عندي توأم ولدين اتولدو وزن ٢ كيلو وكيلو ونص الأقل دخل الحضانه بسبب ضيق التنفس دخل ١٠ ايام لما كبر بعاني من نقص الكالسيوم والحديد والانيميا وتأخر في المشي متأخر ف الكلام هو عمره دلوقتي سنه ونص مش بيتكلم كتير يجي يطلب حاجه ينزعج ولا يتكلم السؤال :هل هو محتاج جلسه تخاطب ولا دا طبيعي مع نقص الفيتامينات؟
واخاف اقول فعلا من نقص الفيتامين وهو يكون محتاج واندم بعد كدا ارجو الحل
السؤال الثاني هو مش بيركز كتير
كيلو ونص دا قليل جدا عن المعدل الطبيعي للطفل المولود، وضيق التنفس دا مؤشر مش كويس عامة فأنصح حضرتك تتطمني للاحتياط سواء إننا نروح لدكتور مختص نتطمن علشان نقص الفيتامينات إللي عنده أو علشان الكلام المفروض الطفل في عمر سنة ونص يكون بيقدر يقول من ١٠ ل ٢٠ كلمة ومنهم بابا وماما وإلى حد ما واضحين مش شرط واضحين جدا طبعا، بيكون بيعرف يشاور ويطلب بالاشارة ويكون بيعرف يقلد الاصوات او يكرر الكلمات إللي يسمعها من الأهل مش لازم كل دا يكون مثالي زينا بس يكون بيعرف ولو متاح في المكان اللي انتي فيه مركز فيه أخصائيين شاطرين روحي لهم وهما هيرشحولك دكتور كويس طبعا علشان التشيخصات ويعملوا له اختبارات لغة يشوفوا إذا كان عنده تأخر لغوى والتدخل المبكر دا حرفيا اهم حاجة طالما ملاحظة مشكلة ولحقتيها بدري بتقلل من وجود مشكلة لو موجودة واوقات بتشيل المشكلة خالص لو كبر وعنده المشكلة بنضطر كأخصائيين نعمل له برامج إعانة علشان تقلل من المشكلة فحضرتك ممكن تتطمني وإن شاء الله يكون طبيعي
تم النشر الجمعة، ٢٨ مارس ٢٠٢٥
السلام عليكم ورحمة الله وبركاته، إن تربية الأطفال، خاصة التوائم، تحمل تحديات كبيرة، وخاصة في حالة وجود مشاكل صحية. بالنسبة لما ذكرته عن ابنك، من المهم أولاً أن نكون واقعين ومأخوذين بعين الاعتبار أن الأطفال يمكن أن يتطوروا بمعدلات متفاوتة. النمو والتطور اللغوي : بالنسبة لقدرته على التحدث، فقد يكون تأخره في الكلام نتيجة لعوامل متعددة، بما في ذلك نقص الفيتامينات مثل الحديد والكالسيوم. من الممكن أن يكون احتياجه لجلسات التخاطب فكرة إيجابية، خاصة إذا كان يواجه صعوبة في التعبير عن احتياجاته. يمكنك استشارة أخصائي تخاطب للتقييم بشكل أفضل. نقص التركيز : إذا كان ابنك يعاني من قلة التركيز، فقد يكون من المفيد التحدث مع طبيب أطفال حول حالته. سيرشدك الطبيب إلى الفحوصات اللازمة لتحديد أي مشكلات محتملة قد تؤثر على قدرته على التركيز. في المجمل، التواصل مع متخصصين في هذا المجال سيساعدك كثيرًا في فهم ما يجري والأفضل لطفلك. لا تترددي في طلب المساعدة، فالصحة النفسية والعاطفية للأطفال مهمة جدًا، وكذلك صحتهم الجسدية. تذكري أن الصبر والدعم من أسرتك سيعطيان ابنك الفرصة للتطور والنمو بشكل صحي. أسأل الله أن يرزقك الحكمة والقدرة على تلبية احتياجات أبناءك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٢٦ مارس ٢٠٢٥
ابنك وزنه كان قليل وقت الولادة وعنده نقص كالسيوم وحديد، وده ممكن يكون سبب تأخير المشي والكلام. لو عنده سنة ونص ومبيتكلمش غير بالزن والإشارة، الأفضل تزور دكتور تخاطب عشان يقيم حالته. أما قلة التركيز، ممكن تكون من نقص الفيتامينات، لكن الأفضل استشارة دكتور أطفال أو أعصاب أطفال لو استمرت المشكلة. متقلقش، بس التحرك بدري أحسن
تم النشر الجمعة، ٢٨ مارس ٢٠٢٥
الافضل مراجعة الطبيب في تلك الحالات وخصوصاً طبيب تغذيه فهو قادر على الأجابة بعد فحص الطفل وعمل التحاليل الطبيه والتأكد من نسب الانيميا ونسأل الله أن يشفيه وبعد ذلك عليكي متابعته ومتابعة اكله ونسأل الله أن يشفيه ويشفي كل مريض اللهم امين.....
تم النشر الخميس، ٢٧ مارس ٢٠٢٥
على حسب مستوى التأخر اللغوي عنده هل بيصدر اي نوع من الأصوات ولا لا زي ماا بااا هل بيحاول يقلد كلامك ولا لا هل بيحاول يقول الحاجات اللي هو عايزها حتي لو بأصوات غير مفهومة ولا بيعتمد على الإشارة لو بيعمل الحاجات دي مفيش داعي للقلق بالنسبة لعمره لكن لو وصل سنتين ومفيش أي تقدم هتحتاج تقيم ابنك عند أخصائي تخاطب
تم النشر الاثنين، ٣١ مارس ٢٠٢٥
ممكن تسال مختص هو الى هيفيدك
تم النشر الأربعاء، ٢٦ مارس ٢٠٢٥
لعرض السؤال في فدني اضغط هنا