دايما بحاول اقرب من ربنا قدر المستطاع وبجاهد نفسي ومع العلم انا يعتبر البنت الوحيده على ولدين وامي اغلب الاوقات تعبانه وانا بقوم بالبيت كلو بس انا كل ما احاول اخرج تقولي انتي هتسبيني لوحدي مع العلم ان عيد ميلادي وافق السبت اللي فات وكان عندي امتحان تاني يوم م احتفلتش بيه ومحدش حتى افتكره ودا مسببلي وجع في نفسي اوووي ومع ضغوطات امي انا مش عارفه اكمل ازاي واتعامل ازاي دايما من كتر الوجع حاجه وقفالي في ظوري اول ما اهدي ارجع اتعصب تاني على اي حاجه بتحصل وبترجع تاني اتصرف ازاي عشان تعبت واتعامل مع امي ازاي بشكل ميغضبش ربنا وف نفس الوقت ميجيش على نفسيتي 😞😞😞💔
بصي يا جميله ربنا اصطفاك واختارك لخدمة والدتك وده اجره كبير جدا عند ربنا ومش اي حد ربنا بييسر له طريق الخير ده ..في كل بيت بتلاقي شخص واحد كده بيكون شايل اهله ومتحمل مشاكلهم وبيساعد وده بيكون من توفيق ربنا له واصطفاءه لعمل صالح قد يكون سبب نجاته في الاخره بس لازم تعرفي ان لنفسك عليك حقا....عشان تعرفي تواصلي وتكملي في عطائك وخدمتك لامك لازم نفسيتك تكون مرتاحه مش هيجرى حاجه لو قلت لمامتك ساعه واحده وراجعه ان شاء الله وتحاولي متتأخريش و وانت راجعه تجيبيلها معاك اي حاجه بتحبها حتى لو حاجه رمزيه حتى لو وردة اي حاجه .. كل اسبوع تغيري جو بشكل او باخر عشان مش تتعبي ان شاء الله وبالنسبة لعيد ميلادك كل سنه وانت طيبة وربنا يجعل ايامك كلها فرحه وسعادة ويبارك في صحتك .متزعليش لو محدش افتكرك بعد كده ابقي اعملي حتى صينية كيكه وعليها شويه كريمة ونادي اخواتك ومامتك وقوليلهم حبيت اعمل لنفسي عيد ميلاد صغنن وافرح وافرحكم معايا بس وكده هتحرجيهم بالذوق ومش هينسوك تاني بعد كده ان شاء الله بس احب اقولك يعني ان عيد الميلاد ده مش فرض ولا سنه بل وقد يكون بدعه يعني فهو مش اساس في الدين يعني ياريت تبحثي عن حكمه كويس انا مقدرة شعورك انك كان نفسك حد يتذكر مناسبه سعيده في حياتك .ربنا يجبر بخاطرك ويسعد قلبك
تم النشر الثلاثاء، ٢٤ يناير ٢٠٢٣
كل سنه وانتي طيبه ويارب تكون سنه سعيده عليكي يارب وتحققي الي نفسك فيه ان شاءالله اولا انتي ثوابك عند ربنا كبير انك بتضحي بحجات كتير فيها سعادتك ومتعتك عشان والدتك ربنا يشفيها ويعافيها ويجعله في ميزان حسناتك كل متتعصبي افتكري انك بتاخدي ثواب رعايتها وصبرك ع اي حاجه بتعملها او بتقولها وانك اكيد مش هتحبي تزعليها وهي تعبانه بس طبعا انتي محتاجه تفرغي الضغوط الي بتمري بيها وبتحسيها لو تقدري تحكي مع مامتك بس تثقي ان ده مش هيأثر عليها وتزعل عليكي وتتعب اكتر او انك متتعصبيش وانتي بتكلميها وممكن تحكي مع حد من صحابك الكلام بيفرغ ضغط كبير بنمر بيه او ممكن تكتبي كل المشاعر الي بتحسيها والضغط والكبت الي بتمري بيه عشان تحسي انك شلتي عنك هم بسيط وتقدري تكملي وف العموم عشان تتحكمي في العصبيه حاولي تاخدي نفس عميق اكتر من مره اول متحسي بالعصبيه والغضب وقبل متتكلمي وفكري انه عصبيتك مش صح ولازم ي تسكتي او تردي رد هادي
تم النشر الثلاثاء، ٢٤ يناير ٢٠٢٣
• المنشور مُنذ عام ، هل مازلتي موجودة في البرنامج ، إذا كُنتِي موجودة اكتبي تعليق ، حتى نتناقش.
تم النشر الخميس، ٢٥ يناير ٢٠٢٤
لعرض السؤال في فدني اضغط هنا