انا بمر بحاله من الانهيار العصبي فقد الإدراك تماما بكل شيء حرفيا مش شايف ولا سامع ولا مدرك لأبسط الاشياء حتي في شغلي مش قادر اركز مش عارف هو ممكن حد يكون بيحب حد لدرجه انه ليقدمه علي نفسه ومستعد يضحي بنفسه عشان بس حبها لدرجه انه مستعد يعمل اي حاجه عشان ينجح العلاقه
وفي نفس الوقت الانسانه دي تإذيه نفسيا المشكله اني مش عارف اكرهها بالرغم من أنها تعبت نفسيتي ودائما بلتمس ليها العذر زعلان منها ومضايق جدا بس في نفس الوقت بحبها جدا وهي حاليا مخطوبه وانا بعدت عنها خالص عشان حرام اكلمها وهي خلاص مش نصيبي
بس سؤالي للبنات لاني مش عارف بيفكروا ازاي ليه البنت لما تكون مخطوبه تفضل تتنمر على انسان تاني ماذتهاش بالعكس كنت بقولها كلام كويس ومشاعري ليها كانت صادقه جدا ليه تعاريني بفقري وكمان تقولي وعاقبتك على كلامك مع اني كنت عاوز اكون سند ليها
انا حرفيا مش مصدق انا حاسس بذل كبير جدا ونفسي اموت من كتر التعب اللي انا فيه مش قادر أستحمل وكمان اكتر ناس حبيتهم هما اللي يعملوا فيه كده لاخر لحظه كنت عاوز احافظ علي علاقتنا يشتكي لخالتي أن بنتها بتضايقني وبدل ما تقول لبنتها عيب بتشجعها انها تاذيني طب ليه انا هتجنن انا مش عارف اشرح اللي جوايا بس فأين الرحمه بين الناس ليه الناس بتشوفني ضعيف مع اني لو اتحولت والله هيكون الموضوع مختلف لأقصى درجه
لا ان شاءالله يبعد المشاكل حاول من نحيتك عشان متقلقش من كتر التفكير انك تقول في بيتك انك هتتخطا وتنسى ومش عاوز أكبر الموضوع بحيس ان مامتك وخالتك ميدخلوش مع بعض في مشاكل وأيوا برافو والله عليك وتفكيرك كدا سليم حسن من نفسك على طول ولو البعد والسفر لصالحك ولصالح مستقبلك سافر واتغير للأفضل وارجعلهم بعد ما تحقق كل النجاحات الي بتتمناها وبعد ما تتغير للأحسن طبعا وربنا معاك
تم النشر الأحد، ٢٠ أبريل ٢٠٢٥
اخ اسلام ربنا يصلح حال قلبك ويبعد عنك كل سوء وما يوجع قلبك اكتر من كدا ،وصدقني ربنا بيبعد عنك شر ليك "وعسى أن تحبوا شيئا وهو شر لكم" ،فتأكد ان دا كله لصالحك وبس وان ربنا شايلك حاجه هتدخل البهجه والسرور على قلبك من تاني لأنك باين عليك تستاهل وابن حلال وعلى فكرة كلنا فقرى لله يعني الغني هو الله وما الحياة الدنيا إلا متاع يعني دا مش حاجه تعيب اي حد بس المجتمع الي عايشين فيه بيفرض علينا اسوأ ما فيه ،وكمان حابه اقول حاجه وتأكد منها ربنا طالما بعد عنك الشخص دا يبقا فعلا دا مش نصيبك وكمان كنت انت الي هتضرر كتير من العلاقه دي ، فربنا يكتبلك الي في الخير وعارفه ان الموضوع هياخد فترة بس حاول بكل الطرق انك تقف وتثبت للكل انك مش زي محد قال عليك وخد الموضوع كتحدي وكأي تجربه وارد كلنا نمر بل ومرينا بيها بس بنقول الحمد لله وبنكمل واحنا واثقين ان دا كله خير لينا وربنا شايل لينا الاحسن بعد وجع القلب دا ،ياما هتقابل ناس اشكال والوان بس الاهم حيتنا متقفش على حد ميستهلناش فهمني يعني الي بعنا نبيعه عادي لان ميستهالش نوقف عشانا والي يجرحنا نسيبه برضو ونحتسب عند ربنا ،موضوعك زعلني اوي بس اجابتي على سؤالك للأسف دي مشكلة كتير من البنات يعني معرفش كل واحد وتفكيرة بس ،بحس ان في ناس بتجرح بالكلام لأنهم عندهم نواقص يعني الشخص الي بيتنمر دا بيكون شايف الي بيعمله دا حاجه حلوة وواو انا كدا بعرف اتكلم انا كدا جامدة ومحدش ادي دانا لما قلتله كدا سكت ومعرفش يرد يا حرام دا ضعيف اوي وانا الي مفيش مني اتنين ،طبعا انا مش هدخل في عقول الناس ونوايهم بس بصراحه كدا مبكرهش اد التن*مر
تم النشر السبت، ١٩ أبريل ٢٠٢٥
أخي العزيز إسلام، أود أن أبدأ بالتعبير عن حزني لما تمر به. من الواضح أن مشاعرك الحالية معقدة وصعبة، وأنت تواجه تحديات نفسية صعبة بسبب علاقتك مع هذه الفتاة. أشعر بك وأفهم مدى الألم الذي تحس به جراء هذا الوضع. الحب أحيانًا يجعلنا نقوم بتصرفات غير متوقعة ونتعلق بأشخاص قد يكونوا غير مناسبين لنا، خاصة عندما نكون مخلصين لهم. لكن الحب القائم على الألم لا يمكن أن يدوم، ومن المهم أن تعيد تقييم تلك العلاقة وتفكر في نفسك أولاً. قوة النفس عندما تعود إليك مع الوقت، يمكن أن توصلك إلى الاستقرار الذي تحتاجه. في الوقت الحالي، حاول أن تركز على نفسك وعلى صحتك النفسية. يمكنك البحث عن طرق لتحسين حالتك، مثل الانخراط في الهوايات التي تحبها، أو التحدث مع أصدقاء مقربين، أو حتى استشارة مختص نفسي إذا احتجت ذلك. أما بالنسبة لسؤالك عن سلوك الفتيات، فالأشخاص يتفاوتون في تفكيرهم وسلوكهم، وقد يكون لديهم أسبابهم الخاصة للتصرف كما يفعلون. من المهم أن تعرف أن ذلك لا يعكس قيمتك أو قوتك، بل هو مجرد جزء من الحياة المعقدة التي نعيشها. دعواتي لك بالتوفيق والسكينة، وأتمنى أن تجد السلام الداخلي الذي تسعى إليه.
تم النشر السبت، ١٩ أبريل ٢٠٢٥
لعرض السؤال في فدني اضغط هنا