السلام عليكم ورحمة الله
انا بنت وحيدة ع صبيان مكنش ليا اخت قعدت لعند تالته اعدادي معنديش صحاب بروح المدرسة لوحدي وبرجع لوحدي بروح الدروس لوحدي وبرجع برضو لوحدي وكانوا اخواتي أكبر مني بكتير مكنش حد فيهم قريب مني ابدا حتى امي كبيره ف السن ف بحس انها بعيده عني وصعب تفهمني ف كنت محتاجه اخت او صديقة تكون جمبي احكيلها عني ولما اكون زعلانه اجري عليها كنت محتاجه ده جدا لحد ما اتعرفت علي صديقة ونا في آخر تالته اعدادي
المهم اتعلقت بيها تعلق مرضى وهيا استغلت ده كانت بتهملني وتتجاهلني وبتعاملني بتقل ومعامله اللي واثقه من مكانتها وعارفه اني مش هقدر ابعد ولا استغني عنها ف كانت دايما خنقاتنا ع الاهمال وانها بقت باردة معايا رغم حبي الشديد ليها واهتمامي بيها
كنت بحس فعلا انها بتذلني وعملت معايا مواقف وحشة وصعبة بالنسبة ليا وحزنت كتير واتخذلت منها رغم اني مكنتش برضو قادرة ابعد عنها وكنت بستحملها وبعديلها كتير عشان معنديش غيرها
قعدت سنين ادعي اني انساها وطلبت كتير من ربنا ان يرزقني برجل صالح اتخطبتله ويدخل حياتي يشغلني عنها ومعنتش احتاجها ف حياتي ابدا تاني واعاملها المعامله اللي تستحقها فعلا كنت بدعي كتير وبعيط لربنا انه يشغلني عنها ف اللي حصل انها هيا اللي اتخطبت واتجوزت وحامل دلوقتي وقربت تولد
غصب عني بس حاسه بظلم وحاسة اني بحقد عليها وبكرهها وحاسة بسخط جوايا ان انا يارب اللي كنت محتاجه انشغل عنها وانساها هيا اللي تتخطب وتتجوز وتنشغل وافضل انا ع حالي بفكر فيها وبحقد عليها
هل احساسي ده طبيعي ولا مينفعش احس بكده بس فعلا غصب عني مش عارفه اتخلص من الاحساس ده ابدا
السلام عليكم اهلا بيكي من رحمه ربي جعل الحياه لا تتوقف علي أحد ، و لذلك عليكي الاهتمام بتكوين صداقات جديده ، و اتساع الدائرة الاجتماعيه لكي. و الانشغال بأمور تفيدك أكثر من أمور تجلب لكي الاحزان ، و لذلك اذا كنتي بلا اعمل ابحثي عن عمل ، اخرجي و كوني صداقات هتلاقي أن في اصدقاء رائعين هتلاقي احداث كثيره بيومك هتخليكي تعطي صديقتك قدرها المستحق .. اما انتي الان تفعلين هذا لان ليس لديك اصدقاء غيرها . و دعاء المسلم مستجاب اما أن يحقق الله لكي الدعوه ، او يبدلك خيرا منها ، او يدخرها لكي في الاخره . تحياتي
تم النشر الأحد، ١٩ مايو ٢٠٢٤
أولاً، نصيحتي ليكي إنك تتنفسي عميق وتحاولي تهدي نفسك. الشعور ده طبيعي جداً، ومش عيب تحسي بالاحتقاد تجاه صديقة كانت معاملتها مش عادلة معاكي. بس علشان هي اتجوزت ميبقاش لازم تحسي بالحقد حتى لو كنتي عايزه تكوني في مكانها. حاولي تغيري طريقة تفكيرك وتركزي على نفسك وعلى بناء حياتك بدل ما تفكري فيها. المهم إنك تركزي على تطوير نفسك وتحقيق أهدافك الشخصية. دعوة الله دايمًا مسماعة، فلا تنسي أن تطلبي منه أن يساعدك على تخطي هذه المشاعر السلبية وأن يملا قلبك بالسعادة والسلام.
تم النشر السبت، ١٨ مايو ٢٠٢٤
المشكلة مش فى انها تنشغل ولا انتى تنشغلى انتى متعلقه بيها وده اللى هيمنعك تتحركى اى حركه فى حياتك ان كانت هى صح ولا غلط ..سيبك من كل ده وعيشى مع الواقع ان حياتك اصبحت بدون الشخصيه دى وطالما تعلقك انتى مرضى يبقى المشكله عندك مش عندها احاسيسك كلها من افكارك الغلط ..ربنا يعطى من يشاء بلاش تخسرى رحمة ربنا بيكى بانك تبصى لغيرك فى اللى اخده وكأنك الوحيده اللى تستحقى
تم النشر الأربعاء، ٢٢ مايو ٢٠٢٤
لعرض السؤال في فدني اضغط هنا