انا 19 سنة وكنت تالتة ثانوى وللأسف بعيد السنة بس تعبى السنة اللى فاتت والمذاكرة اللى ذاكرتها والمجموع اللى شوفته فالنتيجة خلونى فقدت الشغف فالمذاكرة وفالحياة
ودايما اهلى بيعايرونى بانى فاشلة وانى سقط وانى مليش اى لازمة فالحياة برغم انى طوال سنين تعليمى متفوقة ومن الاوائل
عمات تظلمات فالمواد بس لقيت ان دى الدرجة اللى استحقها برغم انى معنديش اخطاء كتيرة فالامتحان واتحطمت تفسيا بسبب اتهامى فشرفى وعرضى قدام كل الناس من والدى وانه اتهمنى الاتهامات دى وقالى مكنتش بذاكر واكلم شباب واعمل علاقات معاهم واقابلهم وحاجات مخلة للأداب
للعلم انا مختمرة وحافظة قرءان وملتزمة بس اتجرحت من الكلام والنظرة اللى شوفتها فعيون الناس لما سمعو كلام والدى ليا
عايزة حل انى اتعافى من الثانوية وتعبها واقدر اتخطى الاكتئاب والحالة النفسية واعيد بناء نفسى من جديد
ابتلاء صعب ...بس اكيد قدراتك تتحمله ربنا عارف انك قد ده ....اصبرى اولا ...احتسبي ثانيا انوى انك تجتهدى وتسعى فى المذاكرة وبعدها تتوكلى وسلمى امر النتيجة لربنا...هو اقدر على ارضاءك بالنتيجة كما رضيتي بالابتلاء. هو اقدر على رد حقك ....بدون سعى منك...فقط التزمى قول حسبي الله لا اله الا هو عليه توكلت وهو رب العرش العظيم المذاكرة اوجديلها هدف انك تنجحى قدام نفسك وتستكملى نجاحك وتفوقك العادى....عشان متبقاش الحفره بتاعت وقت التعب كملت بيكى لتحت ...انتى تقدرى ترجعى للخط بتاعك عادى ..لان ده انتى ...مش بتحاولى توصلى لحاجة متعرفيهاش. ونوعد نفسنا اهم حاجة اننا هنرضي بالنتيجة مهما كانت . واطلبي مساعدة متخصص لو حبيتى وانا اول حد بقولك انا موجوده عشانك وقت ما تقررى .
تم النشر الجمعة، ٢٣ ديسمبر ٢٠٢٢
الفرصه اودامك كبيره انا بتمني كنت عيدت السنه منجحتش عشان التنسيق نازل اقدر اجيب كليه كويسه بمجموع قليل متيأسيش وتضيعي السنه
تم النشر السبت، ٢٤ ديسمبر ٢٠٢٢
الثانوية العامة مش الحياة مفيش حاجة اخر الدنيا، احنا بنفتكر ديما أن الحاجه اللي احنا فيها هي الآخر، بس بتبقى ديما بداية لحاجه تانية جديدة. الثانوية العامة ما هي إلا مرحلة من مراحل حياتك فقط. حاليا انتي عارفه أن فيه شركات كتير مش بيهمها الشهادات ولا اي حاجه، بيهمها مهارات الشخص ده، يعني هو بيعرف يعمل ايه .. وبيشتغل بالمعارضة بتاعته. جوجل أعلنت من حوالي ٣ أو ٤ سنيين أن فيه ١٥ شركة عالمية مش بتعترف بالشهادات الجامعية في العمل، ولكن بتعترف بالمهارات اللي بيعرف يعملها الشخص. العالم اتغير ولسه بيتغير. انا عارفه أنه يكاد صعب عليكي جدا اللي قاله والدك اكتر من وجع الثانوية العامة اصلا. اللي عمله ملوش تفسير قدامي حاليا غير أنه ممكن يكون بيستفزك علشان تذاكري، أو هي ديه قناعته الشخصية أنه طالما حد مجابش مجموع يبقى بيعمل كذا وكذا. الحقيقه معرفش تفكير والدك بالظبط ممكن يكون بيفكر ازاي؟ ولكن، مش مهم ع الأقل هو بيفكر ازاي، على اد ما مهم انتي حاليا. انتي اللي محتاجة تكوني كويسة، تجنبي الاحتكاك بيهم، فكري في نفسك ومذاكرتك، مش معنى اني قولتلك أن مهم الشهادات أنك تهملي، لأ أنا بس كنت بفهمك جزء عن الثانوية العامة فقط. ولكن مفيش شك أبدا أنك لازم تتعلمي، اتعلمي من أجل العلم، مش من أجل الشهادة، جددي نيتك. في الشئ اللي بتعمليه. الموضوع محتاج منك انك تعرفي أن لازم تفوقي لنفسك علشان نفسك، اثبتي لنفسك أنك هتقدري تعدي الامتحان ده، علشان احلامك ومستقبلك. مش علشان حد تاني. اتمنى لكي كل التوفيق
تم النشر الجمعة، ٢٣ ديسمبر ٢٠٢٢
خلاص حاجه وعدت ومافيش في ايدك حاجه تعمليها غير انك تجتهدي في اللي جاي ويمكن سبحان الله ربنا يكرمك في السنه دي ماحدش عارف الخير فين يمكن يبقي كده احسنلك وبالنسبه لباباكي هو اكيد بس من زعله قال كلام مش يقصده فماتزعليش نفسك وانتبهي للي جاي وان شاء الله ربنا هيكرمك وهيعوضك خير بس انتي قولي يااااااااارب
تم النشر السبت، ١٤ يناير ٢٠٢٣
لعرض السؤال في فدني اضغط هنا