأحد، ١٥ أكتوبر ٢٠٢٣
حل مشكلتك هو الحسم! إن كنت ترى أن لديك شعور بنقص ما عند زوجتك الأولى ولا سبيل لأن توفره لك وأنك بحاجة لزوجة ثانية تعوضك عن هذا النقص وكان لديك الاستعداد للزواج الثاني من غير أن تدمر زواجك الأول وكان لديك القدرة على العدل .. فاحسم أمرك وتوكل على الله إذا كنت ترى أن الزواج الثاني هو إنقاذ للزواج الأول! وإن كانت الإجابة لا فاحسم أمرك أيضا واقطع هذه العلاقة الآثمة مرة واحدة واقطع الأمل عن المرأة الأخرى التي زُينت في نفسك بسبب طول علاقتك بها - (واعلموا أن الله يحول بين المرء وقلبه وأنه إليه تحشرون)
تم النشر السبت، ١٤ أكتوبر ٢٠٢٣
انت اكتر واحد تقدر تفيد نفسك هتقدر تعمل بيت تاني يشغلك عن بنتك ومراتك ولا مش هقدر وإذا كان من وجهة نظرك انك هتقدر فياريت تفكر فيها كويس وصح وتفكر أن الست اللي مهتمه بيك اوي دي لو مكانش عنها نقص مكانتش هتعالجه لاانها تتقرب من راجل معجوم وعنده بنت لو اتقاىنت بيها في يوم من الايام لازم هتخسسر مع الاسف امفيش مخلوق هيقدر يفيدك في الموضوع دا قدك
تم النشر السبت، ٢١ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة انت ماشاءالله شاب مسئول متزوج واب لبنوته وأكيد بتراعي ربنا وعارف الحلال من الحرام وفاهم بتعمل ايه كويس بتقر بضعفك الانساني وبتديله مبرر من وجهة نظرك محتاج تطلع بإيه من المشاركة ؟ ايه هدفك ؟
تم النشر الأحد، ١٥ أكتوبر ٢٠٢٣
بس هل ربنا هيفضل بيسترك كتير ؟ ، دلوقتي أنت بتظلم الطرفين ، بتظلم مراتك أم بنتك وبتخونها ، وبتظلم بنت تانية ، ليه مجربتش تحب مراتك الأول تغير شكل حياتك شوية تهتم بيها عشان هي كمان تهتم بيك ، ليه أول حاجة فكرت فيها هو إنك تشوف حد تاني أسهل من إنك تحاول تصلح علاقتك بمراتك أم بنتك
تم النشر السبت، ١٤ أكتوبر ٢٠٢٣
لعرض السؤال في فدني اضغط هنا