انا بكل بساطة مرهق جدا.....مرهق جدا من حياتي...مرهق جسديا وذهنيا وروحيا....حاسس ان حياتي بتطفي كل حاجة جوايا....حاسس مع الوقت هبقب عامل زي اللمبة المحروقة وسط الضلمة...انا جوايا مواهب كتير ...بس حياتي عماله تدفنها يوم بعد يوم لحد مقربت افقد كل مواهبي....انا رسام ومصمم جرافيك ثري دي .وبكتب قصص وروايات وباحث كمان..لكن طبعا بشتغل شغل تاني خالص نظرا لظروف الحياة ولازم استحمله نظرا لاني راجل في رقبته مسؤوليات كتير لازم يكون قدها ...اوك انا عارف ان هي دي سنة الحياة...بس كل حكاية زعلان ان كل مواهبي عمالة تطفي وتختفي من كتر انشغالي في الحياة بضغوطاتها....زي مبيوقولو انا شمعة تحترق من اجل الاخرين...ولكن تلك الشمعة قاربت على الانتهاء.....
ايه يمنعك انك تمارس هواياتك وتحول مواهبك لعمل كمان وانت بتمارس شغلك الطبيعي انت تقدر تعمل الاتنين انت بس محتاج تتعلم اداره الوقت ومحتاج تغير تفكيرك الفكره السلبيه نكد وتعاسه والايجابيه سعاده وانجاز شوفها من منظور مختلف غير الشمعه اللي بتتحرق انت قيمك ايه مسئوليه الاهتمام بالاسره حماية نفسك واسرتك من الاحتياج للاخرين يبقي اللي بتعمله ده انت محتاجه قبل الاخرين لو خدت كورس او قريت وسمعت فيديوهات عن اداره الوقت والتخطيط ووضع الاهداف هيفرق معاك كتير
تم النشر الأربعاء، ٢٠ ديسمبر ٢٠٢٣
انت ستظل انت ...بكل مميزاتك ومواهبك مهما مر عليها من الوقت ستظل ملكك هى فقط تكون مثل الكنز المدفون لاستخراجه فى الوقت المناسب اعلم ان الامر اصبح اكثر صعوبة فى الظروف الحاليه ..لكن موهبتك الكبرى هى التى تتجلى فى مسئوليتك وتصرفك تجاه اولادك وبيتك وتركيزك على الخطى التى توفر لهم الاستقرار المادى . تحمل الفترة الحالية لان حتى من يعمل فى مجال تتجلى فيه موهبته يشعر بنفس الشعور ...لان الضغط الناتج من صعوبة تغطية المتطلبات هو السبب الاساسى فى هذا الشعور بالاحتراق وعموما انت تحتاج لشىء تشحن به طاقتك النفسية ابحث عن ابسط الاشياء حتى وان كان كوب من الشاى يجعلك تشعر بالاستمتاع
تم النشر الثلاثاء، ١٩ ديسمبر ٢٠٢٣
شكرًا لحضرتك على المشاركة تخيل حضرتك لو تقضي نصف ساعه فقط يوميا تمارس فيها ماتحب من مواهب نصف ساعة فقط ممكن يكون احساسك ايه بعدها؟؟
تم النشر الثلاثاء، ١٩ ديسمبر ٢٠٢٣
محتاج تاخد استراحه من كل حاجه و اعد مع نفسك و رتب افكارك و انتا عاوز تعمل ايه و شوف الأولوية عندك ايه
تم النشر الاثنين، ١٨ ديسمبر ٢٠٢٣
عادي انا اصلا دفنت عدة مواهب و لست نادما لان الضغوطات تغير الشخص و هاذا ماحصل لم اعد كما كنت
تم النشر الاثنين، ١٨ ديسمبر ٢٠٢٣
انت شمعة تحترق لأجل نفسك ومستقبلك ..
تم النشر الثلاثاء، ١٩ ديسمبر ٢٠٢٣
هو ده طريقك اللى ربنا اختارة ليك وربنا ديما بيختار الصالح لعبدة واسعى وطور من نفسك
تم النشر الثلاثاء، ١٩ ديسمبر ٢٠٢٣
خد إجازة من شغلك و افصل من كل حاجة و اخرج لوحدك مكان انت بتحبه و رتب افكارك بمعني جرب تقسم وقتك بين ال بتحبه و ال هيبقي مصدر دخل ليك و اسعي و إن شاء الله ربنا مش هيضيع نتيجة سعيك و هتلاقي شغل ف الحاجة ال بتحبها . الإنسان بيجيله وقت و بيشوف الدنيا كلها سودة بس فوق نفسك و رتب افكارك و اسعي هترجع اقوي بإذن الله ربنا يوفقك
تم النشر الاثنين، ١٨ ديسمبر ٢٠٢٣
لعرض السؤال في فدني اضغط هنا