كل سنين الدراسة كنت من الأوائل المهم جيت عند اهم سنة تالتة ثانوي قصرت و سوفت جامد كنت بنام كتير بتخنق لو قعدت اذاكر اكتر من نص ساعة كنت كل يوم ابكي بدون سبب انا ف مواد ذاكرتها ليلة الامتحان كأني كنت في غفلة وفوقت بعد ما النتيجة طلعت مش عارفة لحد الان اتخطى اللي حصل كل يوم الوم نفسي ندمانة جدا ونصيحتي بجد لأي حد ف ثانوي ذاكروا جامد متبقوش زيي السنة بتجري بسرعة متراكموش حاجة ذاكروا اول بأول خليكوا مع نفسكوا والله هتوصلوا ملكوش دعوة بحد متقولوش المادة دي سهلة وتركنوها ذاكروا كل المواد اقفلوا الفيس دا خالص تضييع وقت اللي لسه مبدأش يبدأ دلوقتي والله شعور الندم صعب دا كلام كان نفسي حد يفوقني ويقولي كدا بس وادعولي اتخطى تقصيري ف ثانوي واعوض في اللي هدخله
اللي حصل حصل .. ملوش لازمة الندم دلوقتي .. لو كان الندم يرجع اللي فات كنا ندمنا كلنا. ولكن الهدف من تجربتك انك تتعلمي، خدي النصائح ديه اللي انتي ذكرتيها خديها قاعدة في حياتك فيما بعد في اي حاجه. لربما اللي حصلك كان لازم يحصلك، علشان تفوقي .. الدرس صعب اه .. صدمته جامده عليكي .. لكن احنا بنتعلم من الصدمات .. بنتعلم من الغلط، عمرنا ما هنتعلم من حاجه صح. ابدئي مرحلة جديدة وسامحي نفسك.
تم النشر الثلاثاء، ٢٦ سبتمبر ٢٠٢٣
السلام عليكم ورحمة الله وبركاته شكرا ع المشاركة 🌷 احساسك واصلني جدا انت عشان شاطر ومتفوق حاسس بكده ولسه المستقبل قدامك دي مجرد مرحله واكيد هنتعلم منها امسك فالدرس بإيدك واسنانك لو فكرنا هنا ودلوقتي تقبل الامر دوري ايه اول خطوة تفرحني وتكون دافع ليا هدف احطه واسعي ليه ادور ايه الحكمة من الدرس الصعب ده ادور علي معني لحياتي انصح غيري بتجربتي وبالذات من هم بسنك وحولك هتكون نصيحة ناجحة ومن القلب وصادقة فهتوصل لقلوبهم وماشاء الله انت كنت كل سنين الدراسة من الأوائل هتشوف نفسك فترتيب الجامعه ان شاء الله ربنا يوفقك ويرشدك للصالح
تم النشر الثلاثاء، ٢٦ سبتمبر ٢٠٢٣
اللي حصل حصل ومنقدرش نغيرة الدنيا لسة قدامك ده درس اتعلم منه لقدام وركز في الجاي
تم النشر الأربعاء، ٢٧ سبتمبر ٢٠٢٣
متندميش خلاص اللي حصل حصل و كله بقدر الله وان كان لينا يد فيه لكن كلها ارادة الاه اولا واخرا وتفتيش بابا لو انت اسعي باللي ف ايدك مش هتقدر ترجعي لحالته ثانوي و تصلحيها ولكن تقدري تشتغلي ع نفسك ف الكليه ايا كانت واجتهدي وف شغلم بعديم فيه حياه كامله وعمر لسه جي ان شاء الله تعوضي فيه متحصريش حياتك ونفسك ف مرحله واحده
تم النشر الجمعة، ٢٩ سبتمبر ٢٠٢٣
لعرض السؤال في فدني اضغط هنا