أنا ارتبطت ببنت معايا في الكلية حوالي ٣ سنين كنا دائماً مع بعض و عمرنا ما فكرنا في البعد، بس كانت مشكلتي إني عصبي و هي محبتش ده و سابتني في الآخر بعد ما عملت حاجات كتير منها إني كنت بنام في الشارع علشان اتطمن عليها في مكان ما يعني و في الآخر سابتني عادي جداً و مكنش عندها اي مشكلة هل ده طبيعي هل الطبيعي إني افضل زعلان عليها اكتر من سنة و هي مش زعلانة عليا
هقولك كلام عن تجربه ،دائماً العلاقات الي بدأيتها لا ترضي الله نهايتها لن ترضيك ، ولو وسوس لك الشيطان أن غيرك سعيد بعلاقه محرمه فهو في فتنة عظيمه وهي الاستدراج ، ان الإنسان يحسب أنه مبسوط بمعصيه وربنا في الاخر يخليه يتحسر بسببها بشكل ما، لكن في الاول والآخر ارجع لله ولعله كان سبب وابتلاء من ربنا عشان ترجعله بعد ما تعرف أن كل حرام ليه سبب تحريم ولو كانت الأسباب لا يعلمها الا الله فلازم نثق أنها لخير لنا ، لو بصيت على الكبائر واسترسلت هتلاقي أن كلها مضره للنفس أو المجتمع أما لضرر صحي وجسدي ذي الخمر والوشوم او ضرر أخلاقي ونفسي ذي الكبر والكذب والغش أو ضرر مادي ذي الربا والقمار وغيرها من الأضرار ، على سبيل المثال ربنا حرم العلاقات بين الرجل والمرأة لأنها قد تؤدي إلى الزنا وان غلب على الشخص أنها مستحيل تصل لكدا فربنا قال لنا أن ده من خطوات الشيطان وأمرنا ألا نتبعها فقد تؤدي إلى زنا بالبصر أو الكلام المحرم أو غيره أو حتى الزنا الفعبي الي حرم لاختلاط الانساب وما فيه من شتات المجتمع ، ولو تمعنت هتلاقي أن العلاقات ذي الكلام و الاختلاط بين الجنسين بيسبب جروح نفسيه بسهوله لأن فيه طرف هيتعلق اكتر من الاخر وهيتجرح حتى ممكن التاني يتعمد ده ويستغل أن فيه شخص متعلق بيه اكتر منه ويطلع عقده على التاني ،على عكس علاقه الزواج اللي ربنا شرع فيها الموده و الرحمه بين الزوجين الي هتخلي كل واحد بيحاول يبقى أحن على التاني لأنه خلاص اختاره كشريك حياته مش هيعرف يخرج من حياته بسهوله حتى لو فيه مشاكل ف بتبقى علاقه قويه مفهاش لعب واستغلال، انصحك تبعد عن الطريق ده لان النفس تميل بسهوله للهوى والفتن وليس الأصلح ، لو حابب تدخل في علاقه دور على بنت تبقى كويسه أخلاقيا مش بنت انجذبت ليها لشكل أو لشخصيه وأهملت الباقي ، الاخلاق اولا ، دور على بنت لو حاولت تتكلم معاها تمنعك وده الاحسن ليك وتأمن عليها نفسك وبيتك في المستقبل بما انك شكلك شخص ينوي الزواج وليس علاقه للتسليه على حسب استنتاجي، ونصيحتي ليك وفر جهودك لأجل الله وأسعى لأرضاه ليس إرضاء عبد لأن ذي ما شوفت أن مهما عملت مفيش انسان هيفتكرلك تعبك ومحولاتك للتمسك ، لكن اسعى لله وخرج طاقتك في عبادته هيكرمك ويراضيك ويرزقك باللي احسن منها ودول مش كلمتين عشان أنا كنت بسمع الكلمتين دول ومصدقتش بس دول حقيقي عن تجربه انت هتتخطاها رغم ظنك انك مش هتقدر بس الحقيقه انك هتقدر بس الجأ لله وأسعى لرضاه هو فقط وهيرضيك
تم النشر الأحد، ٢٥ فبراير ٢٠٢٤
اللعنة دى من الجهد الكبير اللى انت كنت بتحطه فى العلاقة دى وكنت عايشها كأنها حياتك الاساسية كمان لو كنت بتحس انك محظوظ عشان هى حبتك وانها معاك ..فده يخليك تحس ان الحياه مش هتكون احسن من كده بدونها فانصحك تعيد النظر فى ثقتك بنفسك عشان اللعنه تبدأ تروح ان شاء الله
تم النشر السبت، ٢٤ فبراير ٢٠٢٤
الحزن بياخد وقته و يروح و مفيش حاجة بتبقى غير ردود فعل اللى حواليك .. مين اللى لما احتجت له وقف جنبك .. و مين لما زعلت اِهتمّ بزعلك و حاول كتير إنه يفرحك بكل الطُرق المُمكنة. و الغير مُمكنه .. و مين لما وقعت فى مُشكلة دور معاك على حلّها لحد ما لقيت الحل ، كل الابتلاءات مهما كانت صعبة بتعدّي و أغلبها بيكون عشان تعرف حبيبك الحقيقي من اللى عامل بيحبك؛ ربنا بيبتليك كتير دي محبَّة فيك عشان ينوّر بصيرتك و تشوف اللى حواليك صح ورغم كل الجهد الي اتقدم ف العلاقه بنسبه ليه عادي...
تم النشر الأحد، ٢٥ فبراير ٢٠٢٤
لا ترهق نفسك على إنسان ما مقدر قيمتك واي انسان ما يقدر مشاعرك الافضل ان تنساه فهو لا يستحق دقيقة تاخذها من وقتك في التفكير به، والخيرة فيما اختاره الله لك
تم النشر السبت، ٢٤ فبراير ٢٠٢٤
إحساسك بالزعل و الغضب دا طبيعي جدا و ممكن يستمر فتره طويله خاصة إن التجربة كانت مؤلمه بالنسبه ليك, وطبيعي كمان يكون عندك مشاعر ضيقه عشان البنت مظهرتش نفس المشاعر أو الإهتمام بعد الفتره اللي قضيتوها سوا .. كل شخص بيتعامل مع الإنفصال بطريقته المختلفه و مفيش وقت معين أقدر اقولك إنك بعده هتكون إتجاوزت لأن دا بيختلف من شخص للتاني.. حاول تتكلم عن مشاعرك مع صديق مقرب ليك او شخص من العيله .. إشغل نفسك وخلي يومك كله مشغول ومتسيبش وقت تفكر فيها وامشي على نمط حياه صحي زي انك تنزل الجيم وتلعب رياضه باستمرار و تنام كويس و تجنب العزلة خليك دايما مع صحابك وعيلتك واخرج ومتقعدش لوحدك .. دور على هوايات جديده او حاجات مهتم بيها وجرب تعملها , أو طور مهاراتك و خد كورسات في مجالك او هتفيدك وشغل عقلك بحاجات إيجابية ومتنساش إن إحساسك بالألم او الحزن بعد الإنفصال دا طبيعي جدا بس مع الوقت و رعايتك لنفسك هتحس بتحسن تدريجي وهتتجاوز التجربة دي وهتكون نسخه أحسن من نفسك وهتتعلم منها.
تم النشر السبت، ٢٤ فبراير ٢٠٢٤
الطبيعي أنك تزعل ، بس مش الطبيعي أنك توقف حياتك ، ركز علي حياتك و علي دلوقتي و تطور من نفسك وشوف انت كان فيك عيب ايه محتاج تغير منه و صلح من نفسك و متفضلش زعلان علي اللي حصل وفكر في دلوقتي واللي جاي احسن عشان تقدر تتغير وتكون احسن وربنا يعوضك خير
تم النشر السبت، ٢٤ فبراير ٢٠٢٤
بص اخي. هو الواحدة ايه. ةغير تلاقي شخص. حنون عليها. ايوه انت بتخاف عليها. بس هي كمان باصه أن هي بنت. يعني عايزة الحنيه والاحترام من شربك حياتها اللي هتختارو. مش واحد يقعد يبهدل فيها. هي اكيد خافت من الكبع ده فيك. فسيبها لما تهدي وترجع. وهي اكيد هتراجع نفسها أن انت بتخاف عليها. بس انت برضو حاول تبطل عصبيتك. عشان العصبيه بتفرق. أحبابك من جنبك. وان شاء الله كل الدعم اخي،✊
تم النشر السبت، ٢٤ فبراير ٢٠٢٤
انت بتزعل على نفسك او على الحاجات اللي كانت بينكم بس مش اكتر لاكن اى حد سابك لا ومش سبب من وجهه نظرى
تم النشر الأحد، ٢٥ فبراير ٢٠٢٤
لعرض السؤال في فدني اضغط هنا