انا مخطوبه و انا و هو واخدين بعض عن حب بجد كان زميلي ف الكليه اصلا و ال اربع سنين مع بعض مرتبطين و دلوقتي داخلين ف سنه مخطوبين ..هو حرفيا يعتبر اقرب حد ليا دلوقتي لاني معنديش صحاب بنات خالص و مش عارفه اكون صحاب ..المهم هو بيحكيلي كل حاجه عندو و كذالك نا بس بتيجي ف حتت مشاكل عندو ف البيت مش بيحكيلي اي حاجه و لا بيخليني ابقى معاه ف الوقت دا ..اول مره قعد اربع ايام ما كلمتنيش لمه جيه يكلمني بعديها كنت زعلانه و فضلت فتره مش راضيه اكلمو واقول انت وقت زعلك مش بتخليني اقف جنبك ولا اساعدك ف حاجه ..لمه بقى بيحصل حاجه تاني بقى ييجي يكلمني بس كان فعلا زهقان و مش بيرضى يبعد فتره زي قبل كدا علشان انا بزعل ..هو مش وحش هو طيب بس مش بيخليني اكون جمبو ف وقت زعل و خنقتو بقولو علشان اتعود اكون معاك و اعرف احل اي مشكله تواجهنا يقولي لا و بلاش ..هل دا بسبب اني مش بعرف افكر صح معاه و هو مش بيستفاد مني وله بسبب اي ..دايما بيرحو ل اختو ال متجوزه و يعد الفتره دي عندها لحد ما بيكون كويس و بعدين يروح بيتو تاني لمه يلاقي حل للمشكله"المشاكل عندو مش بتكون عباره عن خناقات بس هيا بتبقى موضوع كبير فعلا "
ف دا بسبب اي اشمعنا بيعرف بيتكلم مع اختو ونا لا مع انو دائما يقولي نا حبيتك علشان بحسك شبهي
بقالنا بتاع اربع سنين ف الموضوع دا و كل مره اعد اتكلم و نتخانق انو مش بيشاركني حاجه بقيت بحس بيشوفني بتخانق معاه علشان اعرف اي المشكله و خلاص مش بيشوف اني ببقى بجد عاوزه اكون معاه مع اني ولله بعمل كدا علشان بجد كلها فتره و نكون مع بعض وقتها لو حصل حاجه من ال بتحصل مش هعرف اتصرف لانو معرفنيش بيفكر ازاي ولا شاركني الموضوع دا ..هو مش ف مشكله واحده لا ف اي مشكله بتحصل عندو نا مش ببقى عارفاها ..ف دا بسبب اني مش بعرف اكون معاه أو مش بحسسو اني ببقى عاوزه اساعدو وله انا فعلا الحلول ال بقولها مش حلوه وله بسبب اي
مش كل حاجة هتعرفى تعمليها ولا كل حاجة لاززم يبقى العيب والمشكلة عندك لو بالنسة لخطيبك فالاحتمالات كتير انه ليه مش بيجيلك اانتى ( كل الاحتمالات متوقفه على قناعاته الشخصية واللى مترسخه جواه ) ممكن من زمان ومن قبل ما يعرفك متعود انه يستشير اخته ( ده مش عيب ولا يقلل من علاقته بيكى ولا قوة علاقتكم بتتحدد على انه كل حاجة تبقوا بتلجأوا لبعض فيها ) ممكن يكون من النوع اللى بالنسباله الرجوله انه ميشيلش اللى معاه هموم ...وانه هو اللى يشيل همومها ولكن ميشيلهاش والا هيبقى فى عين نفسه مش راجل . ممكن يكون ميحبش يشوف نفسه ضعيف قدامك ( فبيسكت فى الوقت ده ) ممكن يكون دماغه مشغوله ومش هيعرف يجاوب على اسئلتك ولا يقدر محاولتك لمساعدته . مش طول الوقت هتقدرى تقدمى حلول ...بس طول الوقت تقدرى تكونى مصدر دعم وامان وطبطبه ....بدون ضغط وقت المشاكل ...ده اهم للراجل كتييير من انك تمدى ايدك وتحلى معاه المشكلة
تم النشر الجمعة، ١٧ نوفمبر ٢٠٢٣
لازم تعرفى انك انتى مينفعش تشتكى ليه من حاجه مضايقة منها ف اهلك او لو متخانقه معاهم تستبعديه خااص فممكن هو بيتعامل نفس الفكره مينفعشاى مشاكل اسريه تكون بينكم عشان علاقتكم تكون مستقرة، الراجل عامته مش بيحب حلول من مراته لانه بيكون عايز يحس مع مراته انه القائد ففكره انه ياخد منك حلول لمشاكل اسرية بتكون صعبه بالنسبه للرجاله
تم النشر الجمعة، ١٧ نوفمبر ٢٠٢٣
في ناس مش بتحب تتكلم على مشاكل عائلية لان فيها اسرار وبيحسو انهم طلعو سر بيتهم ومبيعرفوش اصلا يقولو كل حاجه
تم النشر الجمعة، ١٧ نوفمبر ٢٠٢٣
لعرض السؤال في فدني اضغط هنا