محتاجة فيتامين يكون كويس للذاكرة والتركيز أستخدمه لفترة وأوقفه ولما أوفقه ميأثرش😅
محتاجاه علشان فترة الإمتحانات قربت باقى شهر يعني ومحتاجة أظبط شوية الدنيا لإني بحس أغلب الوقت تركيزي واقع وبنسى كتير "بحس كده فترات الضغط بشكل عام"
وديما عندي صداع في منطقة العين موصل بالدماغ كلها وكشفت كذا مرة وكل حد يقول حاجة مختلفة ف كنت عاوزة مسكن للصداع دا بشكل مؤقت عما أسافر وأكشف
خدى مكملات التربتوفان أو مكمل غذائي هيدرو كسيد تربتوفان 5htp. المكملات الغذائيه دى بتتأخد قبل النوم . لأنها بتشتغل على إنتاج السيرتونين اللى بيحسن المزاج و الميلاتونين اللى بيحسن جودة النوم و يستحسن انك تأخدى المكملات دى فى حدود الساعة 8 مساءا . لأنها بتطول فترة النوم شوية . بس نتائجها جميلة جدا على التركيز و المزاج و تحسين جودة الحياة . بس لا ينصح انك تأخديها فوق ال3 شهور بشكل يومى . و التربتوفان دا مش دوا دا حمض امينى بنحصل عليه من الاكل بس للأسف مبيعبرش حاجز الدماغ الا بنسب ضئيلة عشان تداخله مع أحماض أمنية أخرى . فعشان كدا بيتأخد مكمل غذائي عشان التركيز يبقى مظبوط . و ممكن تشتريه من Ali express . حيبقى ارخص من مصر بكتير . بس حيستغرق وقت شوية عقبال ما يوصل عشان الجمارك
تم النشر الأحد، ٥ مايو ٢٠٢٤
بالظبط وانا قصدت دا..انه ماشي بعضهم دكاترة لكن مش كلهم..ف انتقي ال هتاخدي منه النصيحة او العلاج
تم النشر السبت، ٤ مايو ٢٠٢٤
انصحك متاخديش أي ڤيتامين بتوصية شخص غير مختص وعلي غير دراية كامل بحالتك وبدون استشارة الطبيب لأنه غلط
تم النشر السبت، ٤ مايو ٢٠٢٤
فيتامين اوميجا 3 للتركيز ووظائف الدماغ حلو كتير
تم النشر الجمعة، ٣ مايو ٢٠٢٤
هنا على الموقع في دكاترة فعلشان كده بسأل هنا يعني، وكنت روحت ل دكتور من سنة تقريبا وكتبلي نوع ومشيت عليه فترة ووقفته وكان كويس بس مش فاكرة إسمه ومش لاقية الشريط حتى
تم النشر السبت، ٤ مايو ٢٠٢٤
لعرض السؤال في فدني اضغط هنا