بنتي متعبة جدا وبتضيع وقتها بشكل مبالغ فيه علشان متذكرش وللاسف درجتها بقت سيئة جدا
فيما تنصحون
طيب هى كانت ايه مستواها فى ابتدائى ؟ وهل هى فى نفس المدرسة ولا غيرتها فى اعدادى ؟ وايه الطريقة اللى كانت بتذاكر بيها اصلا ؟
تم النشر الثلاثاء، ٢٧ فبراير ٢٠٢٤
بداية سنها قد ايه؟ لإن طريقه التعامل هتختلف لو هي طفله أو في سن المراهقه في حاله انها طفله لازم تفهمي منها ليه بتضيع وقت ومش عايزه تذاكر ممكن يكون عندها سبب زي قله التركيز أو انها بتزهق وبتحس بملل وقت المذاكرة أو عندها صعوبة في التعلم ولما تعرفي السبب حاولي تعالجيه إخلقيلها جو مناسب للمذاكره زي مكان هادي ومريح في القعده والكتابة ومفيش حاجه تشتتها حواليه .. الكتب والالوان و الورق اللي هتذاكر فيه يكون جاهز قدامها يكون في جدول وفي فترات راحه تكون عارفه إنها هتخلص الجزئية دي وهتقوم تاكل مثلا او ترتاح وترجع تكمل حاولي تحفزيها بإنك تحطيلها أهداف سهله في المذاكره يعني تقدر تعملها زي مثلا انها لو ذاكرت درس في ماده او حفظت صفحه أو كتبت الواجب دا هتكافئيها بكذا .. بلاش تحفزيها بحاجات صعبه او بعيده زي لو جبتي اخر السنه مجموع كذا هعملك كذا لان دا هدف بعيد ودماغها مش هتستوعب انها عشان تحققه محتاجه تذاكر كل يوم او ايه الخطوات ممكن تجربي تستعملي معاها المذاكره بالألعاب او الالعاب التعليميه يعني شجعيها إنها تسألك كتير طول وقت المذاكره وخليكي صبورة في الإجابات مهما حسيتي انها بتكرر السؤال مثلا امدحيها على تعبها بعد ما تخلص حتى لو شايفه انها معملتش مجهود كبير يستحق وخليكي قدوة ليها ووصليلها ان التعليم مهم جدا و اقري قدامها كتب او وريها إنك كمان بتحبي المذاكره مش تقوليلها مثلا ذاكري وتقعدي إنتِ قدام التلفزيون
تم النشر الثلاثاء، ٢٧ فبراير ٢٠٢٤
بصي حضرتك محددتيش سنها ف انا متوقعه انها صغيرة.. الاطفال وهما صغيرين اهم حاجه عندهم اللعب حتي لو فضلتي تقنعيها وتفهميها ان الدراسه مهمه مش هتسمعك ـ عشان في الاول والاخر طفله ـ حولي تسيسيها وتقوللها مثلا لو خلصتي كذا ـ مذاكرة مثلا ـ هخليكي تلعبي باقي اليوم وهكذا يعني
تم النشر الأربعاء، ٢٨ فبراير ٢٠٢٤
لعرض السؤال في فدني اضغط هنا