السلام عليكم
ازاي اتخلص من الوسواس القهري انا حاليا تعبانه فعليا من المشكله دي مش عارفه اذا كان دا وسواس قهري ولا لاء
بس انا في حياتي عموما لما اجي اختار حاجه او اشتري حاجه جديده اقعد اوسوس لما اروح البيت بعد ما اشتريته وخلاص اقتنعت بيها يادوب اروح اقول لاء انا عايزه ارجعه ارجع تاني المحل وارجعها وبعدها بشويه اغير رئي واخدها تاني وبعدها اروح البيت واقول لاء مش عجباني وارجع المحل اخد تاني وابقى ع هذا الحال لحد ما صحاب المحل زعق فيا وقالي مش هرجعلك حاجه وهكذا لما اجي اقدم ع حاجه اروح اقدم مثلا ع كورس اقول في نفسي ماانا قادره اخده ع الانترنت مجانا ف اروح اسحب الفلوس بتاعي وأحرج نفسي وبعدها ارجع تاني واقول هرجع اقدم لاني مش هعرف اتعلم لوحدي
وبرضو لما اتقدملي عريس أوافق وبعدين ارجع في كلامي واقول لاء مش مناسب ليا واقعد اوسوس وافكر واتعب الناس الي حواليا
ممكن حد من حضراتكم يعرف دا بسبب اي هو اي علاجه؟
هو ده مش وسواس قهري الوسواس حاجة تانية مختلفة ... ده تردد وعدم القدرة ع اتخاذ القرارات .. خلى القرارات فى حاجات صغيرة اكتر من الشراء وكبريها شوية شوية ..وممكن تتفرجي ع فيديوهات خاصة بالمشكلة دي وتفهمي سببها وحلولها
تم النشر السبت، ٩ مارس ٢٠٢٤
في حلين أول حل انك تروحي لدكتور نفسي او أخصائي نفسي و الحل التاني انك لو مش هتقدري تروحي لدكتور نفسي يبقى تحاولي تعالجي الموضوع مع نفسك لو اخترتي تعالجي نفسك بنفسك يبقى اول حاجه لازم تعمليها هي انك تزودي ثقتك بنفسك الثقة بالنفس لما بتكون عالية بتقدري تعرفي كويس قدراتك و امكانياتك فبيكون اتخاذ القرار أسهل و مش بيكون في شك في نفسك او في قدراتك تاني حاجة انك تكتبي في notes ايه الأسباب الي بتخليكي عندك وسواس قهري ذي مثلا انتي دلوقت اشتريتي حاجه و لما روحتي حسيتي انه لا عاوزه ارجعها فقبل ما ترجعيها اقعدي مع نفسك و فكري انتي ليه عاوزة ترجعيها مثلا اشتريتي بنطلون و عجبك اوي بس لما رجعتي و جربتيه طلع مش حلو اوي عليكي او مقاسه واسع او ضيق عليكي او طلع مقطوع او طويل او قصير في الوقت ده انتي عندك سبب مقنع انك ترجعيه لكن لما البنطلون يكون حلو جدا عليكي و مفيهوش غلطة و الناس حواليكي بيقولولك انه حلو وقتها تعرفي ان ده هو الوسواس الي بيخليكي تفكري بالشكل ده و بيخليكي عاوزة ترجعيه فوقتها الي هتعمليه هو انك تتجاهلي الأفكار دي يعني وقتها مش هترجعي البنطلون و هتخرجي بيه و هكذا مع اي حاجه تانية في حياتك مثلا لو عريس اتقدملك و الشاب كويس جدا و سألتي عن أهله و عنه و خلاص عارفة انه انسان كويس و محترم و اهلك كمان عارفين ده و موافقين عليه بس انتي عمالة تفكري انه لا ما يمكن مش مناسب ما يمكن اندم ما يمكن ما يمكن وقتها الي هتعمليه برضو هو انك هتفكري بمنطقية الأول يعني من الاخر هتلغي الشكوك الي عندك من خلال انك تفكري بمنطقية يعني انتي دلوقت هتسألي نفسك هل الشاب ده كويس و أهله كويسين؟ لو الإجابة اه يبقى تسألي نفسك السؤال التاني و هو هل انا جاهزة للجواز و مسؤوليته؟ لو الاجابه اه يبقى تسألي نفسك تاني هل انا مرتاحه للشخص ده؟ و هنا بقى لازم تعرفي ان مش معنى ان الشخص الي متقدملك مفيهوش غلطه و كويس يبقى كده مينفعش انك ما تبقيش مرتحاله لان ده مش شرط خالص و لو طلعتي مرتاحه للشخص بس كده يبقى وقتها تتأكدي ان الأفكار دي هي الوسواس و وقتها مش هتعملي اي فعل ناتج عن الأفكار دي و كملي في الخطبة و لو طلع فعلا انسان كويس في تعامله معاكي و مفيهوش اي مشكلة يبقى كملي و توكلي على الله في الجوازة دي و هكذا مع اي حاجه تانية في حياتك
تم النشر الجمعة، ٨ مارس ٢٠٢٤
لابد من التقرب من ربك والصلاة هيفرق معاكي جداً جربي وشوفي
تم النشر الجمعة، ٨ مارس ٢٠٢٤
وعليكم السلام ما تصفينه هو تردد وخوف من ان تواجهى نتيجة لا تستطيعين التعامل معها او لا تتحملين ان يلومك احدهم على نتيجة قراراتك عليك بان تهييء الاجواء لنفسك مثلا .اشتريتى شيئا قومى بفصل الورقه منه اول ما توصلى البيت او تشترى من اماكن بعيده ويبقي صعب تروحى ترجعى وعلى نفس السياق اختارى الاماكن اللى لما تتعاملى فيها يكون الامر قبل البدايه ع طول فتدخلى على طول
تم النشر السبت، ٩ مارس ٢٠٢٤
هذا ليس وسواس لن الوسواس له اعراض مختلفه هذا تردد وبتحصل كتير مع البنات في شراء
تم النشر الجمعة، ٨ مارس ٢٠٢٤
بصي نصيحه مني روحي لدكتور نفسي المرض النفسي عمره ما كان عيب ولا حرام والله بجد هترتاحي جدا بس الاهم تروحي وتكوني واخده قرار انك هتتغيري وهتتعالجي وبجد خلي عندك اراده ومع الدكتور النفسي هتتحسني بقولك عن تجربه♡
تم النشر السبت، ٩ مارس ٢٠٢٤
انتي محتاجه شوية ثقه بس
تم النشر السبت، ٩ مارس ٢٠٢٤
يجنني الوساس القهري والله اذا لمست صورة مو تعجبني او لشخص غيري اروح اغسل يدي بلصابون مكان الصباع
تم النشر الجمعة، ٨ مارس ٢٠٢٤
طيب شرايك تجربي تثقي بقراراتك؟كل شيء اخترتيه و بتختاريه بنسبة كبيرة يستحق التجربة،ممكن يفشل بشكل سيء؟ايوه بس ممكن ينجح برضو فا لو بقينا نفكر بمستقبل هالمواضيع دايما مارح نحرز اي تقدم لكذا لازم تخاطري وتجربي مو مهم النتيجة قد ما انتي قدرتي تثقي بنفسك،ولو مو قادرة تتخذي قرار بشيء معقد ماتدري هو صح او غلط ارجعي للدين ببساطة او استشيري اللي حولك،اتمنى فعلا ذا يساعدك
تم النشر الجمعة، ٨ مارس ٢٠٢٤
جربي تروحي لدكتور نفسي
تم النشر الجمعة، ٨ مارس ٢٠٢٤
بصي اولا الوسواس القهري عادي دي مرحله انك مشككه في كل اختياراتك كل ما تحسي انك وخده اختيار ومش حسه ب ثقه تجاهو فكري ف حاجه تانيه زي الاكل الميا التلج اي حاجه وبلاش تفكري ف التوتر و الوسواس خلينا عرفين ان الوسواس ده عباره عن انفصام شخصي للشخص في جواكي شخص مش مديكي ثقه ف اختياراتك وبلاش تفكري في ان الاختيار غلط او يارتني اخترت ده لا كل واحد و ليه نصيبو خليكي فاكره نصيبك هيصيبك وبلاش تقعدي توسوسي لنفسك عشان كل ما تفكري كل ما تكتر الوسوسه خليكي بتخدي قرار واحد فقط مش قرارات كتير
تم النشر الجمعة، ٨ مارس ٢٠٢٤
لعرض السؤال في فدني اضغط هنا