أنا دائما حاسة أن كل ال حواليا مش حابني او بيخونوني ولو حبيت حد بغير عليا غيره صعبه محدش يستحملها ممكن اغير عليه من أهله ومن والدتي والكل بدء يزهق مني، الشخص اللي أنا معاه ممكن لو شخص تاني معاه ميتحملش يكون معاه بالتصرفات ال بيعملها زي ضرب وزعيق لكن أنا بستحمل ومش عارفه ابعد عنه ومش عارفه اي السبب ودائما بزعق وبعيط وبشك ف اهلي وف والدتي دائما ومش عارفه ارتاح
السلام عليكم، أتمنى أكون فهمت مشكلتك صح، ولو فيه أي حاجة أنا فهمتها غلط صححي لي. يعني أنتِ دلوقتي مرتبطة بشخص؟ والشخص ده بيتعامل معك بطريقة سيئة وبيضرب وبيزعق ومع ذلك مش قادرة تبعدي عنه؟ طيب الشخص ده خطيبك أصلا ولا متصاحبين؟ يعني تقريبا كده أنتِ عندك مشكلتين في بعض... إنك شاكة إن كل اللي حولك مش بيحبوكِ ولا تقصدي الشخص اللي انتِ مرتبطة به؟ ومشكلتك التانية إنك متعلقة بالشخص ده رغم كل أذاه لكِ. ** تعبك كله أعتقد ومشكلتك كلها في إنك مرتبطة بشخص مؤذي. وأنتِ مش بتحبيه، أنتِ متعلقة به تعلق مرضي. أولا لو هو مش خطيبك فهي علاقة حرام ولازم تقطعيها وتتوبي عنها.. ولو خطيبك ملوش حق يضرب ويزعق ولا يتجاوز حدوده معك ومحتاجة تراجعي قرارك في الزواج منه. ** علاقتك بالشخص ده انعكست عليكِ بصورة سيئة جدًا ولو استمريتِ فيها هتتعبي أكتر وهتفضلي في الشك والزعيق والعياط اللي انتِ فيه حاليًا. اقطعي علاقتك به وركزي في إنك تصلحي نفسيتك ومشاعرك وارجعي لربنا وكل حاجة إن شاء الله هتتظبط وهتنسيه مع الوقت.
تم النشر الثلاثاء، ٢٨ يناير ٢٠٢٥
عزيزتي، يبدو أنك تعيشين تجربة صعبة ومؤلمة، وهذا الأمر قد يكون محبطًا للغاية. من الواضح أنك تعانين من مشاعر الغيرة وعدم الأمان، مما يؤثر على علاقاتك ويجعل من الصعب عليك الاستمتاع بوجودك مع الآخرين. الغيرة يمكن أن تكون نتيجة للقلق من فقدان الحب أو عدم الثقة بالنفس. عندما تشعرين أن من حولك لا يحبونك أو قد يخونونك، قد يتولد لديك شعور بالخوف والقلق الذي يدفعك للتصرف بطريقة قد تؤذي العلاقة بدلاً من تعزيزها. أما بالنسبة للشخص الذي تكونين معه، من المهم أن تدركي أنه ليس من الصحي أن تتحملي الضغوط الناجمة عن سلوكه العدواني، مثل الضرب أو الصراخ. العلاقة الصحية تتطلب الاحترام المتبادل والدعم. أنصحك بالتفكير في الأمور التالية: تقييم العلاقة: هل تستحق هذه العلاقة ما تعانين منه؟ هل تشعرين بالسعادة فيها؟ التحدث مع شخص مقرب: حاولي التحدث مع صديقة أو أحد أفراد أسرتك تثقين به حول مشاعرك وتجربتك. الاستشارة المتخصصة: لا تترددي في البحث عن مستشار نفسي يمكنه مساعدتك في التعامل مع مشاعر الخوف والقلق التي تواجهينها. تذكري، من حقك أن تعيشي حياة خالية من العنف والضغط النفسي. اعتني بنفسك، وابحثي عن ما يجعلك تشعرين بالسعادة والراحة.
تم النشر الاثنين، ٢٧ يناير ٢٠٢٥
طيب في كلام كتير محتاج اسئله. استاذه مي جاوبت جزء مهم جدا والتصرف الصح يبقي ازاي. بس انا عايزه اعرف ايه موصلك الاحاسيس دي من محيطك؟هل فعلا حد خانك؟هل فعلا حد اثبت انه بيحبك؟طيب اثبت انه بيكرهك؟؟.. ثانيا تقبل سوء العلاقه مع الشخص اللي في حياتك بسبب احساسك انه هو الوحيد اللي قابل بيكي وبيحبك وغيرتك عليه الزياده بسبب خوف ان احساس الحب اللي لاقيتيه يضيع منك. فياريت توضحي مشاعرك دي بناءا ع ايه. لان الشخص اللي معاكي مش بيحبك طول ماهو بيهينك. يبقي لازم تعيدي رؤيتك في كره اللي حواليكي وشكك فيهم ايه اسبابها الفعليه الواقعيه الملموسه. وطول ماحضرتك هتدخلي علاقه وتحسي انه المنقذ تأكدي انه هيغرقك اكتر.
تم النشر الأربعاء، ٢٩ يناير ٢٠٢٥
احسن الظن ولا تهتم
تم النشر الجمعة، ٣١ يناير ٢٠٢٥
اعتقد. ده شيء. له علاقه. بعدم الثقة بالنفس. والشك. الكتير. من مواقف. حصلت. ليكي. . أما تقبل. علاقه سيئه ده تحت إطار. عدم الثقه طبعا. لانك شايفه لو سبتي. مش هتلاقي ال يرضا بيكي تاني ويتقبلك ويحبك أو من مخاوف عائليه زي شماته أو. احساس بالنقص ال هو. اشمعنا انا مليش حبيب. ده غصب عنك. لكن اعتقد الحل. هو تطوير من نفسك وتعرفي قيمه نفسك والظاهر المحيط ال حواليكي فيه جزء سلبي شويه هو مساعدك ع الأفكار ال ف دماغك دي
تم النشر الجمعة، ٣١ يناير ٢٠٢٥
لعرض السؤال في فدني اضغط هنا