انا حاسه ان انا مش بخير حاسه الدنيا كلها وحشه بجد ومش مناسبه ليا فيه خنقه في صدري وزوري نفسي ضيق وك حاجه حاسه انها ضيقه عليا مش مستحمله بجد انا بجد مش عارفه انا مالي كل شويه بعيط بدون سبب وبتجيلي لحظات انهيار وممكن يغمي عليا واللي حواليا مش فاهمين اللي بمر بيه ومش بيقولو غير اني نكد وبحب النكد ماحدش عارف انا فيا اي طب انا هحب النكد ليه اذا كنت انا تعبانه منه انا عندي 20 سنه بس يعني المفروض اكون عايشه سني بس انا حاسه اني عجوزه والله
انا حياتي بجد مالهاش معني مش عارفه اعمل ايه بجد يعني وربني انا اكاد اكون منهاره وانا بكتب دلوقتي انا مش عارفه غي اي وماعنديش حد. قريب يفهمني عشان احكي معاه حتي
حاسه ب ايه؟ ليه حاسه ان الدنيا ضاقت عليكي بالشكل ده؟ ايه السبب في كل اللي بتحسي بيه؟
تم النشر السبت، ٩ مارس ٢٠٢٤
انتى لازم تحكي ومتكبتيش اى احساس جواكى شوفى اقرب حد ليكي أو مامتك او حد قريبك واللى متحبيش تحكيه لحد طلعيه ع الورق فى نوتس المهم متكتميش مشاعر جواكى نهائي +لما تحسي بكدا افتكرى اى موقف كنتى مبسوطة فيه من قلبك حاجة كمان حاولى تزدي ثقتك بنفسك وتعرفي نقاط القوة عندك ويبقا ليكي اهتماماتك الخاصة اللى تحبي تعمليها وقت فراغك
تم النشر السبت، ٩ مارس ٢٠٢٤
ممكن يكون اكتئاب و تفكري تعالجيه بإنك تروحي لدكتور نفسي و كمان لازم توعي نفسك بموضوع الاكتئاب و أسبابه و أعراضه و كيفية علاجه و كمان التقرب من ربنا و الصلاة بيساعد جدا عن تجربة
تم النشر الجمعة، ٨ مارس ٢٠٢٤
كلنا بتمر علينا اوقات كتير كده بس اللى انتى تعمليه انك تصلي في الأوقات وتستغفري ربنا دائما وتكونى مع الصحبه الصالحه وقربي من ربنا واسمعي قرآن هتحسي براحه نفسيه كبيره اوي وربنا يفرج همك إن شاء الله
تم النشر الجمعة، ٨ مارس ٢٠٢٤
لعرض السؤال في فدني اضغط هنا