السلام عليكم ورحمه الله انا مش هطول وهحكيلكو مشكلتي باختصار هي مع امي عشان يكون في علم امي مطلقه وانا واخواتي قاعدين معاها من فترة كده حصل حوار مش لازم احكيه المهم امي بقا مشكلتي معاها بتفرق بيني وبين اخواتي بتقعد تدعي عليا في وشي ومن ضهري دعاوي كتير وحشه جدا وانا ببقى مصدومه وهعيط من كتر ما هي بتجرحني بكلامها وتفرقتها وفي مرة جت صحبتي البيت وهي قعدت تعايرني قدامها بمجموعي عشان معروف اني كنت شاكرة وجت فترة كده جبت مجموع والناس استغربت طبعا وقعدت تعايرني قدام صحبتي وانا تعبت من كتر الي هي بتعملو معاياوكنت مدايقه ونا ماشيه صحبتي سابتني ومشيت عشان مبتكلمش وانا ملومتهاش ساعتها وبعد كدا طبعا بقعد اعيط كتير بسبب اللي بيحصل معايا بسببها وكل شويه تقعد تذلني وتقولي دانا يكلبه هرميكي له ده اللي هو ابويا ده انا مستحملاكي بس اليومين دول وهرميكي ده انتي زيهم وانا عارفاكي وانا مش عارفه ليه كل دا وانا تعبت عايزه حل
وعليكم السلام ورحمه الله وبركاته. انا اعتقد انه الموضوع اللي انت قلتي الحوار اللي حصل ده مش لازم احكيه هو فيه كتير قوي من الاسباب. الحاصله ما بينك وما بين مامتك لو الموقف ده كان يتعلق بعله باباكي وان انت كان لك مثلا اتواصل معاهم او او حاجه تخصهم ودي حاجه بتضايق مامتك من وقتها واذا كان ده كمان الموضوع ده او الموقف ده هو اللي اثر على مذاكرتك وعلى مستواك فيبقى مامتك كل اللي هي بتعمله غضب ورد فعل على اللي حصل ده وهي مش قادره ان هي تع. د. فاعتقد انك لازم تتحملي المسؤوليه اكتر اذا كان فعلا ان انا بقوله ده هو اللي حاصل وتشوفي ايه اللي يراضي امك؟ تهدي من غضبها ده وتنظفين وتصالحيه ولو صالحتيها مره صالحتيها صالحيها مره واثنين وعشره لحد ما رضى لحد ما ترضى فعلا عنك لانه لما تكون الام. واصله للدرجه دي من الحرقه. فهي ممكن تكون عملت مجهود كبير جدا وتعبت واتقالت كتير جدا علشان في الاخر يكون النتيجه ان هي تنفصل وتضطر انها تشيل مسئوليه وجهد لوحدها بتبقى متضايقه قوي ان يكونوا ولادها مش بيساعدوها. حتى بانهم يراعوا الضغط اللي هي. حاسه. انا برضو هعورك لانك اكيد مش فاهمه حاجات كتير اكيد مش متوعبه حاجات كتير وكل بس اللي انت حاسه به هو انك ماذيه من الكلام اللي بيتقلك انك زعلانه ان والدتك بقت بتتكلم عنك بطريقه مش حلوه او حاسه ناحيتك شعور حلو لان اكيد دي حاجه مش حلوه خالص الانسان يتقبلها لكن ايا كانت الظروف راضي امك بدل المره مليون حتى ترضى سيبي كل اللي في ايدك وحطي كل ما بتدي امك شوفي ايه اللي مزعلها شوفي ايه اللي مضايقها موصلها انها تدعي عليك وتبقى مش مش حباكي بطريقه دي وزعلانه منك قوي كده وراضيها شوفي كل الطرق اللي تراضيها بدل ما تبقي واخده جامده وبتعيطي وبس حزينه على ان انت وصلتي للمرحله دي معاها.
تم النشر الأحد، ٢٦ مايو ٢٠٢٤
هى ممكن بتعمل كدة وخداكى بذنب انفصلهاهى وبباكى حولى اقعدى اكلمى معاها وفهميها ان ده بتأثر عليكى او خلى حد يتفاهم معها ومهما حصل مفيش ام بتكرة بنتها هى اكيد بتقول كدا بس بطلع إلى فيها ربنا معاكى وان شاءالله خير
تم النشر الأحد، ٢٦ مايو ٢٠٢٤
أولاً أنا آسفة جداً على الصعوبات التي تواجهينها مع والدتك. العلاقات العائلية دائما ما تكون معقدة وتحمل العديد من التحديات. لكن من الضروري التحدث بصدق ووضوح مع والدتك حول مشاعرك وكيف يمكن تحسين الوضع. عليكي أن تعبري عن مشاعرك بصراحة وتحاولي فهم وجهة نظر والدتك أيضا. من الممكن أن تكون هناك خلافات أو اسباب عميقة لتصرفاتها، فربما تبدأين بمحاولة بناء جسور تواصل وفهم بينكما. إذا كانت الأمور لا تزال معقدة، فإنه من الجيد البحث عن مساعدة متخصصة مثل المدربين الحياتيين أو المعالجين النفسيين الذين قد يقدمون لكِ الدعم والإرشاد اللازم.
تم النشر الأحد، ٢٦ مايو ٢٠٢٤
لعرض السؤال في فدني اضغط هنا