حاسة انى بقيت خايفة من فكرة الضغوط النفسية او انه اتعب زيادة انا مضايقة اوى والمذاكرة ضغطانى بغباء ومش قادرة اخد خطوة وابدأ مع انى مقتنعة وعارفة كل وسائل التشجيع وانا داخلة المجال وانا حباه اصلا بس مش عارفه، حاسة انى عايزة اعيط، حاسة انه الكل بيعانى مش انا لوحدى كل ما ابص على حياة حد بزعل عشانه، شوفت اخر فيديو لبلوجر اسمه نديم بهاء وبحب محتواه حد بيهزر وكدة لكن نزل فيديو النهاردة وعنده مشكلة في النطق حرفيا قلبى وجعنى عليه، مش لاقيه حد اتكلم معاه فبتكلم هنا، الاوڤر ثينكينج واخد كل حياتى، حاسة انى تقيلة على اى حد او انه محدش عنده طاقة يسمع اصلا وانا بصيح كتير، مش عارفة اقول ايه بس حاسة انى كارهة شخصيتى من غير سبب واضح ، خايفة افضل عايشة حاسة انه هتحصل حاجة تدمر حياتى او دايما بتخيل انى هفقد حد غالى عليا حقيقى عايزة اعيط بمجرد التفكير، دماغى فيها حاجات كتير عايزة اوقفهاا
هى فكرة واحده اللى عامله فى حياتك كده انك متخيله ان فى مرحلة هى اللى صعبه...او فكرة عنق الزجاجة اللى بعدها الدنيا هتبقي الطف . الحقيقة هى الفكرة دى لازم تتنسف ونتعامل مع الحياة ونتقبل انها عامله زى تخطيط ريم القلب كده ..الحياة تفضل تطلع لفوق وتحلو وترجع تنزل لتحت ويحصل ازمه ...ونتحسن ونكمل لفوق ...وهكذا . رسم القلب لو ثبت على خط واحد ده معناه الموت ....فالتغيرات والعثرات والنجاحات ...دى كلها علامات الحياه الطبيعية... فتعاملى مع الحياه بطبيعتها دون التخيل انه يمكنك تجنب حدوث الازمات .. بالعكس تقابليها بيقين انها فتره وهتنتقلى بعدها للاحسن عشان هى دى الحياة
تم النشر الجمعة، ٢٦ مايو ٢٠٢٣
بس التشجيع في الحقيقة مش كفاية لحل أي مشكلة .. لازم المشاكل تتحل من جذورها انا حاسه انك مدخله نفسك في مشاكل العالم ومصره انك تضايقي نفسك، مع ان الموضوع ممكن يكون اسهل من كده شوية لو حليناه. ممكن تحكي وتسردي اكتر ايه هي الضغوطات او التراكمات بالظبط!
تم النشر الأربعاء، ٢٤ مايو ٢٠٢٣
ياريت
تم النشر الخميس، ٢٥ مايو ٢٠٢٣
طيب ممكن ابعتلك كتب تساعدك تطلعى من المرحله دى بس لازم تتفائل شويه كده وتجمد 💪
تم النشر الخميس، ٢٥ مايو ٢٠٢٣
كلنا بتيجى علينا اوقات بنفكر كده بس خلى يقينك بالله قوى وكل ماتضعفى او تيأسي افتكرى حلمك اللى عايزه تحققيه وأهلك اللى عايزه تسعدهم ❤️
تم النشر الأربعاء، ٢٤ مايو ٢٠٢٣
مش بايدي انى افكر او لا بجد
تم النشر الأربعاء، ٢٤ مايو ٢٠٢٣
الحياة دى مش مستاهله الهم ده كلوا صدقينى 🌸 حاولى تركزى فى اى حاجه بتحبيها وافصلى من الدنيا شويه
تم النشر الأربعاء، ٢٤ مايو ٢٠٢٣
مبقتش عايزة احقق حاجة مبقتش فارقة اصلا
تم النشر الأربعاء، ٢٤ مايو ٢٠٢٣
لعرض السؤال في فدني اضغط هنا