السلام عليكم ورحمة الله وبركاته
ازاي ارجع شغفي لشغلي؟
انا مدرسة والسنة اللي فاتت كان عندي شغف وطاقة كبيرة اوي للشغل ودخلت دخل كويس جدا الحمد لله وساعدت في حاجات كتير في احتياجات البيت وكنت بتمني طول الوقت ازود شغلي واتشهر واتعرف دايما وكنت بسعي لدا علطول
السنادي معنديش اي طاقة ولا اي حافز اني اشتغل واطور من نفسي لدجة ساعات بيكون عندي حصص وبعتذر منها لمجرد الكسل يعني مفيش اي سبب حرفيا ودا طبعا بيأخر حسابي مع الطلاب ومعتش بستحمل اي حاجة منهم يعني الي بيضايقني بقوله معتش تيجي ومعدش عندي طاقة لاي حاجه
ومش بيجيب معايا نتيجة اني احاول اجدد طاقتي وشغفي وكل دا مش عارفة اعمل ايه خصوصا اني شاطرة وكانت الاعداد بتزيد عندي حاليا لا
وحاليا معتش بدخل فلوس كويسة ف بالتالي لما بحتاج حاجة باخد من اهلي وازعل من نفسي وافضل اقول لا لازم اشد حيلي واكون احسن
وفعلا يكون عندي طاقة يادوب يومين وارجع تاني
ودا بجد مش الطبيعي بتاعي انا دايما شغوفة وبحب شغلي جدا بس معرفش دا بسبب اي
مرحبًا، شكرًا لمشاركتكِ مشكلتكِ معنا وأرجو أن تجدي في الردود ما يعيد لكِ الرغبة في الإنجاز من جديد. ربما ما حدث معكِ هو أنّكِ بذلتِ الكثير من الطاقة في العام الماضي وتعرضت لما يعرف بالاحتراق الوظيفي وما يحدث معكِ الآن رد فعل من عقلكِ وجسدكِ لأنهما يرغبان في الراحة. خذي وقتكِ ولا تقسي على نفسكِ وحاولي تجديد طاقتكِ بنشاطات أخرى مثل القراءة والاسترخاء والخروج في نزهات وغيرها من وسائل إزالة التوتر. أيضًا من المهم أن تعرفي أن الشغف ليس هو العامل المركزي الذي يجب أن نعتمد عليه لأنه يتأثر بالمزاج... هو فقط يعرفنا على الشيء الذي نحب ونرغب في النجاح فيه ويعطينا الرغبة في البدء والطاقة للبداية لكن بعدها يأتي دور الاستمرارية والالتزام. من دونهما لن تتمسكي بأي هدف مهما كانت درجة رغبتك وشغفك به. إن شاء الله تتجاوزي هذه الفترة من الانطفاء وتسترجعي طاقتكِ ونجاحكِ من جديد. بالتوفيق.
تم النشر الخميس، ١١ يوليو ٢٠٢٤
شكرا ليكي علي المشاركة🌷 حياتنا كلها بمافيها عامله زي رسم القلب زي الزجزاج كده طالع ونازل فساعات كتير بيطلع الرسم لفوق وبعدها هبوط جامد ولكن مايطمئننا انه بعد الهبوط له صعود مره أخري الشغف ده الزقة الاولي انك تنجزي امر معين ولكن الاستمرار فيه بيتطلب إلزام والتزام اني الزم نفسي بهدف محدد وزي ماذكرتي مثلا دخل زيادة وشهرة علي نطاق أوسع والالتزام بأداء مايوصلني للهدف ده حتي ولو امر بسيط ولكن باستمرار ولكن من اهم الحاجات اللي بتحفز ع الاستمرار هوا أخذ هدنة استراحة محارب او اجازه افضل خالص بيها واعمل فيها حاجة بحبها لنفسي بعيدا عن الشغل خالص عشان ما نوصل لحالة من الاحتراق النفسي زي ماحصل كده
تم النشر الثلاثاء، ٩ يوليو ٢٠٢٤
اقرائي القران وخاصه ايات العين والجسد واكثري من صلاه قيام الليل
تم النشر الأربعاء، ١٠ يوليو ٢٠٢٤
وعليكم السلام ورحمة الله وبركاته. بدايةً، حابة أقولك إني فهمة تمامًا شغفك وحبك لشغلك وقد إيه الموضوع ده مؤثر بالنسبة لك. المدة اللي بتمري فيها دي ممكن يكون لها أسباب كتير، وحشان تساعد نفسك، جربي النصائح دي: خدي وقت راحة: يمكن تكوني محتاجة شوية وقت ترتاحي فيه. جربي تأخدي إجازة قصيرة تسترجعي فيها طاقتك وتجديد شغفك. قيمي وقتك وجهودك: أحيانا بنشتغل كتير لدرجة بنحرق نفسنا. شوفي هل بتركزي طاقتك في الأمور الصحيحة؟ يعني، ممكن تعملي جدول تحددي فيه مهامك وتدي وقت كافي للراحة والأنشطة اللي بتحبيها. تحدثي مع أحد: جربي تحكي مع حد من زملائك في الشغل أو أصحابك المقربين. يمكن عندهم نصايح أو تجارب مشابهه مروا بيها، وده ممكن يساعدك تشوفي الموضوع من زاوية تانية. تحديد الأهداف: حددي لنفسك أهداف صغيرة ونطاق زمني لتحقيقها. النجاح في الأهداف الصغيرة ده ممكن يديك دافع تكمل وتتقدمي. ممارسة الأنشطة اللي بتحبيها: حاولي تدي وقت لنفسك تعملي الحاجات اللي بتحبيها وبتحسسك بالسعادة، سواء كانت قرائة، ممارسة رياضة، أو حتى التنزه. التدريب والتطوير: شوفي إذا كان ممكن تشتركي في دورات تدريبية جديدة أو تتعلمي حاجة جديدة تخص شغلك. دا ممكن يجدد شغفك وتلاقي نفسك متحمسة تتعلمي وتطبقي الجديد. الابتعاد عن السلبية: حاولي تبتعدي عن أي مصدر للشعور السلبي وحاولي تركزي على الإيجابيات في حياتك الحالية. التغييرات دي مش هتحصل بين يوم وليلة، خددي وقتك، وإنتِ وحدك اللي تقدري تحددي الخطوات الصغيرة اللي توصلك للشعور بالشغف والطاقة من جديد. اتاكدي، دايمًا فيه فترة من حياتنا بنمر فيها بشيء صعب ونحتاج وقت وتخطيط للتغلب عليه. أنا فدايمًا هنا لو حبيتي تشاركي أي شيء أو تسألي عن حاجة تانية. موفقه يارب.
تم النشر الاثنين، ٨ يوليو ٢٠٢٤
ثانيا. جربى تاخدى كورسات و تخرجى شويه حتى لو هتتمشى على الكورنيش
تم النشر الثلاثاء، ٩ يوليو ٢٠٢٤
اولا .. جربى الرياضه .. اى رياضه .. زى السباحه او الجرى او التنس .. بيحسن المود
تم النشر الثلاثاء، ٩ يوليو ٢٠٢٤
حددي هدفك من الشغل حددي هدف يحفزك
تم النشر الثلاثاء، ٩ يوليو ٢٠٢٤
لعرض السؤال في فدني اضغط هنا