ازاي اكون ناجحه فى حياتى ؟
السلام عليكم ورحمه الله اهلا بيكي اولا عليكي أن تعرفي ايه مفهوم النجاح بالنسبالك ؟ هل النجاح يكمن في انك تكوني اسره سعيده ؟ ولا تشتغلي في منصب عالي ؟ ولا تنجحي في مشروع بتحلمي بيه؟ ولا ولا ولا . فالنجاح متعدد و مختلف من شخص للآخر. و لكن فيه قواعد للنجاح 1️⃣ أولهم الاستمرارية هي اللي بتخليكي توصلي. 2️⃣القراءه الكثيره حول الشئ اللي بتحبيه و تجربي تنفذي و تطبقي. 3️⃣يكون عندك مرونه في المواقف مش كل مره هتمشي زي ما انتي عاوزه تقبلي الاختلاف و حاولي تاني دا من أسباب النجاح. 4️⃣تجنبي التسويف: التسويف مدمر لاي خطه تطوير ف تخلصي منه. 5️⃣ حطي جدول للمهام المطلوب تنفيذها. 6️⃣ كافئ نفسك عند إنجاز المهام المطلوبه. و ربنا يوفقك. تحياتي لكي💐
تم النشر الاثنين، ١٠ يونيو ٢٠٢٤
والله اول حاجه اقول لك أن انتي تقربي من ربنا وثاني حاجه شوفي انت بتحبي ايه وركزي فيها للنيه دي بعد كده هتكون شغلك وان انت هتقدري تعملي وهتمسلي فيها الجهد اكثر منها ابحاث او تنفذي شغل امكانيات واسعه وكده حاولي تلمي نفسك فيه وكورسات لغه وما الى ذلك بالاضافه الى بر الوالدين عمرك ما تاخدي خطوه لقدام الا بعد ما تشوريهم في اي امر والله الكلام ده حصل معايا وبالتالي انا بنقله لك بالتوفيق
تم النشر السبت، ٨ يونيو ٢٠٢٤
معنى النجاح يختلف من شخص لآخر... شخص يرى نجاحه في أن يتفوق دراسيًا وآخر يرى نجاحه في أن يكون غنيًا وأخرى ترى نجاحها في امتلاك وظيفة واستقلال مادي وغيرها ترى نجاحها في بناء أسرة رائعة ومتحابة. النجاح قد يكون في العلاقات الاجتماعية أو في الصحة أو حتى في مجرد السلام النفسي. ما مقياس النجاح لديكِ أولًا؟ ما الصورة التي لو حققتِها في حياتكِ ستعتبرين أنّكِ نجحتِ؟ حددي معنى النجاح لديكِ ومعياره وبعدها سيكون سهلا تحديد الطريق لتحقيقه.
تم النشر السبت، ٨ يونيو ٢٠٢٤
حتي تكوني ناجحه اولا ابحثي بداخلك عن اكتر شيء تحبيه وعندك استعداد تتطوري فيه وتستمري ولابد ان يكون له عائد مادي . بعد تحديد الهدف بدقه ،لابد ان تخططي له كيف تحققيه ، عن طريق خطوات مدروسه وايضاً تتسم بالمرونة . ويكون لديك خطط طويله الأجل وقصيره الأجل وانت تسعي في طريقك . والمهم الاستمرارية نحو الهدف بخطوات منتظمه ومستمره . والاهم الدعاء بالتوفيق يكون اساس في طريقك للنجاح ، وابتعدي في طريقك عن المحبطين والأشخاص السلبيه .
تم النشر الثلاثاء، ١١ يونيو ٢٠٢٤
عشان تكوني ناجحة في حياتك، لازم تركزي على مجموعة من الحاجات اللي هتساعدك توصلِ لهدفك: حددي أهدافك : اول حاجة، حطي اهداف واضحة ومحددة لنفسك. لازم تعرفِ انتِ عاوزة توصلِ لفين وعاوزة تعملي ايه. اعملي خطة : ما ينفعش الأهداف تفضل مجرد أفكار في دماغك. لازم تعملي خطة واضحة بخطوات عملية علشان تحققيها. تطوير ذاتك : دايما اشتغلي على تطوير مهاراتك ومعرفتك. قدمي في دورات تدريبية، اقرئي كتب، واتعلمي حاجات جديدة تفيدك في مجال اهتمامك. المرونة : الدنيا مش دايماً بتمشي على مزاجنا، فكوني مرنة وجاهزة تتعاملي مع التحديات والعقبات اللي بتواجهك. إدارة الوقت : نظمي وقتك كويس، وحددي أولوياتك. دا هيساعدك تنجزي أكتر في وقت أقل. اعتني بصحتك : اهتمي بصحتك الجسدية والنفسية. الأكل الصحي، التمرينات، والنوم الكافي كلهم بيساعدوا على تحسين أدائك. تحلي بالصبر والإيجابية : النجاح مش بيجي في يوم وليلة. خدي وقتك وكوني صبورة، واحتفظي بإيجابيتك مهما كانت الظروف. فكري في كل دول وطبقيهم وإن شاء الله هتشوفي تغيير إيجابي في حياتك. أنا واثقة إنك قدها وهتنجحي. 💪👏
تم النشر السبت، ٨ يونيو ٢٠٢٤
لعرض السؤال في فدني اضغط هنا