انا زهقت من كتر مبقيت وحيده كن عندي اصحاب وكن عندي واحده منهم قريبه اوي وجه ففتره هي بعدت وتعبت انا بعدها كتير بس كنت ع تواصل بباقي صحابنا عادي وواحده واحده بدات اكتشف انهم منافقين وكل واحده فيهم متكلمه على التانيه وانا مش بقدر استحمل القرف ده غصب عني ببعد عن اي حد منافق وكداب فبعدت عنهم، بس من وقتها مش عارفه اعمل صحاب تانيه وبقيت لوحدي مفيش حد اتكلم معاه ويستحملني ويشجعني كمان انا اكبر اخواتي ومامتي عليها مسئوليات ربنا يعينها مش بحملها فوق طاقتها
بس انا تعبت نفسيا وكمان داخله 3 ث ونفسيتي مش احسن حاجه.
اوعي تقربي من اي حد يعملك حاجه حلوه وانتي متعرفيهوش كويس لكن قربتي منه لمجرد انك ارتحتيله وشكله طيب وغليان والكلام اللي بيجي ف بالنا كلنا ده .. الصحاب دول عشان يتقال عليهم أصحاب بجد لازم يبقو بيحبوك وبيخافو عليكي وعلي مصلحتك وعلي نفسيتك وعلي اي حاجه تخصك ومينفعش يسمعو حاجه وحشه عنك ويسكتو.. علشان كده مش اي حد تقربيه منك أو تقولي عنه صاحب .. ومتخليش وحدتك دلوقتي تخليكي تقربي لناس مش شبهك ومينفعش يبقو صحاب .. علغكره ممكن انتي تشجعي نفسك وتديها الحب اللي محتاجاه م الناس مش لازم حد يدهولك اتعلمي انتي تعملي ده فهماني
تم النشر الأربعاء، ٢ أغسطس ٢٠٢٣
من حقك طبعا تبتعدي عن اي حد حاسه انه مش مناسب ليكي، ولشخصيتك .. بس ليه من وقتها مش عارفه تعملي صحاب تانيين، هل مفيش صحبة حواليكي، ولا مفيش شخصيات انتي حباها؟ يعني ايه هي العوائق اللي بتمنعك من تكوين صحبة جديدة؟ هو طبعا تقدري تعملي صحاب، مش عارفه ده هيكون سامح ليكي بالوقت ولا لا .. بس ممكن تنزل مثلا انشطة تطوعية هتعملي علاقات وهتكسبي مهارات كويسة كمان. ممكن لو في هواية معينه بتحبيها وحابه تنميها ممكن تروحي وتعملي ده وممكن تلاقي زمايل ليكي مهتمين بنفس هوايتك ..
تم النشر الأربعاء، ٢ أغسطس ٢٠٢٣
دايما الأخ الكبير بيكون عليه مسؤوليات اكبر و الضغط النفسي بيكون اكبر بس دايما بنكون قدها و بسبب كده بنكبر و بنكون اقوى من غيرنا و مفيش حاجه تأثر فينا بصي يا ستي الصحاب اللي زي دول ميتزعلش منهم ولا عليهم و كمان انتي لسه صغيره و الدنيا قدامك و هاتعرفي صحاب كتير و هايكونوا كويسين زيك كده و خليكي فاهمه ان الصحاب بالمواقف مش بالوقت و اصبري حتى لبداية الدراسه عشان يحصل فرصه انك تتعرفي ع صحاب من جديد هتقابليهم ف المدرسه أو الدروس و اولا و اخيرا انتي زي الفل و ان شاء الله قد اي حاجه و مش محتاجه تشجيع من حد اصلا لأنك قد اي حاجه بجد
تم النشر الثلاثاء، ١ أغسطس ٢٠٢٣
وانا كمان
تم النشر الخميس، ٣ أغسطس ٢٠٢٣
لعرض السؤال في فدني اضغط هنا